القشقاي الجديده توب لاين بجنط 19 يا ترى ده ميزه علشان الاتزان ولا عيب بسبب مطبات مصر ؟ مع مراعاة أنها suv مش سيدان و العربيات العاليه كلها بتنزل بجنوط كبيره بتوصل لعشرينات في الشيروكي و الرانجلر . رجاء الافاده يا جماعه و شكراً جزيلاً
عرض للطباعة
القشقاي الجديده توب لاين بجنط 19 يا ترى ده ميزه علشان الاتزان ولا عيب بسبب مطبات مصر ؟ مع مراعاة أنها suv مش سيدان و العربيات العاليه كلها بتنزل بجنوط كبيره بتوصل لعشرينات في الشيروكي و الرانجلر . رجاء الافاده يا جماعه و شكراً جزيلاً
مش دي المشكلة ، المشكلة للاسف انها تربو يعني عايزة بنزين فوق 95 .
اعتقد هيبقي عيب عشان هتبقي ناشفة جدا والكاوتش هيعمل بلالين عشان رفيع
عيب بسبب مطبات مصر
الجنوط ال 19 مقاس الكاوتش بتاعها 225/45
سمك الكاوتش = 10 سم تقريبا
اما الجنوط ال 17 مقاس الكاوتش بتاعها 215/60
سمك الكاوتش = 13 سم تقريبا
فرق كبير فى الراحه وامتصاص الصدمات والمطبات والنقر ، غير ان فرق العرض من 215 ل 225 مش هايعمل الفرق الكبير في الثبات ، وممكن فى المستقبل تغيير الكاوتش بمقاس 225 على نفس الجنط ال 17
معظم العربيات الجديده تربو و ماشيه بنبزين 92 عادي . و هي استهلاكها هيكون قليل جدا لان الموتور صغير و تربو فالواحد ممكن يحط 95 و مع الوقت فرق السعر بين ال 95 و 92 هيقل لأن الدعم هيقل تدريجياً لحد ما ينتهي في 5 سنين تقريبا . شكرا على اهتمامك بالبوستاقتباس:
المشاركة الأصلية كتبت بواسطة a7med ezz 20
شكرا يا باشا على النصيحة و على تعبك في الإجابه المفصلة دي . ممكن اعرف رأيك عموما في القشقاي الجديده؟اقتباس:
المشاركة الأصلية كتبت بواسطة hosam_optrawy
الميزة انك تحس ان العربية نازلة كاملة زي برة او شبه كاملة لأن اكيد متنفض منها حاجات كتير
شكرا على التعليق .اقتباس:
المشاركة الأصلية كتبت بواسطة zangry
عربية محترمة و كماليات رائعة و فعلا السؤال في الجنط دة مهم عشاان الطرق في مصر بس ازاي الرانجلر والجيب والحاجات دي بتنزل جنط 19 ومفيهاش مشكلة ولا هيا بتفرق في حاجة احنا مش عارفينها ?
الفرق في قطر الجنط و عرض الكاوتش كلها عوامل أساسية للثبات و ليونة العفشة ... الثبات بيزيد بزيادة القطر و العرض بس النشوفية بتزيد و ده بيتحكم فيه سمك الكاوتش و نوعه و أعتقد العضو الكريم Hosam_optrawy قال كل المفيد
بصراحة المشكلة الأكبر في البنزين
للاسف مكتوب عليها ينصح باستخدام بنزين 95 ، طبعا فرق السعر من 92 ل 95 تقريبا 3 اضعاف ، يعني استحالة فرق السعر بين الاتنين يتعوض بفرق الاستهلاكاقتباس:
المشاركة الأصلية كتبت بواسطة sherif lotfy
هو الفرق فعلا كبير بين 2.60 جنيه و 6 جنيه وربع . و فعلا الاستهلاك مش هيعوض الفرق . ممكن احط 92 و معاه محفز اوكتان أو مره 92 و مره 95 . انا عارف ان الكلام ده مش عملى بس كل اللي راكبين جيتا و باسات و بيجو 508 و 3008 و اوبل انسجنيا. بيعملوا كده . لاحظ يا باشا أن الكماليات اللي في الفئة التانيه ب 215000 مش موجوده في الاوكتافيا و البيجو 508 غير في الهاي لاين. انا بتكلم عن تكييف تاتش و جنوط أسبور و البصمة و زرار ستارت انجين و سقف بانوراما و نور أمامي زينون و ليدات . دي برضه فلوس .اقتباس:
المشاركة الأصلية كتبت بواسطة a7med ezz 20
اللى عاجبنى في القاشقاى الجديده طبعا الشكل ، وكماليات الفئه التانيه لو فعلا ب 215 الف زى ماقريت المواصفات والسعر على المنتدى تبقى أكتر من ممتازهاقتباس:
المشاركة الأصلية كتبت بواسطة Sherif Lotfy
اللى مش عاجبنى
الموتور حتى لو إشتغل مع بنزين 92 بدون مشاكل ، وحتى لو طلع كل قدرة الموتور ودى أشك فيها ، أداء العربيه مازال يعتبر ضعيف شويه ، زى أداء القديمه بالموتور ال 1600 ، في ناس كانت قابله بيه وشايفاه عادى وناس كانت بتشوفه ضعيف وتتجه للسبورتاج وال ix35 لانهم أفضل في النقطه دى
غير الموتور في حاجه كمان مهمه جدا وهى العفشه ، تغيير التعليق الخلفى من Multi-Link ل Twist-Beam اكيد نقطه مش في صالحها ، كدا كأنها جوك بس أكبر شويه
الفرق في نوع الجنط
لو high profile مفيش مشكله
الموتور فعلا ضعيف .. بس بغض النظر عن انه ١٢٠٠ cc هو بيطلع 118 حصان و دول اكتر من اللي في موتور الاوكتافيا الجديده و الاوبل استرا و بيوصل لل ١٠٠ كم / س في 10.9 ثانيه و ده اسرع من الاوكتافيا و الاسترا . بالنسبه للعفشه فده طبعا عيب فيها و خصوصا انها عربية suv يعني المفروض ان اهم حاجه فيها هي العفشهاقتباس:
المشاركة الأصلية كتبت بواسطة Hosam_Optrawy
بالنسبة للعفشة فطبقا للمواصفات اللي في زميل في المنتدي نشرها من يومين كان مكتوب ان فيها vehicle dynamic control نظام التحكم في الثبات كتجهيز أساسياقتباس:
المشاركة الأصلية كتبت بواسطة Hosam_Optrawy
رأيي وممكن أكون خاطئ في الراي ده ان التورشن بيم كعفشة أريح من المالتي لينك خصوصا في الطرق المكسرة والمطبات
علي فكرة العزم بتاع العربية مش ضعيف ، التربو بيذود الباورهورس بتاع العربية ممكن لاضعاف ، المشكلة الاساسية فالبنزين اللي هينفع ليها ، وعلي فكرة في عربيات كتيرة تربو بتمشي ببنزين 92 ، القصة كلها حسب الموتور نسبة ضغطه كام ، ولو الوكيل قال تمشي ببنزين 92 والضمان بقي عليه ، العربية هتكتسح بالاوبشن ده
115 مش 118اقتباس:
المشاركة الأصلية كتبت بواسطة Sherif Lotfy
هما فعلا أكتر من الأوكتافيا بس في فرق وزن ، وحاجات تانيه زى الفتيس والايروداينمكس
وال 10.9 دا تسارع القاشقاى المانيوال مش الاوتوماتيك
تسارع القاشقاى 0-100 في 12.9 ث
تسارع الاوكتافيا A7 من 0-100 في 12.0 ث ، موتورها 110 حصان 155 نيوتن
تسارع الأسترا 0-100 في 13.3 ث ، موتورها 115 حصان 155 نيوتن
هي بتفرق حسب ال Setup بتاع العفشه من حيث التصميم ونوع المساعدين والسوست ، يعنى ممكن يبقى الملتى ناعم او ناشف ، والبيم نفس الكلام ، لكن الأكيد ان الملتى أفضل في الثبات والتماسكاقتباس:
المشاركة الأصلية كتبت بواسطة M.Elwan
اما VDC طبعا تجهيز مهم بس مش هايشتغل غير في حالات معينه
التربو بيزود العزم أكتر من الهورس باور والعزم فعلا أهماقتباس:
المشاركة الأصلية كتبت بواسطة a7med ezz 20
اما البنزين في التربو مش بنسبة الإنضغاط لأن معظم المواتير التربو نسبة إنضغاطها قليله ، الأهم هل متظبطه تمشى ب 92 ولا لأ
اعتقد مكتوب ينصح ببنزين 95اقتباس:
المشاركة الأصلية كتبت بواسطة hosam_optrawy
[QUOTE=Hosam_Optrawy;3875834304]115 مش 118
هما فعلا أكتر من الأوكتافيا بس في فرق وزن ، وحاجات تانيه زى الفتيس والايروداينمكس
وال 10.9 دا تسارع القاشقاى المانيوال مش الاوتوماتيك
تسارع القاشقاى 0-100 في 12.9 ث
تسارع الاوكتافيا A7 من 0-100 في 12.0 ث ، موتورها 110 حصان 155 نيوتن
تسارع الأسترا 0-100 في 13.3 ث ، موتورها 115 حصان 155 نيوتن
هي بتفرق حسب ال Setup بتاع العفشه من حيث التصميم ونوع المساعدين والسوست ، يعنى ممكن يبقى الملتى ناعم او ناشف ، والبيم نفس الكلام ، لكن الأكيد ان الملتى أفضل في الثبات والتماسك
اما VDC طبعا تجهيز مهم بس مش هايشتغل غير في حالات معينه
التربو بيزود العزم أكتر من الهورس باور والعزم فعلا أهم
[SIZE=4][COLOR=navy]اما البنزين في التربو مش بنسبة الإنضغاط لأن معظم المواتير التربو نسبة إنضغاطها قليله ، الأهم هل متظبطه تمشى ب 92
تمام يا باشا كلامك صح الف في الميه .
كل الكلام اللي علي العفشة او الاوبشن او العزم ملوش اي قيمة لو العربية لازم ليها بنزين 95 ، وبرضوا مهما كانت موفره فالبنزين ، سعر لتر 95 وصل 6.25 مقابل 2.85 لل 92 ، يعني الفرق مش قليل