بخصوص اداء المساعدين - ميجان2
سلام عليكم
المساعدين الاصلي اللي راكبة في ميجان2 على حد علمي بتبقى مساعدين kyb
معروفين انهم مساعدين طراي و هدفهم ان العربية تبقى مريحة
في نفس الوقت و في المقابل , تأثيرهم السلبي بيبقى ان العربية بتميل جامد في الملفات القوية , و لولا ان العربية ابعادها مخلية ثباتها معقول كان الوضع بقى سيء جدا , ده غير احساس ميلان العربية نفسه كمان
و بتنزل حاجة بسيطة في المطبات , حتى لو المساعدين جداد
انا عارف ان فيه هنا ناس ركبت للميجان2 مساعدين رياضيين قبل كده لكن ما حصلش نقاش بيني و بين حد منهم قبل كده في النقطة دي
المهم
في قسم دايو هنا الناس الكبيرة هناك بينصحوا بمساعدين مونرو للانوس لتحسين ثباتها
ليه بنجيب سيرة اللانوس , عشان هي تجربة مشابهة شفتها بنفسي
لما سألت وسط ملاك و تجار ميجان2 , قالوا لي ان ليها مساعدين مونرو لكن ما عليهاش اقبال عشان ناشــــــــــفين
طبعا المساعدين المونرو ناشفين و اللانوس بتنشف فعلا بصورة محسوسة بالمقارنة باللي فيها مساعدين kyb , لكنها ثباتها بيتغير بصورة جامدة اوي برده
و في نفس الوقت ما بتبقاش ناشفة نشوفية مميتة يعني , و انا كنت من ملاكها
حتة بحث صغيرة , جبت ارتفاع الكاوتش في اللانوس لما يكون فيها كاوتش 14-185-60 (اللي كنت راكبها) , و الميجان لما يكون فيها كاوتش (16-206-55) , اللي انا راكبها حاليا
لقيت ان ارتفاع جدار الكاوتش بالنسبة للميجان اعلى حاجة بسيطة اوي
http://content.screencast.com/users/...12-03_1618.png
, يعني كده ثبتنا عامل المساعد , و عامل الكاوتش افضل او هو هو , و يبقى عامل وزن الميجان , اللي هو قد اللانوس مرة و ربع او اقل حاجة بسيطة
مش عارف فيه عوامل تانية انا نسيتها ولا لأ
دي دعوة عشان نفكر مع بعض
هل حد جرب قبل كده ؟ يعرف حد جرب ؟
حد له رأي مختلف ؟