يرجالة اكتبو المكان علشان نجربو
عرض للطباعة
يرجالة اكتبو المكان علشان نجربو
لو فاست فود
هاردييز-ماكدونالدز(بس في سنة نصب)-كوك دوور (تقريبا كلهم ما عدا برجر كينج وحشين جدا و مش قصدي الاكل)
الاسماك:اسماك وادي النيل
بسم الله الرحمن الرحيم
- أسماك - وادى النيل - ش وادى النيل - الزمالك
- كباب ومشاوى - كبابجى الأهرام ش أبو الهول - الهرم
- شاورما - أبو أنس الدمشقى - مدينة نصر - بعد دار الحرب الإليكترونية "لوجيستيك"
- شاورما وفراخ - دلعين - مدينة العبور - الحى الأول
- سندوتشات فى السريع - هارديز - كوك دور وتحلى بميلك تشيك من ماك
- أكلة لخبطة ولغوصة فى سهرة مع أصحابك يبقى فاشنكاح - ماى كوين - جامعة الدول
- برجر - Wild Burger - مساكن شيراتون
- لغوصة مع أصحابك تانى برضه -سمان وكفتة ومشاوى - مطعم عبلة فى طريق كرداسة
دا إللى أنا إفتكرته لحد دلوقتى
انا ممكن افيدكم في البيتزا والباستا .. مطعم بيسترو متميز جدا فيهم وقعدته ممتازه جدا واللي هيروحه هيدعيلي ..
....
بالنسبه لسندوتشات الجمبري في مطعم اسمه العوام في الحي السابع دا بيعمل سندوتشات جامدة
...
في مطعم اسماك اسمه استاكوزا اكلت فيه مرة و ما انصحش حد ياكل فيه ,في مطاعم كتير افضل منه ...
المشويات بقى ما جربتش كتير في القاهرة .. لاني بحب اعملها بايدي
او بجيبها من محل في بلدي الراجل بيقوم قاطع من الخروف وعامل الكباب قدام عيني وكفايه اني بكون شايف كل حاجه قدام عيني
مكرونة رضا - فى آخر ش باب اللوق أول ما تلاقى الجراج على شمالك - هو فى الشارع المقابل يمين على ناصيه الشارع المغسلة الإيرانية
مطعم شلبى - حمام مشوى ونيفا - ش باب اللوق برضه بس المرة دى من الناحية التانية للجراج - على ناصية الشارع قهوة ومحل كبدة إسمه النصر غالباً - هو فى آخر الشارع
ياريت اللي يروح مكان ويقول عليه يكتب العنوان
لاءن الكل بيكلم بدون تحديد مكان
مثلا
مدينه نصر
فين في مدينه نصر الله اعلم
وهكذا
ايه الفايده