مشكله غريبه فى الفيليشيا

**hanyalashkr** · 01-11-2008 12:30 AM

العربيه تدور الصبح او حتى باليل زى الفل من اول تدويره

الغريب ... ان العربيه بعد مشوار مش طويل نقول 30 كيلو مثلا يعنى العربيه مشيت و شحنت و سخنت و زى الفل لو بطلت ربع ساعه و جيت أدور تانى ماتدورش الا بعد 3 او 4 محاولات ..
طبعا بعد ربع ساعه يعنى العربيه هديت من المشوار و ماهياش سخنه لدرجه انها ماتدورش بالعكس بيكون افضل وقت لتدوير العربيه بدون مشاكل

الغريب انها تدور الصبح يادوب تلقط المارش تدور!!!

الإفاده يا خبراء

**ahmedfouad** · 01-11-2008 01:21 AM

اعتقد انها مشكلة كربراتير
بمعنى ادق حضرتك عندك مشكلة فى خرطوم الفايظ= بتاع الراجع للتنك= واللى مش بيقوم بدوره فى توصيل البنزين الزيادة بالصورة المطلوبة

يعنى العربية بالبلدى بتكون دايماً شرقانة=الا فى حالة انها تتركن فترة طويلة
وبالتالى البنزين بيكون خد وقته فى الرجوع للتنك
وبالتالى هتدور من اللقطة الاولى للمارش

راجع الخراطيم لو متنية او محتاجة تسليك او فى مشكلة فى صمام الراجع بتاع الكربراتير
وابقا طمنا يا باشا

والله الموفق
:k33:

**Ramy_Ali** · 01-11-2008 01:04 PM

تحليل ممتاز

**ahmedfouad** · 01-11-2008 01:14 PM

شكرا يا رامى

**ahmed1981** · 01-11-2008 02:36 PM

راجع على ضبط الكهرباء

**dado_256** · 02-11-2008 12:19 PM

احتمال كبير تكون الموبينه بتاعت الكهربه بتسخن لما العربيه تبقى تقف منك ابقى امسك الموبينه وشوفها لو سخنه يبقى غيرها احسن

**hanyalashkr** · 03-11-2008 09:27 PM

تم إصلاح العطل و هو كالأتى :

المارش من الداخل فيه قلب الحقيقه مش عارف اسمه ناس قالوا موبينه و ناس قالو اوتوماتيك المارش ..
المهم الكهربائى قالى القلب ده عايز يتملى
القلب ده عباره عن من أسفل إلى أعلى
عمود
أسطوانه عباره عن تقسيمات نحاس مستطيله بعدد حوالى 12 تقسيمه
اسطوانه معدنيه
ترس
الراجل ملا أخر حروف الريش النحاس فى إلتقائها مع الأسطوانه المعدن أسفل منها بالقصدير و بعدين سنفرها و قطع منها أجزاء بالمنشار
بعد كده وصلها بالكرباء من بطاريه لقيتها بتلف زى موتور الكهربا بالظبط
المهم جربها كذا مره لحد ماتشغلت كويس
و قفل المارش و ركبناه و تمام بتدور العربيه من اول لقطه مارش كالمعتاد
أرجو أن يستفيد الأعضاء من هذه التجربه

و عندى إقتراح

ممكن أى حد تواجهه مشكله زى دى و يسعفه الحظ يلاحظ خطوات الشغل فيها و يكتبها زى ماعملت كده أكيد هاتكون فايده كبيره جدا