الموضوع: عايز اهاجر و استقر فى اى دولة

ليبيا فيها قلق ، ده غير اني لسه قاري في الأخبار عن موضوع الموافقة الأمنية من مجمع التحرير قبل السفر لتركيا وليبيا تحديدا! ومعرفش ان كان بجد ولا لا
جرب تروح الاردن او المغرب. حضرتك تخصصك او مجال عملك في ايه؟ يمكن اقدر افيد

حضرتك عاوز هجرة نهائي؟ مصر بلد جميل... أنا كنت شغال في السعودية و هي بردو بلد جميل لكنها مملة جداً... ليبيا فيها قتل! الاردن أعرف إن غالي.. لتر البنزين بيمكن ما يوازي 8 جنيه مصري تقريباً... و دة معناه العيشة نار، أكتر من مصر كمان. لو حضرتك ليك خبرة محترمة في تخصصك تقدر تشتغل في دول عربية مستواها ممتاز ذي الامارات أو الكويت. أظن حضرتك مش كبير في السن... و د ميزة ممتازة. عرف ليه؟ ببساطة معناها إن شاء الله إن عندك وقت تشتغل و تتعلم... ممكن تاخد كورسات كمبيوتر أو لغات متخصصة تتقل من الآخر ال-cv بتاع حضرتك.... إشتغل في مصر و خد دورات و مش مهم هتكسب كام... عشان إنت في المقابل هتكسب خبرة، الخبرة دي مش ببلاش دي ليها تمن، تقوم تروح الدول العربية بتمن أكبر و أكبر كمان. ده رأيي الشخصي، أنا راجل عندي 40 سنة و بفكر أخد بكالوريوس غير إلي أصلاً معايا دلوقتي. طول ما صحتك الحمدلله كويسة و عندك صبر و هدف كل شيء ممكن، إيه المانع؟ لو احتجت أي إستشارة أنا و زميلنا تحت عمر حضرتك، أخوك في الله / أحمد سامي

المشاركة الأصلية كتبت بواسطة m.elwan

الدول العربية لا تصلح للاستقرار فيها ماعدا الإمارات
الاستقرار يعني يتم معاملتك نفس معاملة أهل البلد وده مستحيل في الدول العربية حتي لو حصل وخدت جنسيتهم وده مستحيل بيقولو عليك مجنس
فكر في نيوزيلندا او استراليا دي بلاد محترمة لو مهاجر بشكل شرعي حتاخد حقوقك كاملة من اول يوم زيك زي أهل البلد حتي من غير ما تاخد الجنسية

مين اللي قال كدة ??? امال الناس لسة بتسافر الدول العربية ليه مادام مافيهاش استقرار???

اسف كلام حضرتك جملة وتفصيلا غلط. اي دولة عربية ورقك فيها مظبوط وماشي قانوني محدش يقدر يتكلم معاك. انما الوافدين وخصوصا المصريين هما اللي بيحاولو يتحايلو.عالقوانين زي مثلا يضربو شهادات راتب عشان ياخدو قروض او يزورو المسمي الوظيفي عشان يطلعو رخص. واخيرا بيتاجرو في فيز مضروبة للكسب السريع الحرام.

كل بلد فيها قوانين وعلي من ارتضي بالسفر اليها احترامها. وعلي فكرة.مفيش.حاجة اسمها اخدت.جنسيتهم لانها بشروط وهي زواج منهم وده مبيحصلش او والدك او.والدتك منهم. غير.كدة.مفيش.منح جنسيات.حتي لو فنيت.عمرك كله فيها لان الجنسية.عندهم ليها.مميزات عايزين يحكروها لمواطنيهم فقط وده في رايي حقهم.

المشاركة الأصلية كتبت بواسطة m.elwan

الدول العربية لا تصلح للاستقرار فيها ماعدا الإمارات
الاستقرار يعني يتم معاملتك نفس معاملة أهل البلد وده مستحيل في الدول العربية حتي لو حصل وخدت جنسيتهم وده مستحيل بيقولو عليك مجنس
فكر في نيوزيلندا او استراليا دي بلاد محترمة لو مهاجر بشكل شرعي حتاخد حقوقك كاملة من اول يوم زيك زي أهل البلد حتي من غير ما تاخد الجنسية

حقوقك هناك الي حد ما يا اخي ,طالما مانتش اوروبي ابيض