الموضوع: نصيحة من اهل الخبرة قبل الشراء

السلام عليكم و رحمة الله و بركاته

الاعضاء الكرام انا بقالى حوالى 3 شهور بلف على عربية اشتريها و طبعا دوخت لانى -طبعا زى كل الناس - بدور على حاجة فى كل المميزات و مفهاش عيوب خالص لانى ناوى ادفع فيها مبلغ محترم و طبعا الموضوع ده مستحيل.

طبعا اقعد الف و اقرا اراء العضاء ما بين كورولا و سيفيك و سيراتو و اكتوفياا و استرا
طبعا من اول ما شفت الاسترا شدتنى اليها شكل فوق الممتاز مقارتة ببقية العربيات من جوه و من بره
بس قريت الموضوعات المثبتة و عيوبها و مميزاتها و اراء الاعضاء اتلخبط اكثر ما انا متلخبط شوية يقولوا مش كوية و اليابانى احسن و شوية يقولوا ممتازه و شويه يقولوا عايز بنزين 95 و شويه يقولوا لا

فمن الاخر كنت عايز اخد راى الاعضاء بخصوص العربية ديه
مع الوضع فى الاعتبار
ان انا مشاويرى مش كتير بس طويلة اوى فعايز حاجة ممتعة اكون مستريح و انا سايقها
العربية مش هتبقى عائلية اوى يعنى بالكتير اوى ممكن تكون للاستخدام العائلى مره فى الاسبوع
البنزين لو 95 هتبقى هى ديه النهاية لانى طبعا مش هقدر على مصاريفه
بالنسبة بقى للاطال فانا بالى مش طويل اوى فعايز اعرف هى اعطالها كتير و لا لا

فتنصحونى بشرائها و لا ؟

وشكرا

الأسترا سيارة ممتازة بجميع المقاييس بلا أدنى خلاف!
ولم نسمع أي شكاوى نهائيا من ملاكها فيما عدا أسعار قطع الغيار وفي رأيي هذا ليس عيبا لأن قطع غيارها معمرة جدا، ولأن أسعار قطع غيار السيارات الأخرى غالية أيضا !!
عموما د/ خالد أسامة أكثر من يمكنه إفادتك لأنه يمتلك واحدة منها منذ فترة، ادخل على قسم الأوبل وستجد ضالتك بإذن الله تعالى، هداك الله للخير، ووفقك للأصلح.