-
ايهما افضل
سؤال واعذرونى على كثرة اسئلتى بس خبرتى قليلة ولسة جديد لقيت فى كتالوج العربية عن زيت الماتور مكتوب فى الحرارة زى الى فى مصر40 _SAE 20W or 15W المهم دلوقتى انا لما اجى اجيب احسن ايه الرقم الى مسموح فيه بالتغيير علشان اجيب زيت حلو
سؤال تانى مكتوب بردوا انه ممكن يتجاب ليه CC اقدر اجيب احسن منه ولا مينفعش يعنى اجيب زى Cf وشكرا
-
ما أعتقدش إن ال20W-40 موجود في السوق.. أنا بصراحة ما شوفتوش
إنما ممكن تلاقي 15w-40 بسهولة
كود CC أو CF في الAPI مخصصة لمواتير الديزل فقط ... دور كويس في الكتالوج وشوف كود بحرف S
زي SG أو SH مثلا
ولما تشتري الزيت لازم يكون مكتوب عليه كود الAPI بحرف S أو بحرف S و C
لو ما لقيتش كود الS ما تشتريهوش
ارجع للموضوع ده لو محتاج معلومات اكتر.. وتحديدا المشاركة رقم 3
http://www.nilemotors.net/Nile/341680-a.html
-
طب سؤال لقيت لو حطيت 15w_50 او 20w_50 هيبقى مناسب للعربية ولا الافضل التزم بالاى فى الكتالوج ولو كان عادى فايهما افضل ال 20w_50 او 15w_50 وشكرا
-
الأفضل هو الالتزام بالكتالوج
صحيح اللزوجة الأعلى ممكن تكون أفضل من ناحية تكوين طبقة زيت أقوى.. بس سرعة سريان الزيت جوه الموتور هتبقى أبطأ.. ودي مشكلة أكبر.
من ناحيتي.. ما أنصحش بتغيير اللزوجة إلا في حالة عدم وجود اللزوجة المطلوبة في السوق.
المؤكد إن اللي صمم الموتور عارف إيه أنسب لزوجة لموتوره :)
...
Content Relevant URLs by
vBSEO 3.6.0 PL2