حسبي الله ونعم الوكيل ... أرجو الحذر .. مطب جديد فى جوزيف تيتو

ازيكم يا رجاله المنتدى .. كنت عايز احذركو من حاجه .. من يومين بالضبط انا كنت ماشي على الطريق اللي بيودي للعبور الطريق اللي على شماله السندباد وانت رايح طريق الاسماعيليه الصحراوي .. المهم الطريق كان زي الفل .. هو ااصلا طريق سريع ومفيهوش اي حاجه تستدعي للي حصل .. المهم من شويه كنت ماشي فيه وكل العربيات واخده سرعه الطريق .. واذ فجأة الاقي مطب كبير جداااا في وسط الشارع لسه معمول اليومين دوول .. ولا فيه اي علامه ولا نور ولا حاجه . والاوحش ان اسفلت المطب لونه اسود فلا يمكن تشوفه مع الاضاءه الضعيفه بتاعه الشارع .. طبعا لبست المطب بس الحمد لله العربيه محصلهاش حاجه .. ولقيت واحد تاني ماشي بسرعه والعربيه بتاعته راحت نازله على وشها ... السؤال بقا لو واحد لاقدر الله الكاوتش بتاعه فرقع ولا اتقلب بسبب المطب الجديد المظلم اللي ملهوش اي لازمه ده .. ذنبه هيكون في رقبه مين ؟؟ .. طيب اشتكي لمين لو حصل حاجه لحد اعرفه .. كل اللي اقدر اقوله حسبي الله ونعم الوكيل .. بلغ اي حد تعرفه بالمطب ده وعلى فكره هو معمول على الناحيتين طبعا .. حسبي الله ونعم الوكيل



تم تعديل العنوان
م ب 3

كان معمول في اتجاه وعملوه في التاني من فترة قريّبة.
انا بعدّي كل يوم الصبح من عنده واقسم بالله في كل مرة بلاقي قزاز عربية مكسور وأجزاء صاج هناك, الناس بتلبس في بعض باستمرار.

يعني انتا ضيّقت الجزيرة عشان توسّع الشارع عشان الزحمة اللي هناك , تقوم حاطط مطب يزحم المكان اكتر؟؟!!!!

اقتباس:

---

المشاركة الأصلية كتبت بواسطة anaslbda

كان معمول في اتجاه وعملوه في التاني من فترة قريّبة.
انا بعدّي كل يوم الصبح من عنده واقسم بالله في كل مرة بلاقي قزاز عربية مكسور وأجزاء صاج هناك, الناس بتلبس في بعض باستمرار.

يعني انتا ضيّقت الجزيرة عشان توسّع الشارع عشان الزحمة اللي هناك , تقوم حاطط مطب يزحم المكان اكتر؟؟!!!!

---

قمه التخلف والجهل انا اللي مدايقني اني كنت هناك قريب ومكنش موجود، وكم العربيات اللي لبست قدامي

نفسي اعرف مين المتخلف اللي بيتحفنا بالاختراعات دي ...
شارع جوزيف تيتو بقى من اجمل الشوارع في القاهرة .... ينفع يتعمل فيه مطب !!!
واراهن شهر و التاني و حيرجعوا يشيلوه ..
وبعديها بشهرين حيعملوه تاني !!
بالظبط زي المطب اللي كان قبل كوبري ك 4.5

البلد الوحيدة اللي بتعمل مطبات على الطرق السريعة .

عندنا في مصر وفقط! لا قيمة للإنسان ولا وزن للحياة ولا وجود للكرامة! ولهذا أنا عن نفسي لم أعد أتعجب من أي شيء في بلد العجائب التي نعيش فيها الآن! وحسبنا الله ونعم الوكيل.

حسبى الله ونعم الوكيل

اقتباس:

---

المشاركة الأصلية كتبت بواسطة mesaharaty

حسبى الله ونعم الوكيل

---

اقتباس:

---

المشاركة الأصلية كتبت بواسطة ahmzd

عندنا في مصر وفقط! لا قيمة للإنسان ولا وزن للحياة ولا وجود للكرامة! ولهذا أنا عن نفسي لم أعد أتعجب من أي شيء في بلد العجائب التي نعيش فيها الآن! وحسبنا الله ونعم الوكيل.

---

الاعضاء الافاضل جابوا من الاخر
هو دا الواقع
انت تعيش فى مصر

فيه واحد المفروض على قدر عالى جدا من العلم والثقافة عامل مطبين فى شارع ضيق والحركة فيه ضعيفه جدا
مطبين خرسانه متخلفين جدا قطم وسط لأى عربية
بسأل ليه المطب ده معمول
آلاقى الرد الغريب ده معمول علشان مياه الامطار المتوقعه فى فصل الشتاء
علشان الميه متتجمعش قدام الباب بتاع سعادته

بامشى من هناك كل يوم و الطريق ده ضلمه بالليل , شغل بهايم بعيد عنك .

منه لله والله، واحد قدامي اخد المطب على ١٢٠ ونزل على وش العربيه، مفيش مكان الواحد يتقدم فيها بشكوى؟ ولو ان عارف ان محدش هيعمل حاجه للسلبيات دي، بس انا مش عايز اسكت عالموضوع كده ارجو الافاده ده مفيش حتى يافطه او علامه او حتى نور قبل المطب

ده مش طريق سريع للأسف والسرعه المفروض ٦٠ تقريباً

بس بصراحه هو مغري للجري اوي خصوصاً بعد الساعه ١٢

ده ميمنعش ان المطب من غير يفط ولا اي علامه غباء منهم

السؤال هنا لطريق ده عليه رادار بجد ولا اشتغاله ؟

اقتباس:

---

المشاركة الأصلية كتبت بواسطة m!sho

ده مش طريق سريع للأسف والسرعه المفروض ٦٠ تقريباً

بس بصراحه هو مغري للجري اوي خصوصاً بعد الساعه ١٢

ده ميمنعش ان المطب من غير يفط ولا اي علامه غباء منهم

السؤال هنا لطريق ده عليه رادار بجد ولا اشتغاله ؟

---

يا باشا الطريق 5 حارات .. ويعتبر من الطرق السريعه .. انا اول مره اخد بالي من ان السرعه فيه 60 كيلو .. ولقيت يافطه جديده مكتوب عليها السرعه مراقبه بالرادار .. المهم ركنت على جنب واديت انتظار عشان الناس اللي جايه تاخد بالها مني .. لقيت ان معظم الناس مش عارفه ان فيه مطب ومعظمهم خدوه على سرعات عاليه جدااا ... انا كنت عمال اتفرج على شراره بتتطلع من الارض .

أنا كل يوم رايح جاى على الطريق ده من العبور لشيراتون
مطب خزعبلى بصراحة - الدنيا ضلمة جداً حواليه والإضاءة تكاد تكون معدومة "والواحد أصلاً ما بقاش يشوف بالليل"
فمش قادر أوصفلك الدنيا جميلة قد إيه - ربنا يسترها على الناس كلها وحاجة كويسة منك إنك حذرت الناس علشان محدش يتضرر لا قدر الله

انا رأيي بدل ما ماكان يتعبوا نفسهم ويعملوا مطب يموت الناس والعربيات تتكسر وحوادث و زحمه يجيبو رشاش احسن ويموتو الناس ويخلصو واهي العربيات تبقى سليمه نوعا ما و الحكومه تستفيد من العربيات دي و تبقه اسهل في ال recycling حتى....

بقالي كتير مش بعدي من هناك
ربنا يستر من الطرق عندنا بصراحة

يا رجاله لسه واحد صاحبي ساكن في شيراتون بيقولي فيه ٤ ماتوا بسبب المطب ده، ده غير الحوادث، يا جماعه عيب والله نسكت على حاجه زي دي، انا حطيت نفسي مكان اهل المتوفي لما لاقدر الله اخويا ولا ابويا يتوفى بسبب جهل وغباء تصميم شارع، حسبي الله ونعم الوكيل، بس اللي عمل المطب زه مشترك في قتل نفس وهيتحاسب عليه

هو بصراحه الحته دي مغريه اوي اوي في الجري
والمطب ده غبي اوي وكبييير بجد
وناس كتير اوي بتلبسو للاسف
انا مكنتش اعرف مكانو وكنت بجري وربنا رزقني بواحد قدامي عارف المطب وشغلي الويتنج هديت واختدو براحتي
وعرفت مكانتو بقا خلاص اتحفظ
بس الناس هتاخد وقت عشان تتعود على المطب اللعين ده
والله استهبال رسمي

عمرو باشا ربنا يسترها علينا، هتيجي مقابله يوم الخميس دي؟ نفسي اتعرف على حضرتك والله

مقابلة ايه اصلا معنديش اي معلومات عن الموضوع ده هتتقابلو امتى وفين من ورايا اعترفو

اقتباس:

---

المشاركة الأصلية كتبت بواسطة amr_8800

مقابلة ايه اصلا معنديش اي معلومات عن الموضوع ده هتتقابلو امتى وفين من ورايا اعترفو

---

هههههههههههههه ده رجاله الهوندا الصراحه اللي عاملين المقابله بس الدعوه عامه وانا انشاء الله ناوي ارووح .. كان استاذ سامح لسه كاتب من يومين كده هتكون في دار الاسلحه والذخيره الساعه 7.30 مساءا .. متحاول كده واهو نشوف العربيات وكده

ياريت لو حد من الجماعة إلي بيعدي على الطريق ده ينزل مرة ويثبت مثلث عاكس على المطب يكسب ثواب في الناس يثبته بأي حاجة
مثلا يحط حجرين في نص المطب ويثبت فيهم المثلث العاكس أو يكتب يافطة أحذر المطب وكده
تخيل كمية الناس إلي هتنقذها بالموضوع ده

كنت معدى من هناك امبارح
حطوا لمبتين تحذير احمر على يمين وشمال المطب
بس للأسف على بعد ربع متر قبل المطب
يعنى تكون لبسته وشبعت والعربية تتكيف
حاجة مستفزة

ربنا ينتقم منهم
عالم متخلفه ومؤذيه وقاصدين يؤذوا الناس

محدش يحط مطب فى طرق سريعه .. المشكله فى مصر كل الشغل اجتهادات بدون اى دراسه او مراجعه هندسه الطرق والمرور وامان المركبات على الطرق ... مطب فى طريق سريع يعمل حوادث للصبح .. ولها نظام هندسى بيكون قبلها بقترة مطب خفيف جدا ثنائى ومكرر على 3 مراحل مجرد يعمل صوت مع العجل يخليك تنتبه امامك مطب ومن المفترض يكون معمول بشكل امن حتى مع الخطىء لايحدث مشكله فى المركبه والناس .. موضوع عبور المشاه مفيش طرق سريعه يسمح بعبور مشاه من خلالها

يا جماعة عادي أنا في طريقي مطب عالي جدا يعني لو حد راكب معايا العربية ممكن تتحك ومكانه بعد مسافة طويلة سالكة بدون أي مشاكل لأ وكمان الطريق بيتسع قبلها ممكن ياخد 4 عربيات ....... كل ده عادي بس إللي مش عادي إن المطب في ملف ولما توصله تفاجأ بيه وكمان يرجع الطريق يضيق أنا مرة كنت هخبط شباب راكبين موتوسيكل بيعدوا الطريق بالعرض على أساس إن الناس بتهدي هنا

يااااااااابشر اتقوا الله حرام عليكم مطب في ملف
يااااااااابشر اتقوا الله المطب كمان عالي لن أبالغ إن قلت إن الاكصدام الأمامي ممكن يحك فيه قبل العربية ما تطلعه يعني إللي هيكله فعلا هيتقلب

ربنا يسترها معانا ومعاكم