بفكر اشتري Lancer 1300 Auto

**HANGMAN** · 31-10-2008 07:25 PM

السلام عليكم
كنت بفكر من شهر 6 الي فات اشتري عربية لفت علي كل العربيات وجربت عربيات كتير
بس عندي مشكلة واحدة ان رجالية كانت بتخبط في الدركسيون وسعات كتير مزنوقة عشان طولي 188 لغيت ماجربت الانسر كنت مرتاح شوية فيها انا اخر فلوسي 90,000
وعايز العربية اوتومتيك عشان زحمة مصر اللي متخلصش وانا عامة مش بتاع شد وجري كتير بقت كل فين وفين لم اجري
اية رايكو اشتري منين في حدود السعر دة
وكان عندي سوال اية الفرق مبين بومة 2008 و بومة 2009

**MoDyBeNz2008** · 31-10-2008 07:27 PM

بومة 2008 هي بومة 2009

بلاش 1300 اوتوماتيك لو انت هتشد و تحرق

عموما في قانون في اللانسر
1300 مانيوال
1600 اوتوماتيك

لو عايز اوتوماتيك في حدود اللي معاك هات جين2 و انتظر راي بقية الاعضاء

**limo** · 31-10-2008 07:50 PM

ال1300 اوتوماتيك هوه مش وحش ولا حاجه بس هوه الفكره ان سحب الاتوماتيك اضعف من المانوال والانسر وزنها ثقيل شويه فالاتوماتيك مع ال1300 مع الوزن الزياده فيخلى العربيه سحبها ضعيف شويه
انا ليه وجهه نظر ان العربيه لو كانت سحبها وحش اوى للدرجه اعقد مكانش نزل منها اساسا 1300
كل الحكايه ان كل عربيه ليها حدود معينه وانت لازم قبل ما تحط فلوسك فى اى عربيه لازم تعرف قدراتها ايه علشان ماترجعش تندم بعد ما تجبها
فالانسر ال1300 اوتو ليها قدره محدده ومعينه لازم انت تكون عارفها قبل ما تشترى لو قدرها عجباك يبقى توكل على الله واشتريها ولا مش عجباك دور على حاجه تانيه تكون مثلا 1600 زى الصنى او 1300 برضو بس وزنها اخف
انا بقولك الكلمتين دول علشان انت هتلاقى ناس بترد عليك وتقولك 1300 اوتو سحبه ضعيف جدا وناس تانيه بتشكر فى سحبها فيخلوك تحتار اكتر :)

الفرق بين 2008 و 2009 تقريبا فى نوعيه وخامه الفرش الداخلى اسأل البشمهندس طارق ممكن يكون فيه بواقى 2008 بيكون سعره مغرى جدا وانت الكسبان فى الاخر

**HANGMAN** · 31-10-2008 08:01 PM

يارجالة انا جربت
yaris 1300
honda city 1300
gen 2 2009 & 2008
persona 2009
waja 2 2009
nissan sunny
verna
seat kortba
kia cerato
toyota 2007
كانت رجلية بتخبط في الدركسيون ولازم تكون ميلة علطول

والي كان كويس في وسعة معاية رجلية مش خابطة اوي
aveo
optra
lancer

واحتمال ال matrix بس لسة مجربتهاش
ومش فاكر الانترا كانت اية ظروفها معاية

وال Commando Jeep كانت كويسة جدا بس صوت ساعة التابلوة الدجيتال كان صوتها عالي فمعجبتنيش