الموضوع: مشاركة بأفكاري ..... هل ظهر بديل ل Gen-2

المشاركة الأصلية كتبت بواسطة MohamedAmonem

ده ال Crash Test للبروتون و البريليانس (واجا , جالينا ) هاتشوفوا فضايح ...و اللي كان بيفكر في البريليانس يفكر تاني كان نفسي الاقي حاجة لل gen2 & el FRV

علي العموم هتعرفوا مستوي الشركتين في حكاية الامان
الواجا : http://www.youtube.com/watch?v=2tGsN...eature=related
الجالينا : http://www.youtube.com/watch?v=nzoRdDssL1w

الصراحه اتصدمت لما شوفت Brilliance..الواحد يخليه فى الجين2 احسن بقى

الف شكر ياباشا ...عالكليب الجامد

اولا احب اشكر الاخ الفاضل مزاجنجي علي طرح الموضوع دا للنقاش
في بداية الموضوع انا حقول راي الاول في البريليانس
انا في واحد زميل والدي معاه الجالينا ...... طبعاً هو عارف موضوع النجمة الواحده لل Crash Test و خلافه و لكن لو تشوفه العربية دي مستحمله ايه مش ممكن تتخيلوا
اولاً العربية علي الرغم ما انها واطية علي الارض الي ان العفشة بتاعتها فعلاً بتتحمل حاجات غريبة جداً ( خصوصاً ان الراجل دا سواقته عنيفه جداً جداً ) دا بالنسبة للعفشة
ثانيأُ بالنسبة للموتور طبعاً زي منتوا عارفين انها موتور جالنت 2000 - 129 BHP انا عايز اقولوكم ان العربية دي في كل طلعه بتحرق علي الغيار لغايت 6 RPM و دا نتيجة السواقه العنيفة زي ما فولت ليكم ......
ملحوظة
العربية دي معاه من اول دفعه نزلتها البفارية في مصر و الاستخدام الخاص بالسيارة كله في العمل اليومي و مسافات طويلة فعلاً مثال من العبور الي شبرا(الخيمة) - من العبور الي الاسكندرية و هكذا .....
الي انا عايز اوضحه بالنسبة للعربية انها يتم فيها لحد الان الصيانة القياسية الافتراضية و تغير الاشياء الاعتيادية مثل الفلتر و التيل و خلافه
شي اخر هذا الشخص يملك BMW E60\E61 530 Sport Package 2007 و هو من هواه ال BM و لكن سبب هذه السيارة انها تستحمل البهدله و هي فعلاً كدا العربية يا جماعة بجد بتشوف حاجات غريبة و بتستحمل كل الاجواء و حتي الدائري و جماله
في نهاية الامر احب ان اوضح ان البريليانس فعلاً من السيارات الصينية المحترمه في الموتور و العفشة و لكن مستوي الامن يعتبر قليل شوية ........بس في حاجة انا عايز اخد رأكيم فيها احنا لو اتكلمنا علي مواصفات الامن لعربية زي السيراتو او الالنترا او حتي الانسر هل حتلاقوا التوكيل بينزل العربيات دي زي ما هي موجود في اوروبا و امريكا و بنفس مواصفات الامن ؟؟؟؟؟؟
و انا شايف ان FRV حتعمل شغل جميل في السوق المصري بسبب السعر المتاسب و الامكانيات
ـــــــــــــــــــــــــ ــــــــــــــــــــــــ
بالنسبة للجين 2 او البروتون عمتاً طبعاً العربية اول ما ظهرت اكيد كانت الناس خيفه منها و اكيد لما جربتها الوضع اتغير و لكن انا شايف ان الميزان في الموضوع دا هو المستهلك علي اساس الي يقدر يدفع 70 الف ممكن ميأدرش يدفع 90 و هكذا
فانا شايف ان المستهلك هو الي حيقرر من التوكيل او ممكن التوكيل يحدد عن طريق خدمات ما بعد و هنا تكون المنافسة بين السيارات و بعضها
و انا لي رأي لولا اختلاف الاراء لبارت السلع
و شكر خاص للاخ مزاجنجي
و اسف للاطالة

المشاركة الأصلية كتبت بواسطة mazagnge

يا صباح الفل يا عم اسلام

هي يمكن المشكة دائماً في قبول الجديد يعني مثلا

شوف اغلب الاعضاء قبل ما يبقوا من ميريدى الجين 2 و اللي بيدفعوا عنها كانوا في بدايات تعرفهم بها قلقين .... اية ماليزى دة ، هي ماليزيا بتصنع عربيات هى مش بتاع زيت اكل بس ..... و كلام من دة .
و زمان اول ما العربيات الياباني نزلت الاسواق ..... اية اليابانى دة ، هما مش دول بتوع الكاسيتات و المراوح ، ......... الاسد الفرنساوي يكسب ، لا صوت يعلوا فوق صوت البيجو .........

الرفض اذا كان نابع من ان السيارة صينية فقط .... فأعــتقد ان يكون رد متحيز قليلاً .

و إذا كان علي الشركة المصنعه فمن منا لا يرغب في قيادة سيارة جالينا او اسبليندر من انتاج مصانع بريلينس .

و إذا كان علي السعر .... كلنا نعرف ان التوكيلات اليابانية و غيرها في مصر يربح فوق 18 % من ثمن السيارة .... و الامر المؤسف انهم يرفعون الاسعار في ضوء خفض الشركات العالمية للاسعار ، فيأخذون ربح تخفيض من الخارج فى السعر ، وربح زيادة الاسعار من الداخل .... و للاسف يبدوا ان عز العرب يبشر بالتوجة نحو هذا المسار

..... ياشباب احنا بندردش مع بعض هنا عن ظهور منافس قوي ل الجين .... هل لو استمر توكيل عز العرب بسياسة عدم الوضوح في الاسعار و المعلومات و الامكانايات و.... هل سيستمر في المنافسة ، ام سيمل الناس و يهربوا بأموالهم من امام هذا الغموض و اللاوضوح

صباااااااااااااحو ورد اسلام

أن أن تش تش ، مزوج يخون الجين2 " بطولة ناجي مزاجنجي "

اوعى البحر يا مزوج ، حاسب لا تغرج يا ولد ...

هي الماليزي لسه عيوبها خلصت ... عشان تروح للصيني يا مزوج ... ميغركش الشكل .. ياما لعب صيني شكلها حلو ومتكملش حتى لحد الحجر ما يخلص .. اينعم يمكن سيف ابني بيتعامل معاها بعنف زي مابيتعامل معايا ... لكن طبعا انت فاهم قصدي .. العربيات دي المفروض يشتروها الناس اللي معاهم فلوس كتير ومش فارقه معاهم ... طبعا هتقولي ازاي ... اقولك ان لما العربيه تخرف بعد سنه ولا اتنين على احسن الفروض مش هيوجعهم تمنها ... وغالبا هتكون هدية عيد ميلاد مثلا ولا حاجه ..

خليك في الجين او البيرسونا يا مزوج .... او فكر في الأحسن ... لكن انت كده الشيطان بيلعب في دماغك ... ومحتاج كونتينر نسكافيه عشن تعدل الطاسه

انا موش هاقدر ارد فى الموضوع ده غير لما اشوف العربية نفسها
بس عموما بريليانس اخدت سمعة طيبة و عملت انتشار كويس و اكيد موش من فراغ
وبروتون طبعا بالنسبة للاخوة الكرام غنية عن التعريف
بس لو مواصفات بالسعر ده و العربية طلعت طويسة نضيف لكده توكيل كبير زيى البافارية يبقى كفة البريلينس ترجح موش امام بروتون بس ده عربيات كتير هاتتفوق عليها .