السادة ملاك الجين 2 الافاضل :
السلام عليكم ورحمة الله
انشاءالله مقبل على شراء عربية اوتوماتيك فى رينج 115000 , وانا من زمان عاجبانى الجين 2, انتوا بقى ك ملاك للعربية تنصحونى بيها ؟ وايه ابرز عيوبها ؟ وسعرها كام دلوقتى ؟ و ايه الاوبشنز اللى فيها ؟
عرض للطباعة
السادة ملاك الجين 2 الافاضل :
السلام عليكم ورحمة الله
انشاءالله مقبل على شراء عربية اوتوماتيك فى رينج 115000 , وانا من زمان عاجبانى الجين 2, انتوا بقى ك ملاك للعربية تنصحونى بيها ؟ وايه ابرز عيوبها ؟ وسعرها كام دلوقتى ؟ و ايه الاوبشنز اللى فيها ؟
و عليكم السلام و رحمة الله و بركاته
انا هقول علي عيوبها و مميزاتها و في المقارنة هقارن بينها و بين عربيتي الفيكترا
العيوب
1.الخامات مش كويسة قوي بالنسبة للتابلوه و التقفيل مش تحفة بس هو اتحسن عموما
2.صوت الموتور عالي سنة علي rpm عالي
3.الباور تقيل لو متعود علب باور كهرباء و هو حتي تقيل بالنسبة للاوبل بس بصراحة علي سرعات عالية بكون مطمن لباور البروتون اكتر من الاوبل لانه خفيف اوي بس مع الوقت هتتعود عليه،انا دلوقتي بلفه بإيد واحدة
4.في عيوب تقفيل زي لمبة تعلق و حاجات بسيطة هتتحل مع اول صيانة ده لو هي موجودة
5.الكنبة ضيقة بالنسبة للجين 2 و الكراسي ناشفة بالنسبة للبيرسونا بس هما اريح من الاوبل
6.الدهان ضعيف و دي حاجة مشتركة مع الاوبل و شيفروليه و عربيات تانية
7.مشوار الفرامل طويل(لو متعود علي نظام الفرامل ده مش مشكلة بالنسبالك لو مش متعود علي عربيات مشوار الفرامل بتاعها طويل هتبقي مشكلة لحد ما تتعود عليها)
8.التوكيل وحش من ناحية خدخة ما بعد البيع يعني بالنسبة لمنصور عز العرب توكيل كويس اوي، بالنسبة لتوكيلات زي رينو هيبقي زي الزفت
المميزات
1.تسارع ممتاز
2.ثبات ممتاز (هي و الاوبل زي بعض عن تجربة)
3.تكييف قوي و احسن من الاوبل بكتير
4.فرامل قوية بشرط التعود علي طول مشوار الدواسة
5.شنطة معقولة بالنسبة لحجمها
انا قاصد اركز علي العيوب اكتر
و انصحك تجربها الاول عند عزالعرب تقريبا لسة عندهم تست درايف فتقدر تجربها و تقرر
لو استقريت علي بروتون انصحك تشوف البيرسونا لانها اوسع في الكنبة و الشنطة و فيها كماليات اكتر زي مثبت سرعة في الاوتو و عتب جانبي و مرايات جانبية اكبر و الإشارات في المرايات مش في الرفرف
انا ليا راى ..... بروتون يعنى جين2
وهتبقى مبسووط جدا مع سيارة ولا اروع
ال جين2 واقفة فى طابوور الكبار
ملاءمة جدا لشوارعنا وحوارينا واقاليمنا
المتعة/الثبات/القوة/النعومة/الانسيابية/شبابية ورياضية/شنطتها واسعة ولا السيدان
هى البديل المقنع جدا بالنسبة لى عن الهوندا السيفك
كبرستيج
وشياكة
والاهم الاداء
باختصار هى
طمانينة المرسيدس فى السفر ... وقوة الاودى فى الجرى ... وعفشة اللوتس فى الثبات
انصحك بيها و بشده ، عربيه ممتازه من ناحيه الاداء و الامان و الشياكه و الشبابيه
اتكل علي الله
انا لسة جايبها موديل 2014 منها با114 .. مشكلتها الوحيدة بالنسبة ليا هيا صوت الكاسيت والسماعات مش عاجبني بالنسبة للواجا اللي كانت معايا
هو ايه الكروز كنترول ،هل هو مثبت السرعه ولا حاجه تانيه
ياه ... طب ده من أحلى الحاجات اللى دايما بقول عليها في البيرسونا هو نظام الصوت فيها إنه قوي جدا وسماعات ممتازة وبيرز عالي من غير جي إم ولا حاجة
أنا ماركبتش الواجا وماسمعتش بتاع الجين كثير ... بس معتقد بتاع البيرسونا ممتاز على كدة ... ولا بتاع البيرسونا غير بتاع الجين ... أعتقد الإثنين واحد من بعد 2012
ألف مبروك عليك ربنا يباركلك فيها ويرزقك خيرها ويحفظك من شرها يارب