امتحان استخراج الرخصة

**MIS** · 01-11-2008 01:14 PM

اكيد لو تبع المدرسة لازم يكون العربية من عندهم وبيروح معاكي الي علمك ..
واتصلي واتاكدي ؟

**OlaOsman** · 01-11-2008 01:44 PM

المشاركة الأصلية كتبت بواسطة shanodaa

في مرور شبرا الخيمه الامتحان بسياره نصف نقل خاصه بالمرور وكل اللي قال انه معاه سياره وممكن يمتحن عليها سقطوه

نعم؟ مين؟ فيه؟ لييييييييييييييييييه؟

**hamedo0** · 01-11-2008 02:00 PM

المشاركة الأصلية كتبت بواسطة nohaesmat

واضح من ردودكم ان هوا مش بيبقى حاجة معينة بيبقى على حسب كل مرور..... صح كدة؟؟

محدش راح مرور مدينة السلام يا جماعة يقولنا عمل ايه هناك؟؟؟

هو انا المكرهني في عمل الرخصه مرور السلام ولانا بسمعه عنه بس انتي طلما تبع مدرسه الشيراتون علي مفتكر بتروحي الامتحان في مرور مدينه نصر بس اتكيدى الاول الامتحان فين وربنا معاكي

**lancerevolution** · 01-11-2008 02:12 PM

بتختلف من مكان لمكان عندنا بتمتحن على عربية نص نقل يا دوبل كابين يا مفرد و العربية بتمشى من غير ما تدوس على البنزين سلانسيه يعنى بيبقوا معليين العربية جدا عشان توفر بنزين و ممكن تخش بعربيتك لو عايز بس كدا كدا بتدفع 25 جنية تأمين مش حتاخدهم تانى و ممكن 10 جنيه للى حيقعد جنبك فى العربية عشان يقولك حتعمل إيه و إمتى بس دى قصة اليومين الى قضتهم فى الإدارة
بالنسبة للكمبيوتر فدا أمره سهل جدا بس مش عايز خوف

**Noha-Esmat** · 01-11-2008 02:18 PM

المشاركة الأصلية كتبت بواسطة lancerevolution

بتختلف من مكان لمكان عندنا بتمتحن على عربية نص نقل يا دوبل كابين يا مفرد و العربية بتمشى من غير ما تدوس على البنزين سلانسيه يعنى بيبقوا معليين العربية جدا عشان توفر بنزين و ممكن تخش بعربيتك لو عايز بس كدا كدا بتدفع 25 جنية تأمين مش حتاخدهم تانى و ممكن 10 جنيه للى حيقعد جنبك فى العربية عشان يقولك حتعمل إيه و إمتى بس دى قصة اليومين الى قضتهم فى الإدارة
بالنسبة للكمبيوتر فدا أمره سهل جدا بس مش عايز خوف

عندكو فين يا lancerevolution أصل أنا برضة اتعلمت على نص نقل

و برضة مكنتش بدوس على البنزين خالص و ده اللى مقلقنى

عشان خايفة اركب عربية تانية و يكون لازم ادوس بنزين و أنا مش متعودة عليها فتطفى منى ولا حاجة

**Noha-Esmat** · 01-11-2008 02:20 PM

المشاركة الأصلية كتبت بواسطة hamedo0

هو انا المكرهني في عمل الرخصه مرور السلام ولانا بسمعه عنه بس انتي طلما تبع مدرسه الشيراتون علي مفتكر بتروحي الامتحان في مرور مدينه نصر بس اتكيدى الاول الامتحان فين وربنا معاكي

أنا ساكنة فى جسر السويس فلازم اروح مرور مدينة السلام للأسف :(

**TaoTao** · 01-11-2008 02:32 PM

الامتحان بيكون في المرور اللي المدرسة تبعه .. يعني المدرسة في الشيراتون يبقى تمتحني تبع المرور بتاع الشيراتون.
كمان المدرسة كلها بتطلع في يوم واحد (كأنه رحلة :)) كل مدرب معاه اللي كان بيتدرب ع العربية .. يعني هاتمتحني بنفس العربية اللي اتدربتي بيها.
عادةً المدرسة بتكون مظبطة المرور والامتحان بيكون سهل وبيفوتوا الغلطات البسيطة كمان (وساعات الغلطات الكبيسة) المهم ماتفعصيش القمع وانتي بتعدي منه
امتحان الكومبيوتر بيكون من الكتيب الأزرق وبديهية.

وربنا يوفقك

**TaoTao** · 01-11-2008 02:35 PM

المشاركة الأصلية كتبت بواسطة nohaesmat

أنا ساكنة فى جسر السويس فلازم اروح مرور مدينة السلام للأسف :(

ياريت تتأكدي من المدرب هاتمتحنوا فين وإزاي .. لأن مدرسة مرور بين السرايات امتحنت كلها في مرور العجوزة في يوم واحد بغض النظر عن سكن المتدربين

**pendodo2002** · 01-11-2008 02:52 PM

عربيه نص نقل زي الفل
والراجل اللي كان معايا هوا اللي كان بيغير الجير ليا (بس طبعا كنت مضبطه مسبقا)
والراجل ده حاااااااااااااااااااااااا اااافظ
يعني ممكن ينجحك وهوا نايم ...
يقولك دلوقتي لف نص لفه يمين .. ربع كمان ..اول ما تشوف القمع في المرايه اكسر للآخر ...
جامد جدا بصراحه بيفكرني بال GPS
على اي حال الراجل ده لازم يتضبط وبرضو لازم تسألي المدرسه اللي انتي اتعلمتي فيها وتشوفي ايه نظامهم و برضو لازم يكون في معارف علشان لا قدر الله حصل حاجة يبقا ينقذ الموقف
كدا يعني

**Noha-Esmat** · 01-11-2008 03:22 PM

المشاركة الأصلية كتبت بواسطة pendodo2002

عربيه نص نقل زي الفل
والراجل اللي كان معايا هوا اللي كان بيغير الجير ليا (بس طبعا كنت مضبطه مسبقا)
والراجل ده حاااااااااااااااااااااااا اااافظ
يعني ممكن ينجحك وهوا نايم ...
يقولك دلوقتي لف نص لفه يمين .. ربع كمان ..اول ما تشوف القمع في المرايه اكسر للآخر ...
جامد جدا بصراحه بيفكرني بال GPS

على اي حال الراجل ده لازم يتضبط وبرضو لازم تسألي المدرسه اللي انتي اتعلمتي فيها وتشوفي ايه نظامهم و برضو لازم يكون في معارف علشان لا قدر الله حصل حاجة يبقا ينقذ الموقف
كدا يعني

أنا فعلا اللى كان بيعلمنى اسمه أحمد حافظ و أنا اتصلت بيه من شوية و عرفت انى هاكون فى مرور مدينة السلام و ان العربية هتكون من عندهم و إن الامتحان هيكون زى تمرين اليوتيرن اللى قعدت حصتين اتدرب عليه

يارب ما يكون بيضحك عليا بس ....و قالى انه مش هيكون فى المرور يوم الامتحان (أحسن برضة) ;););) عشان اعتمد على نفسى بعد ربنا طبعا ....

على العموم كدة الصورة وضحت شوية و متشكرة يا جماعة على ردودكم و مساعدتكم ليا فاضل بس تدعوووووووووووووووووووووو وووووولى ان ربنا يعدى اليوم ده على خير و اخلص موضوع الرخصة من غير بهدلة