مع اني كنت منتظرها
ولكن اخدت قرار نهائي ان شاء الله هصبر لـ ٢٠١٦ ان كان لينا عمر
على أمل اني اشوف المتور ١٦٠٠ ممكن ينزل واجيبها
عرض للطباعة
مع اني كنت منتظرها
ولكن اخدت قرار نهائي ان شاء الله هصبر لـ ٢٠١٦ ان كان لينا عمر
على أمل اني اشوف المتور ١٦٠٠ ممكن ينزل واجيبها
العيب فينا احنا
سيبوها تصدي وموديلها يعدي
طيب سؤال
لو انا إستنيت لحد ما تنزل المعارض للبيع بشكل عادى أو رسمى أياً كان المسمى ............
هل بقى ساعتها إيه المشكله إلى ممكن تواجهنى ؟؟؟
و كمان هل ساعتها السعر ممكن يغلى اكتر و لا يرخص ؟؟؟
النيسان القديمة كانت سعرها الرسمى 190 فى المعارض كانت اوفر برايس 20 الف وكانت بتوصل ل 210 واكتر كمان فا لما تستنى اكيد العربية لو حصل عليها اقبال هتغلى اصلا عند التوكيل وغير كدة هتجيبها من برة اوفر برايس انا حجزت لان الحجز ب 10000 جنيه فا مش مؤثرة اوى وغير كدة ممكن استنى ال 6 شهور عادى فا انت واحتياجاتك ياباشا لو تقدر تحجز وتستنى تمام لو لأ شوفها فى اى معرض تستلم بسرعة وتدفع اوفر برايس
فيه حاجة تانية فى خلال الفترة دى انا انشاء الله هعمل تيست درايف للعربية ودة مهم وفلوسك تقدر تاخدها فى اى وقت كاملة فا مش خسران حاجة انشاء الله
والله الموفق ياباشا
يعنى أفهم من كلامك إن أنا لو حجزت حالياً هيبقى أوفرلى و أضمنلى من لو إستنيت أجيبها من أى معرض عادى ؟؟؟
لأن ممكن لو زاد الطلب عليها تغلى ؟؟؟
حاجه أخيرة ...... الفترة إلى بتقول بتعمل فيها التيست دى بتكون دافع تمن العربيه كله و شاري و بعد كدا بيدوك فترة تيست خلال فترة الضمان برده و لا أنا فهمت غلط ؟
لو انت مش محتاج عرلية بسرعة وضروري وفكرة القاشقاي انها عجباك يبقي تمام اوفرلك طبعا تحجزها وتستني وموضوع التيست درايف دة وانت بتحجز هتقولهم والتيست درايف هيكون قبل الاستلام طبعا بتجرب العربية وتسوقها وفي اي وقت حسيت انك مش مقتنع بتسحب فلوسك وهما 10000 بس مش اكتر دة كان تفكيري عشان كدة حجزتها وربنا يوفقك للي فيه الخير ياباشا
للتوضيح ياحبي اتيست درايف بيكون اختبار العربية قبل الشراء مش بعد متشتريها
من الآخر سوق السيارات في مصر بقى كبير والطلب على العربيات الزيرو بقى كبير والبالتالي الأوفر برايس موجود تقريبا في كل العربيات المطلوبة والي عليها سحب بالسوق.
وأنا سألت ليه المورد الأصلي ذي شركة نيسان مصر توافق على كده، والرد كان انهم لازم يماينوا مع التجار عشان ميسوئوش سمعة العربية بالسوق عشان مش متوافرة عندهم. فيكون انها توازن ما بين الوكلاء والتجار في عدد العربيات الموزعة!
أما عن تأخر السيارة ونزولها، فالطبيعي ان أول نسخة بتنزل بتكون للدعاية مش للبيع والشراء ويكون جس نبض الطلب وكمياته للتعاقد مع المصنع لتوريد كميات متتالية كل شهر وفي حالة القشقاي أول دفعة رسمية هتكون في أبريل الجاي وبالتالي مفيش تأخير بالاستلام ولا حاجة!
أخيرا، أتمنة اني أفتدكم ووضحت حاجة من المعلومات الي أعرفها، ورأيي الشخصي ان سعرها طبعا هيغلى من دلوقتي لشهر 4 وده الي بيتكتب على ايصال الحجز ان السعر سيحدد عند الاستلام فالأفضل حجزها من وكيل لتعويض زيادة السعر والأوفر برايس الي في السوق كمان...وفعلا مش هتخسر حاجة!
ومعلومة مهمة للتجار، العربية المحجوزة لازم تستلم بنفس اسم الشخص الي حاجز عشان ما تصتنصحش وتحجز بكذا اسم وخلاص وتبيعها سوق سوداء بعد كده!
أعتقد و الله أعلم موضوع الــ 1200 cc هايخلى ناس كتير تبعد عن العربية أنا كنت مستنى القشقاى الجديدة بقالى فترة بس بالموتور ده إستحالة أركبها.