الموضوع: تجربتى فى شحن عربيه كرولا 2013 من جده للسويس

thank you and we need more information

ياريت اخد كام واسمه وياريت رقم موبايله وحدة وحدة نضرب الفساد والرشاوى سلاح الاشهار هو الحل الوحيد لضرب الفساد وكله ها يخاف والله وجربوا .. ياعمى لو ورقك 100% يفهمك انه فى غلط اومال هو يحلبك ازاى ويخيلك تدفع له غصب عنك بمذاجك وحاسس انك تشترى دماغك وانت مضحوك عليك . الامر بيوصل يقولك خلى حد يرسلك الورقه دة او دة من السعوديه بس خلى بالك التاخير ندفعك ارضيات والعربيه اوبشن تعال واضبطك ونخليها استنادرد .بص اى كلام يتقال لك وانت فى الجمرك لاحول لك ولا قوة وعايز تخلص وتروح . حاجه بقت قرف

متابع

السلام عليكم
انا عندي مشكله في سحب عربيتي رينو ميجان 2006 العربيه طلعتها مش كويسه ضعيفه جدا وبعد ما تدي غيار تالت بيبقا سحبها ضعيف بردو ولما اكون دايس بنزين واشيل رجلي من على البنزين الفتيس بينتش ,, وديتها لواحد قالي ممكن المشكله في زيت الفتيس روحت غيرت زيت الفتيس حطيت زيت امريكي الكيلو ب60 جنيه قالي دا اعلى حاجه في السوق بس المشكله ان سحب العربيه لسه ضعيف وديتها لواحد تاني جرب العربيه قالي المشكله في الجيربكس او الفتيس !!
وديتها لواحد تالت قالي تقريبا طرمبة بنزين !!
انا احترت بصراحه يا ريت الي عندو خلفيه عن الموضوع دا يفيدني
وشكرا

المشاركة الأصلية كتبت بواسطة m.abdou

السلام عليكم

انا حبيت اشاركم تجربه انزال عربيه تيوتا كرولا 2013 من السعوديه الى مصر

اولا

كان فى 3 اختيارات لانزال العربيه

1- عن طريق منفذ ضبا انى اسوقها بنفسى وبصراحه انا مفضلتش ده لان تكاليف العباره والسفر قريبه من تكاليف الشحن بالاضافه انى سمعت من كذا واحد ان جمرك سفاجا بيقدر ارقام جزافيه فى الجمارك

2- عن طريق منفذ نويبع وده لازم تدخل جزء بسيط فى الاردن وناس كتير بتشتكى منه لكن الجمرك بتاعه ناس فاهمين وبيقدروا صح


3- عن طريق الشحن من جده لميناء السويس وده الاختيار اللى انا اختارته بعد استخاره ربنا عزوجل لانى اتعرفت عن طريق المنتدى هنا بمخلص جمركى وبعتله الورق بتاع العربيه قبل ما انزل وبصراحه ورقى انا مكانش كامل وكان فيه بعض النواقص لكن الصراحه الراجل عمل معايا الواجب وزياده



يكفى انى اقول ان ورق العربيه بتاعتى كان ممكن ميتقبلش لوجود غلطه فى طباعه برنت المرور فى السعوديه ولو كان حيتقبل كان حيحاسبنى على قيمه الفاتوره اللى انا شارى بيها لانها هيا اللى موثقه وكان طبعا سعر الفاتوره عاالى اغلى من السعر اللى موجود فى الجمرك

فلو كنت مشيت على سعر الفاتوره كان ممكن ثمن الجمرك يوصل لحوالى 56 الف جنيه او اكتر مع انى واخد خصم 15 %

لكن باراده ربنا ثم مجهوده بصراحه صمم انى اتحاسب بالسعر الرسمى اللى فى الجمرك ووصل السعر شامل كل المصاريف الاداريه تقريبا 43000 لو ضيفنا ليهم شويه مصاريف بتاعه التفريغ وفحص المفرقعات وما شابه يعملوا تقريبا 44000




المهم انا بقول نصيحه لو حد ناوى يخلص وينزل عربيته من بره مصر يفضل انه يتعامل مع مخلص جمركى فاهم وامين

هوا انت فعلا ينفع تخلص كل حاجه لوحدك بس انت ساعتها علشان توفر الف او الف ونص مثلا حتدفع فوق ال 8000 زياده او اكتر


لو فى حد عاوز يستفسر عن اى حاجه انا فى الخدمه

أولا: حمد الله على السلامة وأهلا وسهلا بيك في بلدك الأم
ثانياً : ربنا يباركلك فيها ويديك خيرها ويكفيك شرها
ثالثاً: جزاك الله خيراً في كل معلومة إستفاد بها كل محتاج
رابعاً : كنت بستفسر على شراء سيارة من السعودية وأنا مش مقيم بالمملكة وتصديرها لمصر للإستخدام الخاص . هل ده ممكن ومتاح ؟ ولو ممكن ومتاح هل بيتم خصم أرباح الوكيل السعودي من قيمة السيارة لتصديرها ؟ يعني مثلاً السيارة دودج رام 1500 لارامي سعرها 179000 ريال سعودي لو اشترتها للتصدير هل السعر بيقل ولا بيكون نفس السعر ؟ ولك مني جزيل الشكر .