الكورسات المعتمدة والرخص الدولية والشهادات والكارنيهات الدولية والجامعات الأمريكية !!

**Mahmoud Naguib** · 04-12-2014 01:30 PM

طبعا إحنا ف الفترة الأخيرة دي سمعنا كتيييييييييييييييير عن كورسات ودبلومات ف مراز ومؤسسات مصرية معتمدة دوليا وبتدي شهادات دولية وكلام من ده !!

طبعا من كترهم والشهادات اللي بيقدموها بالكوم الواحد بقى يقلق منهم ويحس إن دي كلها إفتكاسات !!

فياريت لو حد عنده خبرة ف الموضوعات دي يفيدنا بيها وهل الكورسات والدبلومات دي بتفيد بعد كدة وهل إستفدت بالمحتوى اللي درسته !!؟؟؟

الشق التاني من الموضوع خاص بيا
وهو إني حابب أدخل ف مجال التسويق العقاري وكدة فبحثت عن دبلومات خاصة بيه ولقيت الدبلومة دي

..................................
الرخصة الدولية لمستشاري التسويق العقاري

"احترف أهم فنون ومهارات التسويق العقاري الحديثة "
احصل على 10 شهادات دولية + 2 كارنية

محاور الدراسة :
- القيادة ومهارات إدارة المبيعات والتسويق العقاري.
- مهارات البيع والتسويق العقاري الحديثة.
- الأنواع المختلفة لإتمام عملية التفاوض البيعي في سوق العقارات
- كيفية مواجهة التحديات العقارية في مصر لتحقيق أعلى نسب مبيعات فى سوق العقارات.
- استخدام طرق المبيعات الحديثة لتحقيق مبيعات دولية في اقل وقت ممكن .
- كيف تصبح مسوق عقاري ناجح من خلال شبكة الانترنت.

يحصل المشارك من:
1- جامعة نيفادا الامريكية
• يحصل الدارس على شهادة بإجتياز الدبلومة
•كارنيه الطالب الدولي .
( الشهادات موثقة من الخارجية المصرية بعد سداد الرسوم )

2- الإتحاد الأمريكي لإدارة الأعمال .
• شهادة عضوية بالإتحاد .
• كارنية الرخصة الدولية للتسويق .

3- أكاديمية الجامعة العربية (الوكيل المعتمد لجامعة عين شمس)
• شهادة إجتياز دبلومة التسويق العقاري.
• شهادة إجتياز ورشة عمل دبلومة التسويق العقاري.

4- مركز التدريب والإستشارات بالمؤسسة الدولية للخدمات التعليمية والإشراف على جودة التعليم :
• شهادة إجتياز الدبلومة بعدد الساعات المعتمدة .
• شهادة إجتياز ورشة عمل دبلومة التسويق العقاري.
..............................

ودي سعرها 1750 جنيه والمؤسسة اللي بتدرسها اسمها المؤسسة الدولية للخدمات التعليمية

ياريت لو حد يفيدني ف الكلام ده وهل هي تستاهل سعرها ؟؟

أخيرا

طبعا ممكن في ناس يبقى ليها تجارب كويسة ف مراكز بتدي دبلومات وكورسات معتمدة
ياريت أي حد له أي تجربة كويسة أو سيئة يفيدنا بيها ؟؟؟ ........

**Mahmoud Naguib** · 04-12-2014 08:30 PM

يعني فوق ال200 مشاهدة ومفيش ولآ أي إفادة من أي حد !!
للدرجة دي بقينا نحسب الكلمة !!!!

طب والله عيب علينا

**Ahmedmiy** · 04-12-2014 09:05 PM

بسم الله الرحمن الرحيم
الحمد لله والصلاة والسلام على رسول الله نبينا محمد خير خلق الله

يا استاذ محمود حضرتك مجاوب على اول سؤال من كلامك كل الكورسات والدورات قلت انها كلها افتكاسات
والسوال التانى بتاع التسويق العقارى طيب فين العقارات الى حتسوقها علشان تدرس دورة تسويق عقارى الموضوع كله بدون اى دراسة هو شغل السمسار المتعارف عليه وده له مؤهلات محددة هى الفهلوة وتفتيح المخ زى كل الشغل سواء معاك دورات أو دراسات أو ممعكش
طيب نروح بعيد ليه الناس الى المفروض معها بكالوريوس أو ماجستير أو دراسات عليا أو دكتوراه فى الطب أو الهندسة أهم مؤهلات ليهم الان تفتيح المخ واحتراف التجارة باى حاجة موجوده معاه وورقه تقول انه خارج من كليه مش مهم هو فهم حاجة ولا لا وكده يشتغل والقطاع الخاص لو ملقاش فيك موهلات السوق بيرفض يشغلك حتى لو انت كنت انسان محترم وفهمت حاجة من الدراسة بتاعتك بيقول عليك ده حيعمل فيها شريف وحيجب لنا مشاكل ومش هيعرف يبيع او يسوق حاجة أو مش هيعرف يخلص الشغل دقق كده فى الاغلبية من الدكاتره أو المهندسين وطبعا كل المجالات بس دول علشان المفروض أنهم اعلى درجات علمية تخيل
وبعدين العرض بتاع مؤسسة الخدمات ده زى عروض كله ب 2.5 احصل على عشر شهادات دولية + 2 كارنيه حاجة تضحك جدا
سامحني على الرد بس انت كنت متضايق علشان محدش رد
على كل حال اذا اشتغلت فى موضوع التسويق العقارى حقولك سر النجاح فيه أو فى غيره حضرتك خليك صادق مع الناس باى حال من الاحوال مهما حدث علشان كل الناس عارفه انها بتكذب على بعض فى البيع والشراء وتلبيس بعض اى حاجة وحشه بالخداع ولما الناس بتعرف واحد صادق ومبيحاولش يغشهم بيرجعوا يتعاملوا معاه تانى وبكده حتكون مميز فى شغلك وتكسب كتير إن شاء الله والاهم من كل ده أنك مش حتكذب والبركة والخير حيكون معاك ان شاء الله

سبحان الله وبحمده سبحان الله العظيم

**Ahmedmiy** · 04-12-2014 09:17 PM

بسم الله الرحمن الرحيم

يحكى أن فتاة اسمها سناء حاصلة على بكالوريوس تجارة 1998

ظلت لعدة سنوات تبحث عن عمل دون جدوى

فأشار عليها أحد أقاربها بالذهاب معه لمقابلة مسئول يعمل بحديقة الحيوان ليسأله عن عمل مناسب لها
فاعتذر لهم المسئول

ولكنه بعد تفكير قال لسناء أن زوجة الأسد ماتت وأن الحديقة لن تأتى بأخرى الا بعد شهور بسبب الإجراءات الروتينية

وعرض عليها أن ترتدي جلد زوجة الأسد وتجلس في القفص مكانها يوميا من الساعة الـ 9صباحا حتى الساعة الـ 2 ظهرا لقاء مرتب جيد

وطمأنها أن الأسد في قفص ملاصق لها وان بينهما باب مغلق
وظلت سناء على هذا الوضع لمدة شهر حتى حدثت الواقعة
حينما نسى الحارس في أحد الأيام إغلاق الباب الذي يفصلها عن الأسد

فدخل إليها الأسد محاولا التحرش بها ههههههههه

فأخذت تصرخ مستغيثة بأنها سناء إبراهيم.... بكالوريوس تجارة 98

وكانت المفاجأة أن الأسد رد عليها بأنه : أحمد محروس... بكالوريوس هندسة 95

والله يا اخى رحت دورت عليها علشان نفرفش
تحياتى لك ولجميع الاعضاء الكرام الاحباب

سبحان الله وبحمده سبحان الله العظيم

الموضوع: الكورسات المعتمدة والرخص الدولية والشهادات والكارنيهات الدولية والجامعات الأمريكية !!

LinkBack

أدوات الموضوع

عرض

المواضيع المتشابهه

الرخصة الدولية

الكلمات الدلالية لهذا الموضوع

المفضلات

المفضلات

ضوابط المشاركة