1- طقم الشمبر ما هو ؟
الموتور يتكون من 4 اسطوانات ( شميز ) بكل واحد بستم
وعلى كل بستم توجد 3 حلقات (غوايش) معدنية رقيقة لاحكام الكبس ومنع تسرب الزيت الى غرفة الاحتراق (الاسطوانة) والعكس منع تسرب الاحتراق ونواتجة الى الخارج
بعد فترة من التشغيل يحدث تاكل بسيط فى الغويشة ويودى ذلك لتسرب الزيت الى الاحتراق فيؤدى للاتى
نقصان الزيت بصورة كبيرة بسبب احتراقة
ظهور دخان ابيض عند الكبس على الموتور اثناء العمل
الحل هو تغيير طقم الشمبر (3 حلقات فى كل بستم = 12 حلقة)
والتغيير دا يلزمة الاتى
- تغيير جوان وش السلندر (لانة اتفتح) وتنظيف وش السلندر عند الخراط بعد الكشف علية
- الكشف على الصبابات بالمرة لانك فتحت الموتور وتغيير التالف منها
2- ايه اللى يحصل لو اتاخرنا على تغيير طقم الشمبر ؟
لا يحدث شئ والعربية تمشى يجى سنه كمان بس هتعمل التداعيات الاتية :
- ممكن الرخصة تنسحب فى اى وقت بسبب العادم ده
- الفجوات اللى الشمبر البايظ عملها هتزيد مع الوقت وتاكل الزيت هيزيد وهيكلف زيت كتيير فى فترات قصيرة
- الاحتكاك بين الغويشة البايظة بجسم الاسطوانة هيعمل تهالك ليه ويعمل ما يسمى (العتب) فيها فتضطر الى تغييرها وعمل عمرة كاملة
الخلاصة :
غير المشكلة بدرى افضل من انك تعمل عمرة كاملة
قد تفتح وتلاقى نفسك هتعمل عمرة بدرى بردة بنسبة 60%
ناس كتيير تقولك امشى كدا فترة وكدا كدا اعمل عمرة مرة واحدة وخلاص
وتستخدم اثناء تلك الفترة زيت ثقيل يقعد فترة اطول شوية
تكلفة طقم الشمبر فى حدود 1000 جنية بالمصنعية
تكلفة العمرة فى حدود 3000 جنية بالمصنعية
تكلفة موتور استيراد 3000 جنية بردة
انا راييى لو انت هتعمل عمرة كاملة ومشاويرك مش كتيير ومفيهاش لجان
عيش معاه كمان 6 شهور مثلا وكدا كدا هتعمل عمرة وخلاص
المفضلات