لو سمحتم محتاج مساعدتكم فى شراء اكس بوككس وان او 360 المهم مكان الشراء والسعر بالتقريب واخلى بالى من ايه يعنى اى معلومه توضح الفارق اكون شاكر لحضراتكم
عرض للطباعة
لو سمحتم محتاج مساعدتكم فى شراء اكس بوككس وان او 360 المهم مكان الشراء والسعر بالتقريب واخلى بالى من ايه يعنى اى معلومه توضح الفارق اكون شاكر لحضراتكم
فى زميل لى قالى ان فى استاذ / ميشيل هنا عالمنتدى له خبره فى الاكس بوكس بس مش عارف اوصله ممكن حد يعرفه او تليفونه لو سمحتم؟
معايا واحد اكس بوكس 360 حالة ممتازة
متعدل جي تاج لتشغيل الالعاب من الهارد مباشرة
لاي تفاصيل كلمني علي الخاص ولو مش عايز تشتريه
ممكن اشرحلك ازاي تشتري واحد جديد بس مش هيبقي متعدل
ممكن رقم تليفونك؟
حضرتك قلتلى هاتكتب انا فى انتظار حضرتك
بص يا سيدي
الاكس بوكس وان ده الجيل الجديد نزل قريب
وده حاليا للعب النظيف يعني تشتري اسطوانة اصلية تمنها غالي تقريبا ب 400 جنيه
وده تمنه تقريبا ب 5000 جنيه
اما الاكس بوكس 360 فده الي احنا حافظينه وعارفينه
بيتعمله تعديل ب 500 جنيه تقريبا ويشغل اي العاب منسوخة
في العاب كتير ليه وتعديلات والعاب منسوخة ببلاش تقدر تلعبها من الهارد عادي
ده تمنه تقريبا ب 3000 جنيه
ميزانيتك هي الي تحدد انت عايز تشتري ايه
بينزل معاهم كينكت او من غير كينكت وبيفرق في السعر
والكينكت ده جهاز جواه كاميرا بيخليك تلعب من غير درعات
العاب معينة زي التنس مجرد بس تقف قدام الكاميرا وتعيش
مادام هتشتري الجهاز جديد مش محتاج تقلق من اي حاجة ولا تبص علي حاجة صاحب المحل هيظبطلك كله
بالنسبة للمكان الي تشتري منه ففي كتير
افضل المولات الي في مصر الجديدة زي سوق العصر هتلاقي محلات كتير
او ممكن تشتري من كارفور وهكذا
والجهاز الي معايا عموما ممتاز بهارد 250 جيجا ومتعدل ومعاه دراع اصلي زيادة وهبيعه بنص تمن الجديد
بالنسبة للمستعمل فممكن تشتريه من علي النت عادي المهم يكون حديث وشغال تمام ومتعدل وتمنه معقول بالنسبة لتمن الجديد
هو الجهاز الى مع حضرتك مستعمل؟
وبكام والاكس بوكس وان ده محدش بيعدله ولا حضرتك متعرفش؟
وشكرا لاهتمام حضرتك والرد عليا
الجهاز الي معايا ايوا مستعمل استخدام قليل ومتعدل والهارد عليه العاب
وبالنسبة للسعر فممكن ابيعه ب 1700 جنيه
بالنسبة لاكس بوكس ون فهوا زي مقلتلك نازل جديد وملوش تعديل عشان شركة مايكروسوفت عاملة احتياطتها ومشفراه
نصيحه هات اكس بوكس وان...فرق كبيييير جدا في كل الحاجه وهو الالعاب بعد كده هتنزله بس...سعره جديد 4200 من ياشري وحاتله ب 200 استابليزر عشان الكهربا