السلام عليكم و رحمة الله و بركاته.
اطلب مقارنه بين كيا كارينز الشكل القديم ( من ٢٠٠٩ الى ٢٠١١) و دايهاتسو جراند تيريوس.
ياريت تساعدونى
عرض للطباعة
السلام عليكم و رحمة الله و بركاته.
اطلب مقارنه بين كيا كارينز الشكل القديم ( من ٢٠٠٩ الى ٢٠١١) و دايهاتسو جراند تيريوس.
ياريت تساعدونى
انتو فين يا اهل الخير
الكارينز الشكل القديم من انجح العربيات الكورى العائلية فى مصر
الجراند تيريوس مش ناجحة ابدا والثبات سىء جدا جدا عل السريع و فى ناس بتاول التيريوس العادية اثبت من الجراند
حسب طلبات حضرتك
يعني التريوس مش سيئة كده علشان الثبات
والكيا شايفها كويسة ولكن برضوا مش خالية من العيوب البسيطة
فعلااقتباس:
المشاركة الأصلية كتبت بواسطة S O P H O S
الكارينز لو مش هتجيبها هاى لاين يباى بلاش منها هى كمان علشان ال esp ,ebd ,air bags
الكارينز طببببببببببببببببعا ويفضل الفئة اللى فيها ايرباجز وفرامل abs
مفيش حد كامل بس الكارينز احسن بكتير
كفايه فرق الشكل
الكارينز
بس انا بحس ان الجراند تيريوس اقوى من الكارينز.
لكن فى نفس الوقت الكارينز ثباتها احسن
هل الكارينز ثابته على سرعة ١٢٠ كم
و لو هجيب كارينز مستعمله جنط ١٦ تعمل كام
الكارينز لحد 140 ثابته جدا لان العربيه تقيله .... مجربتش اعلى من كده لمده طويله
بالنسبه للسعر حسب الحاله و الموديل و الكيلو ... انا معايا موديل 2010 وكيل هاى لاين (جنط 16 - abs - airbags - بلوتوث) عامل حوالى 65000 كم و هحتاج ابيع كمان شهرين تلاته لظروف ... اظن السعر هيكون ما بين 112-118 حسب الخرابيش هتكون حالتها ايه لما اجى ابيع
اشكركم على الرد.
انا شفت اسعار الكارينز المستعمله على contact car لقيتها اسعار عاليه اوى بين ١٣٠٠٠٠ و ١٥٠٠٠٠ .
اما الجراند اسعارها كويسه بين ١٠٠٠٠٠ و ١٥٠٠٠٠
و حكاية الجنط ال١٦ فى الكيا كارينز مهمه جدا بالنسبه لى علشان الجنط ال١٥ فى الكارينز بيخلى شكلها وحش اوى و بتبقى زى الميكروباص.
ياريت يا استاذ mohamed-selim لما تيجى تبيع تقولى علشان انا هشترى كمان شهر او اقل
لو حضرتك معجب بشكل التريوس
ولو مش فارق معاك سعر اعادة البيع
فى الحالة دى فكر فى الفيتارا
http://www.catalogscars.com/2011/12/...tara-2012.html
ربنا يسهل ان شاء الله و هعمل اعلان اكيداقتباس:
المشاركة الأصلية كتبت بواسطة elenawy
لو حضرتك معجب بشكل التريوس
ولو مش فارق معاك سعر اعادة البيع
فى الحالة دى فكر فى الفيتارا
http://www.catalogscars.com/2011/12/...tara-2012.ht
تقصد الاربع ابواب؟؟؟
حضرتك في منها ال2 باب وفى ال4 باب اللي بيطلقوا عليها جران فيتارا
والفرق فى سعة الموتور وطبعا السعر
بس العربيه اعرض وبالتالى هيكون الثبات اعلى
وعن نفسي شكل الفيتارا اجمل و اشيك من التريوس
الفيتارا ال٢ باب مش هتنفع
و الاربع ابواب انا عمرى مشوفتها ماشيه فى الشارع و كمان ٢٠٠٠ سى سى يعنى بنزين ٩٥ و انا استحاله احط ٩٥
خلينى فى الكارينز او التيريوس.
سؤال للاستاذ الفاضل mohamed-selim :
١_ انت بتحط للكارينز بنزين كام
٢_ هل جربت تحط بنزين ٨٠
٣_ سحبها بيبقى عامل ايه مع بنزين ٨٠
٤_ هل بتحس بفرق بين بنزين ٨٠ و بنزين ٩٢ او ٩٥
٥_ هل سحبها بيقل مع تشغيل التكييف
٦_ ياريت تشرحلنا الفرق بين الاوتوماتيك و الستيبترونيك
بحط ٩٢ و عمرى ماجربت ٨٠
التكييف بيتقل العربيه فى الطلعه الاولانيه بس مجرد ما تاخد سرعتك العربيه حلاوه
خلى بالك الكارينز ميزتها فى الوسع اللى مش موجود فى اى عربيه بس مش بتاعة جرى و غرز لانها مش هتسعفك لو دى طريقة سواقتك ( بس فى الحالات الطوارئ الاستجابه كويسه جدا)
الاوتوماتيك بينقل لوحده
الستريبترونيك بيخليك تتحكم فى النقلات لو عايز كانها مانوال بس من غير دبرياج
انا المشكله عندى فى البنزين .
انا معايا اوبترا و بحط بنزين ٨٠ و ماشيه زى الفل
مش عارف بقى الكارينز هتبقى عامله ايه
هل السحب بيبقى احلى مع الاستيبترونيك ؟؟؟؟؟؟
سرعة رد الفعل هى اللى اسرع بس السحب هو هو .... لما بكون سايق على طريق مزدوج و عايز اعدى عربيه نقل كنت زمان بقلب ستيبترونيك بس لقيت ان الكيك داون مش بطال و زيه ززى الستيبترونيك
ماعدش حد بيحط بنزين 80 لان ببساطة البنزين 92 بيوفر اكتر منةاقتباس:
المشاركة الأصلية كتبت بواسطة elenawy
اللتر ال80 بيمشى مسافة اقل من اللتر 92 بكتير + ان السحب لازم هيقلل والصوت يعلى + البنزين 80 زاد 100% وبنزين 92 زاد 60% بس + ال80 هيبوظلك الماتور اكييد بس بيفرق من عربية والتانية فى امتة هيبوظ لاكنة هيبوظ يعنى هيبوظ + عيوقعك فى مشكلة انك لما تيجى تبيع والزبون يسالك كنت بتمون كام ولو قولتلة 80 يااما مش هيشترى يااما هينزل من السعر كتير ولو كدبت علية وقولتلة 92 هتدخل فى حوار المعصية اللى ماينفعش تتوب بعدها الا لما تدور على الراجل دة وتديلة حقة لان ربنا بيسامح فى المعصية اللى بين العبد وربة مش بين العبد والعبد الا لما المظلوم يسامح