تي إي داتا تلغي السرعات غير المحدودة ما عدا 1 و2 ميجابت

تي إي داتا تلغي السرعات غير المحدودة ما عدا 1 و2 ميجابت
http://arabhardware.net/wp-content/u...gypt-egyfp.jpg
في خطوة مفاجئة اليوم الإثنين 1 ديسمبر 2014، قامت شركة تي إي داتا TE Data المملوكة للشركة المصرية للاتصالات بإلغاء السرعات غير المحدودة لخدمة الإنترنت ADSL للمنزل ما عدا سرعتي 1 ميجا بت و2 ميجا بت (واللذان يطبق عليهما سياسة الاستخدام العادل في أي الأحوال)، وقامت بطرح أسعار جديدة لهاتين السرعتين، وزودت من سعات باقات نظام طلقة.
والأسعار الجديدة هي

غير محدودة

1 ميجا بت: 125 جم/شهر
2 ميجا بت: 200 جم/شهر
طلقة

سعة 4 جيجا بايت: 50 جم/شهر
سعة 10 جيجا بايت: 75 جم/شهر
سعة 25 جيجا بايت: 100 جم/شهر
سعة 50 جيجا بايت: 150 جم/شهر
سعة 100 جيجا بايت: 250 جم/شهر
سعة 160 جيجا بايت: 350 جم/شهر
وسرعة الخطوط بنظام طلقة يصل إلى 8 ميجا بت، ولكن هذا على حسب جودة الخط الأرضي.

http://arabhardware.net/wp-content/u...30266887_n.jpg

تحديث: المشتركون على السرعات الملغاة سيبقون عليها بنفس الأسعار حتى يقررون التحويل لسرعات أخرى، وقتها لن يستطيعون العودة إلى السرعات القديمة.
الأمر مفاجئ للجميع، وربما كان مفرحاً قليلاً لبعض المستخدمين لرخص أسعار السرعات (بضعة جنيهات) وزيادة سعات باقات طلقة (بضع جيجا بايتس)، ولكن ماذا عن المستخدمين ذوي الاستهلاك الكثيف والذين لا تكفيهم سعات طلقة؟ لماذا تم إلغاء سرعات 4 ميجا وما فوق وسرعات أوبتيموم؟ تحديد الإنترنت أكثر وأكثر بعد سياسة الاستخدام العادل التي جاءت وبالاً على رؤوس المستخدمين لا يبشر بمستقبل جيد لخدمة الإنترنت في مصر، فالمفترض أن تزيد السرعات وتقل الأسعار كثيراً لتواكب الأسعار العالمية.
في الغالب سيتم تعميم هذه التغييرات على جميع شركات الإنترنت بما أن الشركة المصرية للاتصالات هي المحتكرة لسوق الإنترنت في مصر، فإذا كانت هذه هي هدية العام المقبل من الشركة المصرية للاتصالات وشركة تي إي داتا لمستخدميها، فما تعليقك على تلك الهدية؟

يوووه بقى!! هما مش ناويين يسيبونا في حالنا!!
ده الـ160 جيجا دول ممكن ميكملوش معايا لحد أخر الشهر!!
بس أفهم من كده أن المشتركين الحاليين مش هيتأثروا بالكلام ده و هيفضل أشتراكهم ساري على نفس النظام ؟!

انا مشترك بقالي 4 سنين ب 95 ج un limitted سرعة 512 كيلوبايت
دلوقتي انا اعمل ايه بقى
هل اختار نظام الطلقة ابو 100 ج شهريا وسرعته بتكون كام ؟؟؟ ولا اشترك ب 125 ج unlimitted بسرعة 1 ميجا ؟؟؟
مع العلم انى بشغل افلام كتير ع النت بمعدل فيلمين فاليوم مشاهدة حية ده غير البروسنج فأيهما افضلي ف العرضين ؟؟
وهل ينفع انى استمر بنفس العرض بتاعي ابو 95 ج دون تغيير

اقتباس:

---

المشاركة الأصلية كتبت بواسطة dede_dodo88

يوووه بقى!! هما مش ناويين يسيبونا في حالنا!!
ده الـ160 جيجا دول ممكن ميكملوش معايا لحد أخر الشهر!!
بس أفهم من كده أن المشتركين الحاليين مش هيتأثروا بالكلام ده و هيفضل أشتراكهم ساري على نفس النظام ؟!

---

ال ١٦٠ جيجا مش مكفيين ؟
ليه هوا حضرتك بتنزل ايه و اساسا فين الوقت انك تتفرج على كل ده ؟
طب ما تشوف اخوك بكام فيلم ولك الاجر و الثواب

اقتباس:

---

المشاركة الأصلية كتبت بواسطة hany63

ال ١٦٠ جيجا مش مكفيين ؟
ليه هوا حضرتك بتنزل ايه و اساسا فين الوقت انك تتفرج على كل ده ؟
طب ما تشوف اخوك بكام فيلم ولك الاجر و الثواب

---

LOL
ده أستهلاكي أول يوم في الشهر اللي هو النهاردة يعني, لسة بنستفتح بس :wicked:
http://nileup.com/up/uploads/nilemotors_14174461181.jpg

اقتباس:

---

المشاركة الأصلية كتبت بواسطة dede_dodo88

lol
ده أستهلاكي أول يوم في الشهر اللي هو النهاردة يعني, لسة بنستفتح بس :wicked:
http://nileup.com/up/uploads/nilemotors_14174461181.jpg

---

ازاى اجدع ده يوم ما افحت النت ممكن ما اكملش 25 جيجا طول الشهر !!

في حد مشترك معاك ولا ده لوحدك؟؟

اقتباس:

---

المشاركة الأصلية كتبت بواسطة K.LOTFY

ازاى اجدع ده يوم ما افحت النت ممكن ما اكملش 25 جيجا طول الشهر !!

في حد مشترك معاك ولا ده لوحدك؟؟

---

مشترك لوحدي, بس أنا أجازة اليومين دول فأستهلاكي عالي شويتين..
خلي بالك أن الرقم ده يشمل Download, Browsing, Streaming
بس في العادي الرقم بيبقى أقل من كده بكتير..

طبيعى لو سرعتك بطية متوصلش للاستهلاك ده
لكن لو عندك سرعة عالية هتتخطى الاستهلاك اللى متعود عليه باضعاف

هى جات على النت كفايه عوده الباشا و2014 شكلها لسه مليانه مفاجئات

انا أتصلت بالشركة وأستفسرت وأتضح أن كل مشترك على النظام القديم حيفضل زى ما هو بنفس قيمة الاشتراك وخاصة للمشتركين على سرعة 512 الغير محدودة فى حالة التحويل لاى باقة جديدة مش حينفع يرجع تانى للسرعة القديمة والبديل تم طرح نظام جديد 25 جيجا ب 100 جنية للمشتركين الجدد او الحاليين مع انى جربت طلقة القديم 15 جيجا وكان اخرهم تصفح وفيديو قليل لنص الشهر هل ممكن يكون 25 جيجا احسن ياريت الجرب العرض الجديد يقولنا .

هو احنا لسه شوفنا حاجه

ده انا كنت رايح ارفع السرظه ل2 ميجا

بكره يدونا النت بالكيلوبايت هههههههههههه

اقتباس:

---

المشاركة الأصلية كتبت بواسطة besso

هو احنا لسه شوفنا حاجه

ده انا كنت رايح ارفع السرظه ل2 ميجا

بكره يدونا النت بالكيلوبايت هههههههههههه

---

عفوا بالكوسه بايت وليس الكيلوبايت

انا إستهلاكي الشهري لا يتعدي ال 20 جيجا .. واحياناً اقل من 10 جيجا في الشهر كله
وده على طول من زمان

وسرعتي 2 ميجا غير محدوده لوحدي

وكل شغلي عالنت وقعدتي عالنت 18 ساعه في اليوم
بس الشغل كله عباره عن تصفح .. وتحديث السوفتوير للجهاز وشوية يوتيوب بسيط

وطبعاً عرض طلقه بالنسبالي هيكون مفيد جداً جداً .. لكن مع الاسف .. خطي شايل ال 2 ميجا بالعافيه .

صراحه اخبار صادمه .. أنا مش عارف احنا بنقدم ولا بنرجع لورا !

زي ما كنت قولتلك قبل كده يا باشا
الشركة دي سياستها الغاء باقات الغير محدود
علشان كله يبقي نت اسرع شوية بكمية قليلة وفالنهاية لا شئ

اقتباس:

---

المشاركة الأصلية كتبت بواسطة mohamed.ramah

انا أتصلت بالشركة وأستفسرت وأتضح أن كل مشترك على النظام القديم حيفضل زى ما هو بنفس قيمة الاشتراك وخاصة للمشتركين على سرعة 512 الغير محدودة فى حالة التحويل لاى باقة جديدة مش حينفع يرجع تانى للسرعة القديمة والبديل تم طرح نظام جديد 25 جيجا ب 100 جنية للمشتركين الجدد او الحاليين مع انى جربت طلقة القديم 15 جيجا وكان اخرهم تصفح وفيديو قليل لنص الشهر هل ممكن يكون 25 جيجا احسن ياريت الجرب العرض الجديد يقولنا .

---

عرض الطلقه ال ٤٠ جيجا مكنوش بيكفوني و كان لازم كماله قبل اخر الشهر
متهيئلي بعد ما بقى ٥٠ جيجا بنفس الاشتراك الدنيا هترتاح
و اوصي بيه للاستخدام المعقول للاستفاده بالسرعه العاليه علما بان البيت كله شغال نت

الله يرحم ايام السعوديه

كنت بنزل بال ٥٠ جيجا في اليوم

طب سؤال مهم للي يقدر يفيدني علشان أنا سألتهم على الفيس ومحدش عبرني
أنا 4 ميجا غير محدود ومعايا 3 تانيين غيري على الشبكة وبالتالي يادوب بيكفينا ال300 جيجا اللي بيقولوا عليها غير محدود وبالتالي مش هيمشي معانا نظام طلقة ده خالص فدلوقتي هما بيقولوا المشتركين القدامى هيفضلوا زي ما هما بنفس الأسعار لحد ما يقرروا يحولوا لنظام تاني
السؤال: ولو مقرروش يحولوا لنظام تاني الشركة هتحولهم لنظام تاني جبرا وقهرا ولا هيفضلوا زي ما هما علطول ؟؟
حد فاهم يقدر يفهمني علشان أنا خلاص جبت أخري من أم شغل النصب وقلة الأدب دي !!

انا مش فاهم حاجه يا اخوانا

انا على نظام ابو 75 جنيه
ايه بقى اللى هايحصلى ؟؟؟؟

اقتباس:

---

المشاركة الأصلية كتبت بواسطة أبو آسر

طب سؤال مهم للي يقدر يفيدني علشان أنا سألتهم على الفيس ومحدش عبرني
أنا 4 ميجا غير محدود ومعايا 3 تانيين غيري على الشبكة وبالتالي يادوب بيكفينا ال300 جيجا اللي بيقولوا عليها غير محدود وبالتالي مش هيمشي معانا نظام طلقة ده خالص فدلوقتي هما بيقولوا المشتركين القدامى هيفضلوا زي ما هما بنفس الأسعار لحد ما يقرروا يحولوا لنظام تاني
السؤال: ولو مقرروش يحولوا لنظام تاني الشركة هتحولهم لنظام تاني جبرا وقهرا ولا هيفضلوا زي ما هما علطول ؟؟
حد فاهم يقدر يفهمني علشان أنا خلاص جبت أخري من أم شغل النصب وقلة الأدب دي !!

---

ما يقدروش يغيروا منهم لنفسهم عشان هما ماضيين معاك عقد ملزم قانونا
لكن لو انت قررت تلغي العقد ده يبقى جت من عندك ولما تيجي تشترك من أول وجديد يقولولك اللي عندنا كذا وكذا فقط

انا على سرعة 1 ميجا غير محدود ودفعت النهاردة 125 جنيه على السعر الجديد بدلا من 140 جنيه

اقتباس:

---

المشاركة الأصلية كتبت بواسطة khaled online

ما يقدروش يغيروا منهم لنفسهم عشان هما ماضيين معاك عقد ملزم قانونا
لكن لو انت قررت تلغي العقد ده يبقى جت من عندك ولما تيجي تشترك من أول وجديد يقولولك اللي عندنا كذا وكذا فقط

---

طب انت قرأت بنود العقد ؟
أعتقد من خلال أحد ال3 بنود دول يقدروا يعملوا أي حاجة في أي وقت ومحدش يقدر يفتح بقه معاهم للأسف

اقتباس:

---

تلتزم الشركة بعدم تعديل الاشتراك الشهري الا بعد الحصول علي موافقة كتابية مسبقة من الجهاز القومي لتنظيم الاتصالات , ويتم ابلاغ العميل قبل بداية الفترة المحاسبية الجديدة في حالة زيادة التعريفة المتفق عليها
مده تقديم الخدمة هي سنة واحدة تبدأ من تاريخ أول تشغيل للخدمة و تجدد تلقائيا لمدة أو مدد مماثلة ما لم يخطر أحد الطرفين الطرف الأخر بعدم رغبته في تجديد العقد بمدة شهر قبل انتهاء مدته ويتم التجديد بنفس الشروط أو بشروط أخرى
للشركة الحق في إجراء أي تعديلات أو تغييرات على الخدمة المقدمة للعميل دون الحاجة للحصول على موافقته أولا

---

علي كده تبقي مصيبه للناس القديمه

طيب ال 512 unlimited بقت ليمتد دلوقتي ولا ايه ؟

لو حولت ل 1 ميجا هيبقى ليمتد ولا unlimited ؟

هو مفيش اى مشاكل لل 1 ميجا لانه لسه 300 جيجا استخدام عادل عمرهخ مها يوصله و هى هى لل 2 ميجا برضه

ازاى انا دفعت يوم ٢٩ على سرعة ١ ميجا غير محدود دفعت ١٤٣ عن طريق فورى

ما هى ناقصة

اقتباس:

---

المشاركة الأصلية كتبت بواسطة أبو آسر

طب انت قرأت بنود العقد ؟
أعتقد من خلال أحد ال3 بنود دول يقدروا يعملوا أي حاجة في أي وقت ومحدش يقدر يفتح بقه معاهم للأسف

---

اتصلتلك بيهم مخصوص وحظي حلو متحطتش عالانتظار ولا دقيقة :)
هتفضل زي مانت على ال4 غير محدودة وبنفس الفلوس. اطمئن :)

اقتباس:

---

المشاركة الأصلية كتبت بواسطة Khaled Online

اتصلتلك بيهم مخصوص وحظي حلو متحطتش عالانتظار ولا دقيقة :)
هتفضل زي مانت على ال4 غير محدودة وبنفس الفلوس. اطمئن :)

---

حبيبي تسلم :)
بس لو حصل في يوم وقالولي هنكنسل وهنجبرك تبقى على نظام من النظم الجديدة هدفعك انت خلي بالك :grin54:

اقتباس:

---

المشاركة الأصلية كتبت بواسطة أبو آسر

حبيبي تسلم :)
بس لو حصل في يوم وقالولي هنكنسل وهنجبرك تبقى على نظام من النظم الجديدة هدفعك انت خلي بالك :grin54:

---

هههههههههه تصدق ضحكتني!
لا يمكن يحصل. آخرهم يعدلوا في بنود العقد، مش ينسفوه نسف ويحطوك على نظام مختلف

الموضوع انهم بيحاولوا يلغوا نظام الشبكات على قد ما يقدروا بحيث ان لكل بيت يبقى في راوتر لوحده
في النهاية البنية التحتية للانترنت في مصر ضعيفة جدا ومحتاجة تغيير جذري يؤدي لزيادة السرعات عن كده

الجهاز القومى لتنظيم الاتصالات رفض العرض الجديد بالاسعار

جهاز تنظيم الاتصالات يوقف عرض تي إي داتا مع التهديد

http://arabhardware.net/wp-content/u...14/12/ntra.jpg

قامت الدنيا ولم تقعد منذ الإعلان عن تعديل أنظمة وأسعار تي إي داتا TE Data الجديدة، وسط احتجاجات واسعة من المستخدمين على إلغاء السرعات غير المحدودة ما عدا سرعتي 1 و 2 ميجابت، واحساسهم بالخداع للأسعار الجديدة للخدمة التي تقل بضعة جنيهات عن الأسعار السابقة، ويبدو أن هذا التوجه الذي اتخذته الشركة سببه دفع المستخدمين الراغبين في الحصول على سرعات أعلى من 2 ميجابت للاشتراك بنظام طلقة الذي يلقى انتقادات كثيرة بسبب السعات الصغيرة التي يقدمها مقابل السرعة، ولقد ذكرنا تفاصيل هذا الأمر من خلال الخبر التالي: تي إي داتا تلغي السرعات غير المحدودة ما عدا 1 و 2 ميجابت.
ولكن يبدو أن جهاز تنظيم الاتصالات المصري كان له رأي مخالف لتي إي داتا، حيث أصدر قراراً بوقف الأسعار الجديدة معللاً ذلك بعدم الحصول على موافقة مسبقة للجهاز، ويأتي هذا بسبب طرح شركة تي إي داتا للتسعيرة الجديدة بدون الحصول على موافقة كتابية نهائية من الجهاز، وذلك يخالف بنود ترخيص الشركة، وقد وجه الجهاز خطاباً رسمياً للشركة بذلك.
وجاء في الخطاب أنه على الرغم من هذه المخالفة من تي إي داتا فإنه تم دراسة الأسعار الجديدة التي طرحتها، ووجد الجهاز عدم ملائمتها ليس لأنها عروض وهمية مثلاً، لا.. بل لأن هامش الربح وقتها سينخفض ببعض الباقات ليصل إلى 1%! وأن انخفاض هامش الربح بهذه الصورة من شأنه أن يلقي بظلال الشك حول وجود ممارسات احتكارية من الشركة!
وأضاف الجهاز في خطابه للشركة بأنه من الأولى حل مشاكل المستخدمين وتحسين جودة الخدمة، حيث أن نسبة الشكاوي ضد الشركة بلغت 85% من إجمالي الشكاوي الموجهة للجهاز ضد شركات الإنترنت، ولم يتم حل تلك المشاكل بعد، وهدد الجهاز بأنه إن لم يلحظ انخفاض نسبة الشكاوي من الشركة الفترة المقبلة، فسيتم إيقاف بيع أي اشتراكات جديدة من الشركة حتي يتم حل كل هذه المشكلات.

http://www.youtube.com/watch?v=rhQLz1DTH3M

محدش فاهم حاجه
انا لسه دافع النهارده بالسعر الجديد

يعني اتوقف خالص
ولا هيتنفذ بردوا اتمني يرجعوا تاني بالغير محدود
ويبطلوا يجبروا الناس علي السرعات المحدودة

لموا نفسهم ورجعوا السرعات القديمة
http://www.tedata.net/eg/ar/Home-ADS...SL-Prices-List

المشكلة كانت في الغاء ال 512
في 3 سرعات اجباري وجودها ومسعرة من جهاز تنظيم اتصالات 512 - 1 ميجا - 2 ميجا (كله غير محدود بسياسة الإستخدام العادل او بدون)
فيما عدا ذلك - باقي السرعات والعروض ترجع لكل شركة وجهاز تنظيم الإتصالات دوره بالنسبة ليها هو التأكد من تنفيذ العرض المتفق عليه

ويعنى هى الشركات دى هاتخسر ايه لو قللت من سعر الخدمه

اقتباس:

---

المشاركة الأصلية كتبت بواسطة besso

ويعنى هى الشركات دى هاتخسر ايه لو قللت من سعر الخدمه

---

وهى فين الخدمة اصلا :36_2_49[1]: