هل تركيب 4 سماعات بدل 2 يعلي الصوت و البيز ولا حيضعف واحد فيهم؟؟

سؤال غريب انا عارف..اولا انا عندي ايه:
كورولا 2013..ركبت امبليفير سوني 350 و غيرت سماعاتها الفابريكة بسماعات بيونير 500
الصوت احسن بس البيز مش عاجبني..بصراحة نفس العدة كانت في عربيتي الرينو قبل كده صوتها احلي بس كان فيه اختلافين..متركبين علي بوردة و طبعا الهيد يونيت مختلفة بس ماظنش اختلاف كبير

المهم..في محاولة مني لتركيب السماعتين الفابريكة اضافي في اي حتة لتقوية البيز..كانت النتيجة بيز اسوأ !!

* هل تركيب 4 سماعات بدل 2 ممكن يوحش الصوت؟
* ولا السبب تركيبهم كده بدون تثبيت؟
* هل تركيب سماعتين علي بوردة حيفرق قوي عن تركيبهم في مكانهم الفابريكة؟ ؟

انت مركب السماعات البيضاوي مكان الفابريقه ب علايات ولا حفر ف الصاج !؟....طيب لو حفر فى الصاج...هل السماعات راكبة وساقطه كويس ولا لا ؟

موضوع البيز بيتظبت من الكاسيت نفسه...لو مش عاجبك بيز الكاسيت...يبقي تجيب صب ووفر على الجى ام اللى عندك والمفروض انك تعمل كده من الاول طالاما الصوت عندك نقي...بمعنى ان السماعات ال 500 ملهاش لازمه.....

اما لو ركبت 4 سماعات ورا ...فكره مش حلوه نهائي...وهتضطر تجيب جي ام 4 شانل والسروندك عندك هيبقى مش متوازن
وهتحفر كتير
اما موضوع سماعات الفبريقه ...خلاص ملهاش لازمه دلوقتى ومش هتضيفلك حاجه

الحـــــل..........اتاكدت من تركيب السماعات الخلفي جيدا عشان بتفرق فى البيز والصوت عموما....لو فيه مشكله فى التركيب روح لواحد يظبطهالك...وهو يقلك محتاج بورده ولا لا....
وبالتوفيق

ده رد عميق للغاية
بص..هي العربية فيها رف فبر مخرم..تحتيه الصاج نقطوع جاهز و مكان لتثبيت السماعات بمسامير..و هي ثابتة
السماعات و الامبليفير كانو في عربيتي الرينو اللي فاتت زي ماقلت
يفرق التثبيت بعلايات؟
و يتعمل ازاي بالظبط ؟

الصب اللي في الشنطة ده!

اصل بأحس ان صوته الناس سامعاه بره اكتر مني جوة
فيه حل تاني ؟؟
و شكراً

موضوع العلايات احنا بعيد عنه كده...طالاما السماعات راكبه كويس يبقي حاول تظبط من الكاسيت الصوت
وعلي الجي ام ...اعتقد هتسمع بيز واضح
وزي ماقلتلك...انت ممكن تجيب صب لو محتاج بيز تقيل...يبقي صب او بازوكا ايهما اريح ليك....وطبعا طالاما الصوت بيبان بره..فمابالك جوه...وبالتوفيق

ممممممم...طب مافيش صب يركب جوه..تحت الكراسي مثلا !

اقتباس:

---

المشاركة الأصلية كتبت بواسطة Hegazio

ممممممم...طب مافيش صب يركب جوه..تحت الكراسي مثلا !

---

ممكن تركب صب زي دة.. جوه الصالون ..وهو مش محتاج جي ام ولا مكان للحفر لانه فيه جي ام اصلا بلت ان

Demac Audio House: PIONEER TS-WX210A ACTIVE BUILT-IN AMPLIFIER COMPACT SUB BOX (RM$780)

دة موجود وبيتباع هنا عادي بس سعره فوق ال 1000 جنيه بشويه

وطبعا بياخد وصله من البطاريه

اقتباس:

---

المشاركة الأصلية كتبت بواسطة Hegazio

سؤال غريب انا عارف..اولا انا عندي ايه:
كورولا 2013..ركبت امبليفير سوني 350 و غيرت سماعاتها الفابريكة بسماعات بيونير 500
الصوت احسن بس البيز مش عاجبني..بصراحة نفس العدة كانت في عربيتي الرينو قبل كده صوتها احلي بس كان فيه اختلافين..متركبين علي بوردة و طبعا الهيد يونيت مختلفة بس ماظنش اختلاف كبير

المهم..في محاولة مني لتركيب السماعتين الفابريكة اضافي في اي حتة لتقوية البيز..كانت النتيجة بيز اسوأ !!

* هل تركيب 4 سماعات بدل 2 ممكن يوحش الصوت؟
* ولا السبب تركيبهم كده بدون تثبيت؟
* هل تركيب سماعتين علي بوردة حيفرق قوي عن تركيبهم في مكانهم الفابريكة؟ ؟

---

-لو تركيب صحيح بدون مشاكل في التوصيل طبعاً المفروض اداء افضل بس لو السماعات كويسة لانو سماعات كويسة + سماعات بتزنن او بايظة = صوت مش حلو ....
-تاني لو متركبين علي الفبريكة صح الفرق قليل اوي
--الحل من رأيي جيبلك كينوود دبل بيس دي 7x10 مش 6x9 زي ال500 وات اللي عندك ... انتا نفسك فبيس محترم بدون صب جربها بس تركب علي رف خشب كويس عشان متزنش مع البيس الجامد و يريت لو تعلي الجي ام و تجيب سيمفوني هيشغلها بكامل قوتها افضل من السوني

و الله انا عامل موضوع بأدور فيه فعلا علي 7 × 10 للبيع مستعملين
ﻷن حيبقي عندي الجوز الفابريكة مرميين و عليهم الجوز البيونيير مرميين..فحيبقي حرام

وليه متركبش ال 2 البايونير + ال2 الكينوود دبل بيز على بورده خشب محترمة وجي ام سيمفوني ابن ناس ؟
هتدعيلي

يااه انا معايا نفس العربية وجبت سماعتين 400 كينودد وحطتهم مكان الفابريكة
كنت فاكر اني هسمع حاجه احسن بس مفييش اي تغير والسماعات صوتها ضعييف زي الفابريكة بالظبط فطبعا لازم اجيب جي ام او اغير الكاسيت بس الجي ام ارخص بس انا جربت عليهم جي ام سيمفوني كان فيه بيز محترم بصراحه فتقريبا كده العيب من الجي ام لان علي حسب ما قريت هنا الجي امات كلها بتركز علي نقاء صوت في السماعات مش البيز الا طبعا لو ركبته علي صب
اما السيمفوني ده اهم حاجه يطلعلك بيز انما نقاء مفيش ههههههه فحاول تجربه عند حد صاحبك ولا حاجه لو عجبك ركبه
انت انقذتني بالموضوع ده دا انا كنت ناوي اجيب جي ام سوني بس شكلها كده سيمفوني وودع نقاء الصوت هههه

انا كنت فاكر الموضوع اتنسي
انا خلاص ركبت صي ووفر بازوكا علي الامبليفير السوني الرائع
و السيمفوني ده غبي..و بيطلع هوا و خروشة
و الصب الكينوود البوكس الشبه منحرف كان حلو برضه
و انصحك بيه ﻷنه بياخد حيز اقل في الشنطة
و ﻷن البازوكا بتدي بيز اقوي من المطلوب لدرجة ان تقفيل العربية بيزن و يتهز

تمام انا كنت ناوي علي التالي امبليفير سوني 1000w 4 تشانل
وهركب عليه السماعات الكينود البيضاوي وبعد كده شويه قدام اجيب صب ووفر
بس لما شفت موضوع حضرتك عن ان السماعات مع الامبليفير السوني مفهاش بيز كويس فقلت كده مفيش قدامي غير السيمفوني للاسف لاني جربته
ياريت اسم موديل الصب الكينود ده

هو مافيش غيره 1200 وات..بس فعلي تقريبا 300
و مش ضروري خالص امبليفير للسماعات البيضاوي. .الكاسيت كافي

هات امبليفير بسيط تقوم بيه الصب

بعد ماكتبت الرد لقيتك كاتب انك اشتريت بازوكا

عموما الف مبروك يا ريس