-
مشكلة سخونة الشاهين
سلام عليكم
أنا آسف جدا لإنقطاعي الفترة اللى فاتت بسبب مشكلة في خط الدي اس ال المهم لو تفتكروا انا كنت عملت موضوع عن مشكلة سخونة الشاهين واني غيرت الردياتير وبرده السخونة عاليه , المشكلة دي اتحلت الحمد لله وكان السبب هو السلك الارضي مكنش مكبوس كويس
ولو حد عايز يعرف السلك عنده تمام ولا لأ يشغل العربية ويشغل كل الانوار ويستنى حوالي 10 دقائق وبعدين يلمس السلك من عند النقطة اللى بيبقى لامس فيها جسم العربية فوق الكشاف اللى في يمين العربية لو كان السلك حرارته نفس حرارة المنطقة اللى جنبه يبقى السلك تمام لكن لو كان سخن جدا لدرجة انه بيلسع يبقى لالالالالالالالالالالالال الالالالالالالالالالالازم يتغير لانه بيأثر على كمبيوتر العربية وكفائه اشتعال البوجيهات وبالتالي مشاكل كتييييييييييييييره جدا
حبيت بس اقولكوا الحل لعل يفيد الجميييييييييييييييع
-
تقصد تهريب الكهرباءمن الكابل الارضى العمومى عند اصبع البطارية؟
عموما لابد من التاكد من توصيل كابل الارضى للجيربوكس ايضا واشك فى علاقة ذلك بسخونة الموتور لان موبينة التكرير تقوم بتضخيم اقل تيار الى شحنة قوية لشمعة الاشتعال الا اذا كان التهريب له تاثير على سرعة مروحة التبريد
-
مش قصدي كده انا اقصد ان التهريب كان بيأثر على امبير الحرارة وبالتالي لما الكابل الارضي يسخن يقوم الامبير يقرا الحرارة غلط وبالتالي يتهيألك ان الحرارة عاليه دي كانت بتوصل لدرجة 110 درجة والمروحة تشتغل وخصوصا لو ولعت النور او شغلت المكيف الدنيا تتبهدل خالص هو ده اللى اقصده وهو القراءة الخاطئة لامبير الحرارة بسبب التهريب اللى سبق وتكلمت عنه ده غير ان استهلاك البنزين كان زيادة وكمان ضعف سحبها وبطء الإستجابة
-
معلومة مفيده وان شاء الله هتأكد من عربيتى انا كمان
-
ألف شكر على المعلومة
جزاك الله خيراً
وفعلاً الشاهين الطبيعية لا تسخن أبداً
-
في حاجه تانيه برده جربتها بالنسبة لتقل نقلات علبة التروس غيرت الزيت اللى فيها بزيت موبيل 90 زي الكتالوج ما بيقول الفتيس بقى سهل جدا جدا وبقت العربية ناعمه جدا وكمان غيرت زيت الكورونه وبقت انعم بس لما رحت اغير العامل كان مصر ان الشاهين بيتحطلها زيت تروس كثافته 140 لكن انا اصريت على موقفي بناءا على تعليمات الكتالوج فاللى عنده الزيت لسه مغيرهوش او غير زيت 140 يغير في اقرب وقت لزيت 90 وهيحس بالفرق ويدعيلي
-
طيب حضرتك الزيت ده فى بنزينه موبيل ؟ وكلف حضرتك كام ؟
-
موجود في كل محطات موبيل بس ابقى صر انك تحط زيت 90 مش 140 لانهم هيفضلوا يقنعوا فيك ويحلفوا ان الشاهين بتاخد زيت 140 بس الصح ومكتوب في الكتالوج 90
وكلفني زيت الفتيس والكورونة في حدود 45 جنيه بالتغيير
-
هى عربية حضرتك موديل كام
وكربراتير ولا انجكشن
-
عربيتي موديل 2006 انجكشن 1600 سي سي جميع الكماليات
Content Relevant URLs by
vBSEO 3.6.0 PL2