تجربة شراء قطع الغيار من على الإنترنت

في صحفه على الفيس بوك إسمها سوزوكي التو كلوب ..المهم بقى إن الأدمن في الصفحه دي بيعمل إيه لما يحب يشتري قطعة غيار لعربيته ..بيجبها من الهند مباشرة ..وبيقول إن هي بيشتريها عن طريق الإنترنت المهم أنا لما دخلت عملت جوله عن الموضوع ده على الإنترنت وشفت مدى صحته لقيت إن ممكن فعلا حد يشتري قطع غيار عربيته عن طريق الإنترنت ..وأنا مش بقول كل حاجه ..أنا بقول بعض قطع الغيار زي مثلا فلاتر الهوا والزيت والبنزين والبوجيهات وتيل الفرامل ومرايات الأجناب ..ياترى في حد من أعضاء المنتدى الكرام ليه تجربه في الموضوع ده يقدر يفيدنا

متابع

في موضوع مثبت في المنتدي عن الشراء عن طريق شركة ادفعلي edfa3ly
انا فعلا هعمل كدة خصوصا بعد ما لفيت مصر و الوكالة و التوفيقية زنجة زنجة و محل محل و اكتشفت ان الخامات عندنا مهببة لا احنا معندناش حاجة اصلا عشان تتجاب

http://www.nilemotors.net/Nile/441647-a.html

اقتباس:

---

المشاركة الأصلية كتبت بواسطة karkour33

في موضوع مثبت في المنتدي عن الشراء عن طريق شركة ادفعلي edfa3ly
انا فعلا هعمل كدة خصوصا بعد ما لفيت مصر و الوكالة و التوفيقية زنجة زنجة و محل محل و اكتشفت ان الخامات عندنا مهببة لا احنا معندناش حاجة اصلا عشان تتجاب

http://www.nilemotors.net/nile/441647-a.html

---

بص حضرتك ..أنا عندي العربيه سوزوكي ألتو ..ومقاس البوجيهات بتاعها غريب شويه ..المهم لقيت في دليل الصيانه بتاعها إن من الأنواع المنصوح بيها إن جي كي ..وبوش ..قلت خليني في الإن جي كي ..ودخلت على موقع إن جي كي وعملت أكاونت على الموقع ..وطلع البوجيه عامل تقريبا كده 21 جنيه مصري ..وهو في التوكيل عامل 17 جنيه ..بس الفرق إن البوجيه اللي عامل 21 جنيه شركة إن جي كي هي اللي بعتاه بنفسها ..يعني لا تقليد ولا مضروب ولا الهوا ..نيجي بقى للكلام الجد ..وهي ساعة الدفع ..أنا معايا ماستر كارد ..بس بصراحه قبل ما أدفع فكرت كده في حاجه ..إن ايه اللي يضمن لي إن الحاجه هتوصل ومش هتضيع في السكه ..وخصوصا إن أنا دافع قبل الإستلام ..وخصوصا برضه إن هو خيرني ما بين تلات شركات شحن ..وحسبلي مصاريف الشحن بخمسين دولار ..وأنا معرفش ولا شركه فيهم أصلا ..لو حضرتك وصلت لحاجه في القصه دي ياريت تفيدني ..لإني بفكر فعلا أجيب البوجيهات بالطريقه دي ..وخصوصا إن أنا خترت البوجيهات بالرقم بتاعهم وكل حاجه تمام ..بس تخوفي كان من حتة وصول البضاعه وشركة الشحن اللي هو فارضها عليا ..وبعدين مش عارف ..أكيد هيبقى في جمارك ..ودي بقى ياعالم هتبقى كام

اشحن عن طريق شركة شحن معروفة زي dhl او ارامكس او غيرها من الشركات المشهورة
وبعدين بتاخد رقم تتبع خاصة بالشحنة وبتابع مع شركة الشحن بعد كده ان شاء الله
الاهم انك تسأل موقع الشركة هل سيعضونك رقم التتبع ام لا

تمن البضاعة سواء من مصر أو من برى حوالي 80 جنيه (طقم 4 بجيهات)، أما تمن النقل + الجمرك قول حوالي 400 جنيه! طب هنا السؤال إيه مصلحة التوكيل إنه يجيب بضاعة بايظة؟ ممكن حضرتك تجيب تلفون المستورد في مصر عن طريق المصنع برة... و كدة تكون متأكد إن المصنع هيديك العنوان صح. كدة هتجيب بجيهاتك أصلي و كمان أكيد أرخص من التوكيل بتاع سوزوكي مع توفير قيمة النقل و الجمرك. المستوردين بيجيبو بضاعتهم نقل بحري عشان عشان أرخص بكتير و كمان بياخد سعر الجملة.... كل ده بيساعد انك تاخد سعر أرخص من مصر و كمان حتروح في نفس إليوم تدفع و تاخد حاجتك. هتجيب البارت نمبر و تتأكد من المستورد. إحتمال يكون في ديليفري كمان لبيتك، أخوك أحمد سامي

Company El Tawfik Trading & Import Co.
Address 6 El Gomhoria Square Abdin Cairo Egypt
Tel +202-25168172
Fax +202-25160286
Email Id atm@eltawfikatm.com, atm@eltawfik.net

NGK Spark Plug Middle East FZE

موزع ngk طلع جاري اهو :) نصيحة جيب من برة اللي متلاقيهوش هنا او تلاقي خامته سيئة انا كمان سوزوكي عشان كدة قطع الغيار غير متوفرة و ناس قليلة جدا اللي شغالين فيها حاسس بيك
ادخل علي صفحة شركة ادفعلي او من خلال الموضوع اللي حطيطلك اللينك بتاعه ابعتلهم لينك السلعة اللي انت عاوزها و اسأل هتتكلف كام تقريبا لحد متوصل عندك هيردوا عليك الميزة فيهم انهم هيرحوك من اجراءات الشحن و الجمرك و كل الحاجات دي و بياخدوا نسبة نسبة 5 او 10% اقرا الموضوع كويس

اقتباس:

---

المشاركة الأصلية كتبت بواسطة egyptiandiver

تمن البضاعة سواء من مصر أو من برى حوالي 80 جنيه (طقم 4 بجيهات)، أما تمن النقل + الجمرك قول حوالي 400 جنيه! طب هنا السؤال إيه مصلحة التوكيل إنه يجيب بضاعة بايظة؟ ممكن حضرتك تجيب تلفون المستورد في مصر عن طريق المصنع برة... و كدة تكون متأكد إن المصنع هيديك العنوان صح. كدة هتجيب بجيهاتك أصلي و كمان أكيد أرخص من التوكيل بتاع سوزوكي مع توفير قيمة النقل و الجمرك. المستوردين بيجيبو بضاعتهم نقل بحري عشان عشان أرخص بكتير و كمان بياخد سعر الجملة.... كل ده بيساعد انك تاخد سعر أرخص من مصر و كمان حتروح في نفس إليوم تدفع و تاخد حاجتك. هتجيب البارت نمبر و تتأكد من المستورد. إحتمال يكون في ديليفري كمان لبيتك، أخوك أحمد سامي

---

ما هو أنا بواجه أكبر مشكله ممكن يواجهها واحد معاه سوزوكي التو ..وهي إني من إسكندرية :36_2_49[1]:

اي حد يشتريهالك منه ويشحنهالك من القاهره للاسكندريه

اقتباس:

---

المشاركة الأصلية كتبت بواسطة karim_monir

اي حد يشتريهالك منه ويشحنهالك من القاهره للاسكندريه

---

طيب أقول لحضرتك على حاجه ..كنت عايز طقم بوجيهات من موزع إن جي كي المعتمد في السيده زينب ..الطقم كان عامل 105 وده من عند الموزع والكلام على لسان الموزع إني إتصلت بيه ..قلت سهله ..أي حد فعلا يشتري ويشحن في السوبر جيت وضيف عليهم عشرة جنيه للسواق ..تخيل المشكله كانت في إيه ..المشكله كانت إن كل معارفي من القاهره مش جنب السيده زينب وبيروحوها كل فين وفين ..وحتى اللي ساكن في منشية ناصر يعني يعتبر أهو جنب السيده زينب نوعا قالي أنا بروح لما أحب أفسح العيال ..قلتله طيب وهتفسح العيال إمتى ..وبعدين العربيه تفضل كده لغاية ما تفسح العيال ...المهم رحت في الآخر ركبت الطقم في التوكيل وخلاص ...