شارك بتجاربك: اقترح قطع غيار سيارات تركب على موديلات ديهاتسو حسب معلوماتك

**upaupa** · 04-12-2014 06:20 AM

هذا البوست هو تجميع لاقتراحات بعض أعضاء هذا المنتدى بالاضافة الى تجارب آخرين للتغلب على مشكلة عدم توفر أو رتفاع ثمن بعض قطع الغيار الخاصة بسيارات ديهاتسو خاصة القديم منها وارجو من كل من لديه اقتراح بقطعة غيار بديلة جربها بنفسه او اخبره بها احد الثقات أن يشاركنا هذه المعلومة من خلال هذا الموضوع ولنرى ابداعاتك فى هذا المجال

**upaupa** · 04-12-2014 06:26 AM

نبدأ باقتراح مساحة السوريون الخلفية للاخ mido elsakkar حيث ذكر الآتى:

استطاع احدهم توليف وتطويع مساحة الفيات 128 لتصلح لزجاج السيريون الخلفى:

http://www.nilemotors.net/Nile/435138-a.html (بديل لمساحة السيريون الخلفى الاصلية)

بصراحة راجل 100%

**upaupa** · 04-12-2014 06:35 AM

يعود صديقنا mido elsakkar يلكشف لنا سر اكتشاف رائع وهو ان هناك مكان يبيع مساحات السريون بسعر رخيص جدا حوالى 75 جنيه مقابل 400 الى 500 فى التوكيل او استيراد ...التفاصيل فى الرابط التالى

http://www.nilemotors.net/Nile/450975-a.html

المعلومة الخطيرة الاخرى فى هذا الموضوع هو ان الرجل ده بيعملها وبيبيعها للعربيات السوزوكى الفان فهل يعنى هذا انه يمكن ان يعمل اى نوع من المساحات الخاصة بموديلات ديهاتسو ..؟؟

**upaupa** · 04-12-2014 06:42 AM

قدم صديقنا geo_yacoub اقتراحا ولا اروع مدعم بالصور لكنسولة مناسبة توصل اليها بنفسه لسيارات الشاريد موديلات التسعينيات يقول فيها:
معظم اللي معاهم شاريد اول التسعينات مش عندهم كونسولة لأنها نزلت ف عربيات قليله اوي
وعلشان طول عصاية الفتيس الغريبه العجيبه دي وعلشان نظبط شكل العربيه من جوا وفقت كونسولة العربيه الدايو النوبيرا عليها وجايه مظبوطه عليها جدا جدا ......التفاصيل وطريفة التركيب بالصور تجدها فى الموضوع بالرابط التالى
http://www.nilemotors.net/Nile/431358-a.html

**upaupa** · 04-12-2014 06:50 AM

لا يجب ان تتعب نفسك بالبحث عن فلتر للشاريد فالصنايعية فى البنزينات واماكن تغيير الزيت يدركون ان فلتر الكثير من العربات يركب على الشاريد

فعلى سبيل المثال يقول صديقنا geo_yacoub ان ركب فلتر زيت تيوتا
http://www.nilemotors.net/Nile/449809-1990-3.html

فى الحقيقة انا شخصيا قام الصنايعى بتركيب فلتر هاينداى ولما سالته ان كان يصلح قال مستنكرا يمشى تمام يا بيه ده كمان كورى اصلى هههه

**upaupa** · 04-12-2014 06:55 AM

يساهم العضو الفضى بالمنتدى الاخ mohamed_rhem بمعلومة قيمة هى أن ردياتير و صباع الحرارة الخاص بالكيا برايد يصلح تماما للشاريد

**upaupa** · 04-12-2014 06:59 AM

مازال اللاخ geo_yacoub يزودنا بكل كرم بالمزيد من الافكار الخلاقة وهذه المرة يلفت نظرنا الى ان ثرموستات مروحة الاكسل بتركب علي الشاريد تسعينات بكل اريحية و باربعين جنيه
http://www.nilemotors.net/Nile/430279-90.html

**upaupa** · 04-12-2014 07:05 AM

نأتى الى الابداع فى ايجاد الحلول حيث استطاع الاخ أن moh_dunes يجد بديلا مناسبا للمساعدين الخلفى للشاريد 90 ويذكر انه قام بتركيب جوز مساعدين خلفى بتوع هيونداى اكسنت خليجى بعد أن قام بتوسيعهم شوية بساط من عند الشمعدان وهما هما بتوع الشاريد 1990 ويمكن افضل

والسؤال هو وهل يصلح هذا الحل مع المساعدين الامامى ايضا .....؟؟؟؟؟؟

**upaupa** · 04-12-2014 07:11 AM

والسؤال الاهم الان هل هناك بدائل لطلمبات الماء والبنزبن والزيت واجزاء الفرامل وغيرها من الاجزاء الحيوية المعرضة للتلف

**EngAhmedSayed** · 04-12-2014 07:38 AM

خد دى بقى
موضوع قطع الغيار كله بيركب على كله يعنى اية الكلام دة
سيادتك لما تحب تغير قطعة غيار هتلاقى عليها رقم مدموغ خد الرقم دة زى ماهو و اعمل سيرش على جوجل بالصور هتلاقى قطعة الغيار ظهرت فى الصور و هتلاقيها راكبه على عربيات تانية بس تشوفها بتركب على عربيات اية و تروح تشتريها من عند بتاع قطع الغيار
بس نصيحة و لمصلحتنا كلنا متنصنحش يعنى متعملش نفسك ناصح و خبير
و تروح تقول لبتاع قطع الغيار اصلى دى بتركب على عربية كذا و هى بتاعة كذا سيبهم على عمهم
لانى لو عرف انى قطعة الغيار دى بتركب على عربية قطع غيارها قليلة و هى بتركب على عربية متوافره و كتيرة هيغلى عليك السعر و على ناس تانية يبقى حرام عليك
طيب انا هقولكم على حاجة
انا عندى فى سكودا فابيا كنت بدور على جوان وش سليندر للموتور 1400 سى سى المهم دورت و عرفة انى جوان الفابيا هو بتاع الفليشيا 1300 سى سى هههههه ورحت جيبته 40 جنية مع العلم لما ااقيت جوان وش السليندر بتاع الفابيا كان ثمنه 150 جنية و جوان غطاء عمود التاكيهات هو هو بتاع الفليشيا 25 جنية
و لما جيت خد الجوان وش السليندر للفابيا الراجل بيقولى هو الجوان للعربية دى قولتالو لالالالالالالالالالالالال ا
انا عندى عربية تانية
ليه بقى ضحكت عليه
علشان سيادتك هيبقى عندو جوان الفليشيا كدة كدة لانه هو شغال فيها و بيبيع 40 جنية لو عرف انى دة بيركب على الفابيا لو واحد راحلو و قالو عاوز جوان الفابيا هيقولو موجود و مش هيبيعو 40 جنية هيبيعو 150 او 100 جنية يبقى انتا ظالمت ناس كتير معاك
ربك المستعان