انت مشفتش منظر الحيطه من اثار العربيات ده الحيطه بتاعت الجراج عليها الوان عربيات كتير بجد هو جراج غبى اوى فى مطالعه اللى عمل جراج ده اغبى مهندس فى مصر
عرض للطباعة
انت مشفتش منظر الحيطه من اثار العربيات ده الحيطه بتاعت الجراج عليها الوان عربيات كتير بجد هو جراج غبى اوى فى مطالعه اللى عمل جراج ده اغبى مهندس فى مصر
امال لو شفتو جراج اركاديا مول اللي على الكورنيش؟ :)
واحده واحده هتلاقى نفسك بتدخل وتخرج وتركن كمان فى الباركينج الغبى ده وانت مغمض اسالنى انا , انا كنت قاعد جنب جوز اختى وهو بيعملنى ازاى اركن واحترافيات السواقه كنت مبهور وكنت بحاول لغايه ما الحمد لله بقيت ميه ميه
المره الاول خوفت ان شاء الله المره الجايه مش هتخاف خالص وبعد كده هتعود عليه
بس عموما الجراج بتاع سيتى ستارز لازم تاخد بالك فى الملفات والمطالع والمنازل حتى لو انت سواق بريمو
كمان لو شوفت الملفات بتاعت المنازل هتلاقى كل الناس حكه فيها لدرجه انهم حطوا صدادت خشب على الخيطه
هوه الجراج تصميم المداخل والمخارج بتاعه وحش بس ان جيت للحق هوه شايل كميه رهيبه من العربيات
الف مبروك ياباشا انت نجحت في الاختبار الصعب
بس عدي ليك نصيحة
لو انت في مطلع جامد زي دة و حاسس انك هتخبط في اللي وراك ممكن تشد فرامل اليد و لما تيجي تطلع تدوس بنزين تحس ان العربية بتبدأ تتحرك تقوم منزل اليد و تكمل طلوع و هكذا
و المشكلة دة بتكون مجودة في العربيات الكربراتير عشان البنزين مش بيجمع علطول
انتا عربيتك اكيد كبيره انا معايا الافيو و بطلع وبنزل بسهوله
و لما بكون بالتويوتا كورولا ربنا ما يوريك بحس اني لازم اخبط الحيطه مع اني حريف سواقه غرز و ركن فقط سنتين خبره في الشوارع المصريه
الف حمد الله ع السلامة وان شاء الله كفارة
انا كل ما بدخل الجراج ده بفتكر قصيدة الشاعر المخضرم عادل امام الي مطلعها بيقول : الحلزونة ياما الحلزونة ..
الاخوة والاخوات الاعضاء اليكم البيان التالىواخير نقول انا لله وانا اليه راجعون وحسبنا الله ونعم الوكيل
القاهرة فى تمام الساعة الرابعة الا خمس دقائق بتوقيت المطرية
ايها السادة بعد ان استطاع العضو مصراوى المستجد فى قيادة السيارات من تحقيق معجزة نادرة فى عالم القيادة وهو اجتياز مطالع ومنازل جراج ستى ستارز الامس الموافق اخر اكتوبر حدث له اليوم الاول من نوفمبر فى تمام الساعة الرابعة الا خمس دقائق بتوقيت المطرية حادثة دنئية اشتركت فيها سيارة تريلا سوداء وعربية كارو محملة بثمار الجوافة والبرتقال ابو صرة .
حيث كان العضو مصرواى يسير بمركبته الدوجان فى اتجاهه الى شارع سليم الاول وفوجئ حين سيره تحت كوبرى المطرية بسيارة تريلا ضخمة سوداء تهجم عليه واخذت طريقها يسار العضو مصراوى ولكن العضو مصرواى احس بالخطر والخيانة من سائق التريلا وانه سوف يحدف عليه قليلا فقرر مصرواى ان يميل ناحية العربة الكارو لان حمار الكارو سوف يكون ارحم عليه من حمار التريلا
ولكنه فوجئ بعد ذلك ان قائم من قوائم السيارة الكارو الخشب قد احدثت احتجاك شديد جدا فى رفرف السيارة الايمن مما نتج عنه تطبيقة لجزء من الرفرف والى مسح نصف سوكة الباب الايمن بجوار السائق مع تجريح ظاهر فى اللون
هذا ونهيب بالسادة الاعضاء الى عمل حملة واسعة المدى ضد عربات التريلا التى مصرح لها ان تسير فقط فى اوقات ما بعد الثانية عشر صباحا وحتى الثامنة صباحا
بوص يا باشا انت حاول تتعلم انك توازن الدبرياج والبنزين بحيث ان العربية توقف من غير متدوس فرامل وبالطريقة دية تستغنى عن الفرامل وحتبقى مريحة ليك والعربية مش حتسيب منك انا دايما بستخدم الحركة دية فى المطالع الصعبة وفى الزحمة