انا بصلح العربية عند ميكانيكى فى الاساس هو زميل فى العمل
هو بيشتغل بايده
لكنه يرغب فى تنميه مهاراتاه والتطور مع الزمن
علشان كده هو بيسال على اجهزة تشخيص الاعطال
الانواع
الاسعار
وهل يمكن اعطاؤه دورة على الجهاز فى حالة الشراء
عرض للطباعة
انا بصلح العربية عند ميكانيكى فى الاساس هو زميل فى العمل
هو بيشتغل بايده
لكنه يرغب فى تنميه مهاراتاه والتطور مع الزمن
علشان كده هو بيسال على اجهزة تشخيص الاعطال
الانواع
الاسعار
وهل يمكن اعطاؤه دورة على الجهاز فى حالة الشراء
فيه جهاز تشخيص الأعطال وهو إسمه OBD ll scanner ممكن تشوف الماركات بتاعته وسعره على النت وتدور عليه فى مصر ممكن يكون بيتباع هنا أو حد يشتريه من بره وفيه افلام على اليوتيوب على كيفية الشغل بيه .
بس أنا حاقولك على حاجه ارخص كتير ومجربها وممكن تجربوها فى الأول وبعدين تشتروا الجهاز ...... فيه دلوقتى قطعة إسمها ELM 327عبارة عن فيشة بتتركب على فيشة كمبيوتر العربية وبتشتغل بلوتوث ممكن تلاقيها بتتباع على موقع سوق دوت كوم وبعدين فيه برنامج اسمه torque بينزل على الموبايلات اللى شغاله بنظام الاندرويد والبرنامج ده بيديلك كل قراءات العربية حرارات وضغوط ونسب العادم وكل المعلومات اللى عاوز تعرفها بالإضافة لأنه بيشتغل زى السكانر اللى قولتلك عليه فوق يعنى يشخص العطل وكمان يطفى لمبة الـ check engine وكمان يقرا تاريخ الاعطال بتاعة العربية اللى حصلت قبل كده .... بس البرنامج ده فيه منه نسختين نسخة مجانية مافيهاش اوبشنات كتير ونسخة كاملة بفلوس حوالى ٥ جنيه او حاجه زى كده مش فاكر بالظبط بتشتريه من على play store ..... أنا باشتغل بيه لعربيتى ولعربيات اصدقائى زى الفل . بتركب الفيشة البلوتوث فى فيشة كمبوتر العربية
وبعدين تشغل البلوتوث بتاع التليفون وتشغل البرنامج وتشغل العربية وعيش مع البيانات والقرايات بتاعة العربية.
كان بكام يا بشا ومنين؟؟؟اقتباس:
المشاركة الأصلية كتبت بواسطة amadios
ممكن تقولى انواع العربيات اللى حضرتك شغلت عليها الـ elm 327اقتباس:
المشاركة الأصلية كتبت بواسطة amadios
اللى عايز الجهاز
عايزه لورشة
يعنى شفل كتير وعربيات متنوعه
طبعا المنتشر الكورى وهو المفضل + باقى الانواع
ومهم عنده ان حد يدربه
الراجل عايز يطور نفسه
اقتباس:
المشاركة الأصلية كتبت بواسطة amadios
تمام جداً
بدور عليه من زمان مش لاقيه في مصر
ده فيديو ليه
https://www.youtube.com/watch?v=WOQLh1iGN60
أنا كنت شارى البلوتوث ELM 327 بحوالى ٢٠٠جنيه من اكتر من سنة من على موقع سوق ووصل لغاية البيت عندى ونزلت برنامج torque pro على الموبيل من على الـ play store كان برضه من فترة كبيرة بحوالى ١٥ جنيه بس دلوقتى البرنامج وصل ٣٣ جنيه ..... بس الميزة إنك ممكن تعلق التليفون على الحامل وانت سايق وتشوف كل المعلومات وتصمم لوحة عدادات عالموبيل بالحاجات اللى انت عاوزها ده غير مميزاته التانية من حيث قراءة الاكواد وعمل ريسيت للمبة الـ check engine . خلى بالك اشترى الـ ELM327 النوع اللى بلوتوث مش اللى بكابل .اقتباس:
المشاركة الأصلية كتبت بواسطة khaled_yassin
ده لينك البلوتوث على صفحة سوق دوت كوم
Mini ELM327 OBD2 II Bluetoothيعمل على الموبايل اندرويد للبيع في مصر, الإسكندرية, القاهرة. افضل سعر، مراجعة و تقييم | سوق
او تعمل سيرش على موقع سوق بكلمة ELM327
هو طبعاً بيشتغل على العربيات اللى فيها فيشة كمبيوتر OBD ll من بعد سنة ١٩٩٧ تقريباً بس فيه شركات ماإلتزمتش بالتاريخ ده ونزلت عربيات بفيشة كمبيوتر من النوع القديم (لغاية سنة ٢٠٠١ تقريباً) ..... بس تقريبا معظم العربيات شغالة بالفيشة الجديدة ....أنا جربيته على جيب ٢٠٠٩ واسترا ٢٠١٣ وبيجو عده موديلات من ٢٠٠٥ وانت طالع وتويوتا من برضه ٢٠٠٥ وانت طالع ومتسوبيشى لانسر ٢٠١٢ ..... بس اهم حاجة تتأكد من فيشة الكمبيوتر بتاعة العربية تكون زى اللى فى الفيديو اللى فى مشاركة الاستاذ eng f3lix ( مشاركة رقم ٧)اقتباس:
المشاركة الأصلية كتبت بواسطة shiko85
وانواع العربيات موجودة فى مواصفة البلوتوث ELM327 فى اللينك ده
Vgate ELM327 Bluetooth Scan Tool OBD2 OBDII Scanner for Torque App Android للبيع في مصر, الإسكندرية, القاهرة. افضل سعر، مراجعة و تقييم | سوق
الفيديو فعلاً زى الللى معايا ولو عاوز التفاصيل حتلاقيها فى المشاركة بتاعتى اللى بعد مشاركتك على طولاقتباس:
المشاركة الأصلية كتبت بواسطة eng f3lix
بس فيه ٣ حاجات مهمين أول حاجه البرنامج torque pro مش بيشتغل مع الايفون والايباد بيشتغل مع التليفونات اللى بنظام اندرويد ... وتانى حاجه هات البلوتوث الصغير مش الطويل بيبقى مكتوب عليه (مينى) علشان مايخبطش فى رجلك وانت سايق .... وتالت حاجه البلوتوث بيجى معاها اسطوانة فيها برنامج تشغيل سيبك منه لأنه برنامج قديم وكمان متفيرس.
***** ملحوظة تانية مافيش كتالوج مع البلوتوث واللى انت حاتعمله حتحاول تدعبس فى برنامج الـ torque pro وتتفرج على الافلام بتاعة طرق التشغيل عاليوتيوب .
ايه راى حضراتكم فى جهاز لانش برو 3
جهاز كشف أعطال السيارات Launch X-431 Pro3
https://www.facebook.com/elgarage.to...al_comments=11
launch master x431 جهاز فحص سيارات بوش . كشف اعطال السيارات بالكمبيوتر
فى الموقع الجهاز بيستوردوه ب980 دولار
الشركة فى الرابط السابق ب16 الف جنيه
الشركة بتقدم دعم لمدة عام بما فيها تحديث السوفت وضمان وتدريب و متابعه من مهندسي الشركة فى الشهر الاول
الموقع غالبا لا ؟
بس هل الفرق يكون الضعف
فى الحقيقه الموقع ذكر الجهاز x431
الشركة x431-pr3
هل هو اصدار احدث
وهل التحديث فى الاصدار يعمل الفرق الكبير ؟
اقتباس:
المشاركة الأصلية كتبت بواسطة abokoko
رد من موقع الشركة
ELGarage أولا حضرتك ده جهاز الماستر مش البرو ثانيا لما بتشترى جهاز من على موقع مبيبقاش فى خدمات زى التحديث او التدريب على الجهاز ...
متابع للاهميه
كويس لو اى منا توصل لمعلومة ينشرها علشان نستفاد كلنااقتباس:
المشاركة الأصلية كتبت بواسطة merooxx
مافيش اخبار عن الموضوع ؟؟؟
موضوع مفيد شكرا للاراء والمشاركات