شراء جيتا 2009 الرجاء الرد سريعا

السلام عليكم ورحمة الله وبركاته
انا ابويا عايز يشتري سيارة فهو كان استقر علي كيا سيراتو 2015
و لكنة قابل صديقة و قال لة انة يريد بيع سيارة جيتا موديل 2009 خليجي الفئة الثانية
هي ماشية 85000 و السيارة استعمالها ممتاز و كأنها جديدة
فكنت عايز اية اخبار
1.العفشة ناشفة ولا طرية
2.الثبات
3.قطع الغيار رخيصة ولا متوسطة و لا غالية
4 استهلاك البنزين
5.نوع البنزين 92 ولا 95
6.هل يوجد عيوب في الفتيس
7.السحب قوي ولا ضعيف ولا متوسط
8.كنت اسمع عن ان السيارة واطية هل دة بياثر النعومية و هل بتحك في المطبات
اخيرا كنت عايز اعرف مواصفات السيارة و كنت عايز اعرف الوبشن الي في الفئة الثانية الخليجي موديل 2009 و هو عارضها ب125000 جنية فهل السعر دة كويس
و هل السيارة تستاهل يزود 25000 و يشتري سيراتو بيز لاين
بس ارجو الرد سريعا

بص ياباشا مبدائيا عيب لما تتكلم عن الثبات دى فولكس ثبات العربية وهمييييييييي سؤال مايتسألش اساسا

انا معايا جيتا 2010
استهلاك البنزين حلو جدا ماتخافش التفويلة عندى بتمشينى حوالى 460 كيلو بالتكييف وسط البلد والزحام و 530 بدون التكييف تقريبا
العفشة بالنسبالى انا كويسة لا هيا طرية ولا ناشفة متوسطة قطع الغيار بالنسبة للعربية كويسة تعتبر غالية قليلا بس معمرة جدا قطع غيار الالمانى كلة معمر

بالنسبة لتسارع العربية انا العربية اللى معايا فتيس 7سرعات dsg فامعرفش 2009 فتيس اية

ولاكن اللى معايا تسارع قوى وممتاز

العربية واطية نوعا ما وهتعلم على اى مطب يكون الاهالى اللى عاملاة لاكن مطبات المرور طبعا مش هتحك بس ماتقلش العربية قوية وبتستحمل حتى لو حكت فالمطبات

بالنسبة لاوبشن ال2009 الفئة التانية ماعرفش والله وان شاء الله الاخوة يفيدوك

الفئة التانية خليجى فيها جنط وطارة ومثبت و8 ايرباج وفوج لايت وسى دى 6 اسطوانات MP3 العربية كويسة بس سعرها عالى شويتين انا كانت معايا 2008 بعتها ب 110000 فابريقة بالكامل ماشية 93000 من 9 شهور بس خلى بالك لو دى الفتيس ال dsg ابعد عنها غير كدة اكشف عند مركز كويس وتوكل على الله بس ظبط موضوع السعر لانه غالى قوى يعنى العربية دى لو فابريكة بالكامل ومفيهاش مصاريف تماما اخرها 115000

شكرا لردكم انا كنت عايز اعرف
هل الفتيس الي معاك فية مشكلة
هي السيارة فتيس اوتو 6 سرعات
و هل اشتريها ولا اشتري سيراتو 2015 بيز لاين
او لانسر بومة 2014 اوتو 1600cc
او سكودا رابيد اوتو 2015 وكنت عايز اعرف اسعارها و الاويشن الي فيها و عيوبها و مميزاتها
و هل الجيتا فيها سنسور و بلوتوث
و ياريت صورة لنفس الفئة من الداخل