-
سلانسيه الفيرنا عالى
السلام عليكم ورحمة الله وبركاته
أنا لسه مشترى عربية فيرنا 2009
عاملة 89 ألف كيلو
عملت صيانة ليها كالتالى :-
- تغيير علبة الشكمان علشان كانت مخرومة وما حبتش ألحمها
- تغيير سير وبلى كاتينة
- تغيير سير دينامو وسير الموتور
- تغيير فلتر الزيت والبنزين والتكييف والهواء
- تغيير زيت شل الأصفر 5000 ك
- تغيير طقم بوجيهات
- تغيير زجاج أمامى علشان كان فيه شرخ وقلت أغيره أنضف من التصليح
- ظبط زوايا
- مش عارف كده فيه حاج تانية كان المفروض الواحد يظبطها ولا تمام على كده
العربية الحمد لله أدائها كويس بس صوت الموتور عالى شويه من بعد الصيانة - قالوا علشان السيور والكلام ده لسه جديد وكده وأصلاً صوت الفيرنا عالى
إمبارح نزلت أسوقها - مع الغيار الأول ومن غير ما أدوس بنزين العربية اتحركت ووصلت لسرعة 20 - نقلت على الغيار التانى وصلت السرعة معايا 30 - 35 وفضلت ماشيه وزى الفل وعزمها كويس كإنى دايس بنزين سنة بسيطة "فكرتنى بشفاط البنزين بتاع ال 128" :00020140:
دورت فى المنتدى هنا - الرجالة أفادوا إن السلانسية بتاع العربية عالى وممكن الحساسات "الأيدل وال TPS" عاوزين يتنضفوا - ويا إما يتظبط يدوى وعلى السمع كده من الصامولة بتاع سلك الإكسلاتير يا إما يتظبط كمبيوتر
وشفت الفيديو بتاع تنضيف الحساسات للباشمهندس AhmedCar تحفة بصراحة :S_thum1[1]:
بس الواحد يخاف يعمله دلوقتى "أول عربية وكده - شويه كده وهدوس بقلب جامد" :36_3_10[1]:
فلو الكلام ده يتعمل فى مكان كويس زى سبيد سيرفس - م/ هانى يبقى تمام أوى الواحد يبقى مطمئن :S_thum1[1]: ويا ريت لو هيتكلف كام ظبط الكلام ده هناك فى المركز
متأسف جداً على الإطالة فى الشرح - بس حاولت أنقل الصورة كاملة :3_3_102[1]:
-
هى الناس سقعانة ولا إيه
131 مشاهدة ومحدش علق بكلمة !!!
حد يكح حتى يا رجالة
-
الموضوع بسيط جدا
فى ريجلاش فى البوابه اللى هو بتاع السلانسيه
فكو شويه وهتلاقى الدنيا اتظبطت انشاء الله
-
أولا أنا شاكر جدا لحضرتك الرد على سؤالى
والله يا أخى إنت راجل مبروك
أنا دلوقتى لسه جايب طقم المفاتيح ونازل ألعب شوية فى صامولة السلانسية
طيب بما إن حضرتك أول من شرفتنى بالرد على موضوعى رقم 1 فى المنتدى هستغلك بقى
بعد طقم الصيانة إللى اتعمل ده تفتكر فيه حاجة تانية المفروض تتظبط ولا كده تمام عليها
و مرة تانية شاكر ليك جدا
هجرب كده وأظبط وأبلغ حضرتك بالنتيجة إن شاء الله
-
انا كنت كاتب الرد من ساعتين بس النت قطع --كنت بقول ولا الحساسات ولا البوابه عاوزه تنظيف لان الحساسات تخلي ار بي ام يعلي ويوطي ولو البوابه هتبقي العربيه مخنوقه فهو مسمار السلانسيه هتشغل العربيه وتنزل تفك المسمار اتجاه الشمال سنه بسيطه لحد متخليه ما بين 800 الي 900 لفه وان شاء الله كله تمام
-
يا باشا إنت تنور فى أى وقت
نورك موضوعى المتواضع
أنا معنديش عداد rpm للأسف
بس سبحان الله جبت العربية أنا وأخويا
وففنا تحت البيت فتحت الكبوت ودورنا العربية
الصوت زى ما هو والحرارة كانت قبل النص لأنها كانت لسه دايرة من فترة بسيطة
جبت مفتاح 14 على مقاس الصامولة - لقيت صامولتين واحدة يمين ناحية البكرة والبوابة والتانية شمال
لمست الصامولة وحاولت احركها يمين او شمال
لقيت الصوت اتعدل !!!
مع إنى ما حسيتش إنها اتحركت اصلا
مشينا بالعربية على السلانسية كده غيار اول فى التانى
الصوت تمام والسرعة ما زادتش عن 10
دى بركة بقى ولا العربية فيها جوست ولا إيه
-
هههههههههههه لا هي كانت البكره معلقه سنه والحمد لله
-
بما انك جايب العربية لسة الف مبروك عليها
وانصحك ما تعملش فيها اى صيانات دلوقتى امشى بيها شوية شهرين مثلا وبعد كدة احكم هى محتاجة اية وا1ا فيها اى مشاكل لا قدر الله حتبان معاك عشان متصرفش كتير فى الفاضى
-
amr_naser الله يبارك فيك يا باشا - هعمل بنصيحتك إن شاء الله ودعواتك بقى ما يطلعش فيها حاجة كده ولا كده
-
alpoka779 الحمد لله إنها طلعت حاجة بسيطة - أنا ناوى أدوس فيها بإيدى بس شوية شوية
الواحد لسه على قده ولازم يسأل رجالة المنتدى الأول قبل ما يعك الدنيا
وتسلم يا كبير على مشاركتك
Content Relevant URLs by
vBSEO 3.6.0 PL2