مستلم حالا أيمجراند 7

**hamadaport** · 04-12-2014 01:29 PM

انا لسه مستلم الايمجراند 2015 لاحظت ان صوت علية الشكمان فى التزويدة الاولى عالى والتكييف ضعيف فى الفريون وبتحك من الخلف فى المطبات الصناعية مع انى مش مركب حد معايا طيب امال لو فيه حمولة معايا هعمل ايه وبعدين لاحظت الزجاج الامامى بيعبى بخار ماء ذى مايكون مشبر من الداخل طبعا وكنت عايز اسأل فى ذراع المفاتيح فيه علامة الاتوماتيك على المفتاح فايدته ايه ... وفيه حاجة مهمة لاحظت لما البواب شطف العربية وبعد مانشفها الزجاج الى جنبى بتفضل فيه الماية لما نزلته وطلعته كذا مرة وفى كل مرة انشفه الاقيه لسه فيه ماية ..لو حد يقدر يفدنى اكون شاكر جدا.

**ahmedsrs** · 04-12-2014 05:19 PM

مبروك العربية ودي كلها حاجات بسيطة

**ARKOON** · 04-12-2014 06:07 PM

الف مبروك وربنا يباركلك في العربية وموضوع المية دا عادي بس بعد ما تحولش تفتح الزجاج بعد الغسيل على طول خليه ينشف لوحده وكل الحاجات التانية مع اول صيانة بتتعمل واكتب كل ملاحظاتك في ورقة وسلمها لهم في الصيانة وهما هيقوموا باللازم . مبروك مرة تانية العربية : ) تحياتي .

**midooo_119** · 04-12-2014 08:02 PM

المشاركة الأصلية كتبت بواسطة hamadaport

انا لسه مستلم الايمجراند 2015 لاحظت ان صوت علية الشكمان فى التزويدة الاولى عالى والتكييف ضعيف فى الفريون وبتحك من الخلف فى المطبات الصناعية مع انى مش مركب حد معايا طيب امال لو فيه حمولة معايا هعمل ايه وبعدين لاحظت الزجاج الامامى بيعبى بخار ماء ذى مايكون مشبر من الداخل طبعا وكنت عايز اسأل فى ذراع المفاتيح فيه علامة الاتوماتيك على المفتاح فايدته ايه ... وفيه حاجة مهمة لاحظت لما البواب شطف العربية وبعد مانشفها الزجاج الى جنبى بتفضل فيه الماية لما نزلته وطلعته كذا مرة وفى كل مرة انشفه الاقيه لسه فيه ماية ..لو حد يقدر يفدنى اكون شاكر جدا.

بالنسبه للعلبه ده صوتها الطبيعى..والعربيه بتحك فالمطبات الى هى جبال مش العادية..التكييف تعمله فالصيانه لان عليه ضمان...موضوع المياه عالازاز ده طبيعى وماتفتحوش لما تكون لسه غاسلها غير لما تنشف..ذراع الاتوماتيك ده لما تشغله النور بيشتغل اتوماتيك فالظلمه وفالنور بيطفى لوحده

**Delli7** · 05-12-2014 01:22 PM

المشاركة الأصلية كتبت بواسطة hamadaport

شكرا على كل من حاولوا يساعدونى وانا احساسى ان العربية كويسة والله بس هى مشكلة التقفيل مش اكتر بس برضه مش عارف ليه الزجاج الامامى دايما مشبر من الداخل وبيروح لما بشغل التكييف الى هو اصلا ضعيف

السلام عليكم,

مشكلة الشبورة علي الزجاج الامامي من الداخل,
حصلت معايا مرة, كان الجو برد و معايا 2 في العربية, النفس بيبقي دافي و الجو برد
فبتبقي حاجة طبيعية انه يعمل شبورة علي الزجاج من جوة
حلها اني فتحت الشباكين الأماميين حاجة بسيطة جدا يادوب تجدد الهوا و تخرج النفس من جوة العربية (نفس اللي حصل بالظبط لما انت شغلت التكييف)

**ARKOON** · 05-12-2014 05:17 PM

دايما تأكد من عمل التكيف بشكل صحيح لان التكييف في اختيارات زي الشبورة هتحس ان التكيف مش شغال حتى لو على درجة 4 لازم تتأكد ان اختيارات التكيف كلها مظبوطة : )