عاوز نصيحة بخصوص تغيير كاوتش فيرنا

**fedozzz** · 04-12-2014 09:14 AM

سلام عليكوا يا رجالة... طبعا انتوا حفظتوا عربيتى فيرنا اوتوماتيك 2012... ظهرت عندى حدفة فى الدركسيون يمين رحت كشفت على الزوايا عند اشرفكو مدينة نصر (ناس نضيفة جدا و جهازهم هنتر جديد )
المهم قالى دية مشكلة فى الكاوتش عشان الاستبن نزل قدام فى الشمال و الباقى قديم و قالى نصيحة غير الكاوتش عشان هو كدة عامل 35 الف كم . النصيحة دية كان قالهالى ا/ احمد عاطف من المنتدى اول ما جبت العربية بس قلت استنى لللصيف.

هل اغير الكاوتش و لا ارجع الاستبن ورة و يحل مشكلة الحدفة؟خصوصا ان الكاوتش اللاسا بتاع الفبريكة اسمع انة يقعد اكتر من 40 الف و هو كدة

و لو هغير الكاوتش اجيب اية و منين؟؟ ارجوكوا لا تبخلوا بالردود عشان كلة الا الكاوتش و الفرامل طبعا

**Shido** · 04-12-2014 09:42 AM

رايي يا باشا لو الكاوتش مش منمل من الجوانب ونقشته لسه معقوله ومش بيزحلق العربيه في الفرامل و مافيش بلالين ولا لحامات كتير اتوكل علي الله وكمل بيه شويه وغيره في دخله الصيف قبل السفر بقي

**fedozzz** · 04-12-2014 11:06 AM

المشاركة الأصلية كتبت بواسطة shido

رايي يا باشا لو الكاوتش مش منمل من الجوانب ونقشته لسه معقوله ومش بيزحلق العربيه في الفرامل و مافيش بلالين ولا لحامات كتير اتوكل علي الله وكمل بيه شويه وغيره في دخله الصيف قبل السفر بقي

و الحدفة اليمين اللى فى الدركسيون دية.. ارجع العجلة الجديدة وراة بدل قدام؟؟

**ramy_shousha** · 04-12-2014 11:10 AM

بسم الله الرحمن الرحيم
متهيألى أشرفكوا هيبقى إختيار كويس إنك تغير الكاوتش عندهم
أو ممكن تبص على موقع Fix & Fit
Fit & Fix

هتختار المقاس بتاعك وهيقولك الأنواع الموجودة بسعرها
وأغلب نوع متهيألى هيبقى بريدجستون

وممكن تراجع المواضيع القديمة فى المنتدى هنا
http://www.nilemotors.net/Nile/361507-a.html

http://www.nilemotors.net/Nile/345295-14.html

وإن شاء الله تلاقى المناسب ليك - ومبروك الكاوتش الجديد مقدماً وهحصلك قريب إن شاء الله

**fedozzz** · 04-12-2014 01:15 PM

المشاركة الأصلية كتبت بواسطة ramy_shousha

بسم الله الرحمن الرحيم
متهيألى أشرفكوا هيبقى إختيار كويس إنك تغير الكاوتش عندهم
أو ممكن تبص على موقع Fix & Fit
Fit & Fix

هتختار المقاس بتاعك وهيقولك الأنواع الموجودة بسعرها
وأغلب نوع متهيألى هيبقى بريدجستون

وممكن تراجع المواضيع القديمة فى المنتدى هنا
http://www.nilemotors.net/Nile/361507-a.html

http://www.nilemotors.net/Nile/345295-14.html

وإن شاء الله تلاقى المناسب ليك - ومبروك الكاوتش الجديد مقدماً وهحصلك قريب إن شاء الله

شكرا يا ريس على الرد.. مقاس الكاوتش المناسب هو الفبريكة 14/60/185 و لو نويت اجيب هشوف بين bridgestone ar20 او Hankok K424 و هركبهم عند fix & fit بس سؤالى هل لو رجعت العجلة الجديدة ورا هتعالج الحدفة اليمين؟؟؟؟

**atef_5005** · 04-12-2014 03:56 PM

ازيك يا باشا ؟؟
ممكن تغير بس الفردتين اللي قدام و تخلي احسن فردتين من القديم ورا
بس خد بالك في معلومه خاطئه الناس بتقع فيها
لو الكاوتش اللي ورا مش مظبوط علي سرعه عاليه العربيه ممكن تعوم منك
و لو اللي قدام فرقع خطر جدا
حاول تغير بس اللي قدام دلوقتي و اللي ورا خليه للصيف عشان السفر

**fedozzz** · 04-12-2014 06:51 PM

المشاركة الأصلية كتبت بواسطة atef_5005

ازيك يا باشا ؟؟
ممكن تغير بس الفردتين اللي قدام و تخلي احسن فردتين من القديم ورا
بس خد بالك في معلومه خاطئه الناس بتقع فيها
لو الكاوتش اللي ورا مش مظبوط علي سرعه عاليه العربيه ممكن تعوم منك
و لو اللي قدام فرقع خطر جدا
حاول تغير بس اللي قدام دلوقتي و اللي ورا خليه للصيف عشان السفر

انا تمام يا كبير اتمنى تكون فى احسن حال و مننحرمش من نصايحك بس انا الكاوتش اتمشى علية 35 الف بس المشكلة عندى فى الحدفة انا سالت فقلولى رجع العجلة الجديدة اللى قدام ورا عشان هى اللى عاملة الدفة دية و استنى للصيف و اغير كلة يكون ناقشة واحدة .. هجرب ابدل الكاوتش و هقول هل المشكلة اتحلت و لا لا

**badraboulel** · 04-12-2014 09:43 PM

الباش مهندس هانى سلامى لحضرتك
ارجوا اكون خفيف عليك فى طلبى
انا عضو بالمنتدى ومعايا عربية من الزيرو فيرنا2012 غاز وعايز اتعامل مع حضرتك بس عايز اعرف التخصصات الى فى المركز لأنى عامل اغلبية الصيانات بره قبل ما اعرف المركز وكنت عايز اغير زيت وفلتر وأكشف على السيارة كشف عام من بعض السلبيات الى شايفها او حاسس بيها فى العربية ومفيش حد بيقنعنى بحلها وأنا كنت مسافر بره فاللأسف اتعودت على المكان الواحد الى بيعمل كل حاجه وانا عامل جدول بالصيانات ومواعيدها من حيث الوقت والكيلو متر بس مش مقتنع بحالة العربية وكنت بتعامل مع مركز اسمه سبيدى هو محترم وله اكتر من فرع (نادى هليوبلس - جسر السويس)بس مش عارف اوصل بان اكون مقتنع بحالة العربية من مكانيكا او كهربا او عفشة او صوت العربية حتى بخلاف انه غالى شوية.
فاتمنى ان اعرف التخصصات والمواعيد والعنوان
ولك جزيل الشكر