مش عارف لو تفتكروا الموضوع اللي نزلتوا قبل كده عن الفرق بين ال F30 اللي في مصر والسعودية.. بحكم اني مقيم في السعودية يعني .. وكان الF30 اللي في مصر تتفوق في الكماليات والسعر عن اللي هنا في السعودية..

الظاهر انهم قرأوا البوست P: وظبطوا الدنيا .. العربية Luxury نازلة بفتحة سقف - زينون ورينجات - ستارة خلفية - مرايات ضم - فرش جلد + بالاضافة لكل الكماليات الموجودة حاليا في نسخة مصر.

السعر ١٣١ الف ريال .. يعني ٢٦٢ الف جنيه .. لما اجي انزلها مصر هيبقي عليها جمارك ٦١٪ يعني تقريبا ١٦٠ الف ده غير حساب الكماليات والاكراميات وخلافه .. يبقي العربية واقفة ٤٢٢ الف جنيه

طبعا كل سنة بتعدي عليها بينزلوا من جماركها .. اول سنة ١٠٪ وبعد كده ٥٪ عن كل سنة بحد اقصي ٣٠٪

السؤال بقي: هل الكماليات دي تستاهل الفرق ده كله؟

ولو حد يعرف في موضوع الجمارك.. موضوع خصم ١٠٪ دي بتتخصم من ثمن العربية ولا من الضريبة نفسها فتبقي ٥١٪ بدل من ٦١٪؟؟

انا حاليا متردد ما بين اني اجيبها وعلبال ما انزل يكون اتخصم منها شوية آو انياتسني الكام سنة دول وابقي اجيبها من مصر احتمال يكونوا غيروا شكلها ونزلت بكماليات تانية<< حد عنده فكرة الشكل الجديد ممكن ينزل امتي؟