مشكله مجنناني في الليبرتي

**ostoraa** · 03-12-2014 10:04 AM

لاساتذه الليبرتي معايا ليبرتي 2002 بها هزه في الماتور علي الصلانصيه ولما بطلع بيها بحس انها متلته تم تجربه الاتي رشاشات جديده وفلتر بنزين جديد وبيجوهات وبوابه وحساس كامه وموبينه والعيب زي ماهو واتجننت لان العربيه متلته وبتقطع في الكيك داون وتم تغيير الطرمبه وزهقت اووووي لان العربيه عجباني ومريحاني لكن اتخنقت لانها مش مدياني قوه الجيب ال 3700 فياريت اللي يعرف ويفهم فيها يقولي السبب

**م/أحمد عبد الفتاح** · 03-12-2014 10:50 AM

ممكن تكشف على طارة الشداد بتاع السير ساعات كتير بتبوظ وبتحتاج تغير الشداد ..... كمان اكشف على طارة الدينامو ممكن تكون حركتها مش كويسة يعنى بتركن نتيجة تراب او تكون باظت . بس ابدأ انك تشوف السير مشدود مظبوط ولا مريح وكمان هل السير كويس ولا عاوز يتغير .

**ostoraa** · 03-12-2014 11:40 AM

وبليه الشداد فيها ونة بسيطة

**م/أحمد عبد الفتاح** · 03-12-2014 12:11 PM

يبقى تغير الشداد وتكشف على طارة الدينامو والتكييف بالمرة

**Mecha** · 03-12-2014 03:41 PM

هتشوف الاسبيراتير ,وحساس الكرنك عيب شايع في مواتير الهوي

**م/أحمد عبد الفتاح** · 03-12-2014 04:36 PM

المشاركة الأصلية كتبت بواسطة ostoraa

لما شيلت السير خالص العربيه ظبطت

يبقى كده احنا بنقرب للحل .... لفف بقى طارة الشداد وطارة الدينامو وشوف انهى واحدة اللى بتعض او فيها خشونة ... فى الغالب بيبقى الشداد ويليه فى الاحتمالات طار الدينامو .... لو الاتنين كويسين يبقى التكييف وده مواله كبير شويه شوف الاول الحاجتين دول وانا معاك ان شاء الله وربنا يوفقك وابقى طمنا