السلام عليكم
عندي العربية فيات 132 موديل 1976 ايطالي 1800 cc
المشكلة في العربية انها طول ماهي دايرة وماشي بيها بتبقى ممتازة
بس لما تبطل لأي سبب من الاسباب بتحتاج ربع ساعة عشان تبرد وتدور من جديد
ولو وقفت في الزحمة وزادت الحرارة .... ألاقيها بطلت لوحدها وبرده تحتاج فترة عشان تبرد وتدور عادي
----------------------------------
أفيدوني أفادكم الله ... لأن خبرتي في العربيات مش كتير والامكانيات مش مستحملة حد ينصب عليا في التصليح ويغرمني كتير .... العيال أولى بالمصاريف.
راجع هلي طلمبة البنزين ....بس اخبترها مهاك في الجري اية وبتسحب كويس ولا ﻻ طلمبة البنزين لو بتودع بتبتدي البلوف تنعم واحكامها يقل ويبان دة لما العربية تسخن تلاقيها قطعت مرة واحدة والسرعات القصوي ماتجيش
البوبينه لما تسخن تبطل الموتور
راجع عليها
موبينة
هقولك فكرة جربها كنت بعملها فى عربيتي 132 موديل 78 كانت 2000 سي سي 2 كامة
تجيب فوطة صفرا وتبلها ميا باردة وتلفها على الموبينة قبل اى مشوار من المشاوير اللى ممكن العربية تسخن فيهم وتبطل وتجرب تشوف العيب هيفضل ولا لأ
كمان نضف دورة مياة الرادياتير
الموبينه بتقطع
الموبينة بتسخن وتقطع لو عايز تاكد حط ايدك عليها هتلاقيها سخنه جدا ولو عايز تدورها حط عليها فوطة مبلوله
عيب موبينه وسمعت ان فيه موبينه تقريبا روسى بتبقى احسن فى الموضوع ده
اقتباس:
المشاركة الأصلية كتبت بواسطة aliyehia
اقتباس:
المشاركة الأصلية كتبت بواسطة دكتور عمرو
اقتباس:
المشاركة الأصلية كتبت بواسطة sherif mandoor
اقتباس:
المشاركة الأصلية كتبت بواسطة aboomar22
أنا غيرت الموبينة عملاً بنصيحتكم ... والحمد لله لغاية دلوقتى مفيش مشاكل بعد تغيير الموبينة وعلى ما يبدو كان العيب منهااقتباس:
المشاركة الأصلية كتبت بواسطة amr011111
انا كنت مركب موبينة فرنساوي بتاعة بيجو طبعا ركبتها لأن العربية عطلت في مدينة قارون بالليل ومالقيت غير موبينة بيجو وقالولى انها كويسة وفعلا كان الاداء كويس لمدة عام تقريبا
حاليا ركبت موبينة انجليزي خدتها من عند محمد يوسف اللى في الدقى ب 80 جنيه وهي تقريبا اتحلت المشكلة
ادعولى ربنا يستر طريقى ويستر طريق الجميع يارب . والف شكر لكل واحد قدم نصيحة