بعد عناء يومى من الدخنة الصباحية , قررت ان اخوض التجربة.
تجربة حل وش السلندر وتغيير جلد الصبابات اللى مجننى وكانت التكلفة كالاتى
1- طقم جلد صباب لانوس gm من عند ابو الحسن 50ج
2- جوان فرن 15 ج
3- اويل سيل كامة علشان كان بايظ 15 ج
احلى ما فى الموضوع بقى ان الميكانيكى لم الدنيا ومرديش يعمل روديه ولا خراطة وقال طالما العربية كانت مضبوطة مش بترعش يبقى لا داعى لعمل روديه او خراطة مما قلل التكلفة الى حد كبير
واخيرا الميكانيكى خد 200 ج مصنعية
النتيجة كانت 100% الحمد لله والدخان راح خالص لا الصبح ولا بعد الركنة لعدة ساعات
ملحوظة بقى مهمة للناس اللى بترفض موضوع الميه الخضرا
لما اشتريت العربية من 5 سنين وكان المالك السابق بيحط ميه عادية مش عاوز اقولكم بقى الصداء كان عامل ازاى وده خلها وقتها جابت جوان وش سلندر بس الحمد لله وانا بحل دلوقتى وبعد 5 سنوات من الميه الخضراء ,, اختلف الوضع فلا يوجد اى صداء فى الدورة والعملية نظيفة زى الفل.