ازاي اقاوم البرد ده؟

**إنسانة** · 05-12-2014 12:36 AM

و لو بتحس ببرد شديد اوقات النوم دور على مصدر تيار الهوا وغالبا هيكون تحت البيبان فتحات بتعمل تيار وبتبرد الأوضة
والحل لازم الفتحات دي تتقفل بجلد و انا جربتها وركبت ربل أديلي تقريبا اسبوع مش حاسة ببرد في الشقة وعندي اوضة فيها بلكونة مش بستخدمها مركبتتش في باب البلكونة جلد لما بدخلها بحس بفرق جامد بينها وبين بقية الشقة زي مايكون داخلة تلاجة

شكلها كدا

واسم الربل door bottom
ممكن لو نجار شاطر شوية يعملهالك واعملها على كل ابواب الشقة حتى الداخلية أو على الاقل الاوضة اللي بتنام فيها
لو الشبابيك بتدخل هوا برضو شوفلها حل زي دا
ودي هتمنع عنك أي حاجة جاية من برا مش بس البرد

تاني حاجة افرش على السرير بطانية مش ملاية ولا لحاف
زي النوعية دي

تبقى فارش بطانية على السرير ومتغطي كمان ببطانية طبقتين

وخلاص انسى البرد في الليل وانا بكلمك من تجربة

**Bassem Youssef** · 05-12-2014 03:04 AM

استاذه انسانه

انا فعلا ناوي علي موضوع الزنجبيل ده عشان في ناس كتير نصحتني بيه

عندي ازازه استنالس خضرا مكتوب عليها vacuum flask

دي فعلا بتحفظ المشروبات سخنه فهجربها مع موضوع اللبن بالزنجبيل ده

انا صعب اعمل التعديلات اللي علي الباب دي عشان قاعد في شقه ايجار للاسف

الوالد عامل البتاع الجلد المانع لتسرب الهوا ده في بيتنا و زي الفل

**إنسانة** · 05-12-2014 07:09 AM

ممكن حاجة زي كدا تعمل نفس مهمة الجلدة بس تتركب وتتشال مش هتعمل اي اثر على الباب

ممكن تتفصل تفصيل لو مش متوفرة عندك
و اسم المنتج Twin Draft Guard

**prof2013** · 05-12-2014 10:24 AM

انا بحط مخدات تحت البيبان هههههههه
احنا ناس طيبين اوي ياخال

**Bassem Youssef** · 05-12-2014 02:56 PM

انا هجرب فكره المخدات دي :))))

**almohaor** · 05-12-2014 07:48 PM

عليك بمنشطات الدورة الدموية من الاغذية والمشروبات الطبيعية

يعنى اشرب جنزبيل او قرفة
وكمان قليل من الشطة على الاكل
دول بقى راح يخلوا الدم يجرى فى عروقك
كمان حلل الدم يمكن يكون فيه فقر دم او انيميا
يعنى نقص فى كرات الدم الحمراء
وده بيعمل قصور فى وظائف الجسم

الموضوع بسيط ان شاء الله تعالى

**Elawany13** · 05-12-2014 09:16 PM

قاوم البرد بمواجهته
أنا زمان أيام المذاكره لما كنت بحس ببرودة الايدين والرجلين
كنت بنزل آخد العجلة واجرى بيها فى الشارع فى عز البرد لبضع دقائق
وبعده بحس بدفئ غير عادى