كورولا 2015 ولا مازدا 3 2015 ولا سيراتو 2015

أنا محتار جدا بين التلاتة دول أعلى فئة الهاي لاين
يعني الكورولا عربية بياعه وفيها عوامل امان اعلى زي esp و 7 إيرباج ونازلة بشوية كماليات ممتازة زي الاوتو بارك و hca بس طبعا الموتور القديم والفتيس القديم اربع سرعات
السيراتو نازلة باوبشنات ظريفة زي الشفتنج بادل في الطارة وفتحة سقف وموتور احدث وفتيس 6 سرعات بس العربية كوري بس انا حاسس ان الفرق بين الكوري والياباني مبقاش فرق كبير واعتقد ان السيراتو عربية بياعه برضه وهيا ارخص من الكورولا في حدود 15 الف
المازدا 3 عربية شكلها الخارجي روعه بالنسبالي على الاقل والمكونات الداخلية ممتازة وتقفيل كويس جدا وشوية كماليات ظريفة بس الموتور والفتيس القديم 4 سرعات واغلى واحدة فيهم
انا مش بتاع جري بالعربية بس في نفس الوقت مش عاوز العربية بطة وانا طالع بيها وفي نفس الوقت عاوز عربية كماليات ممتازة واعتمادية وخايف من موضوع اعادة البيع مع اني مش بفكر اني ابيعها قبل 5 سنين على الاقل
ياريت الناس تفيدني خاصة اصحاب العربيات دي والناس اللي جربوهم وشكرا جزيلا ليكوا

الكورولا نازلة بنفس الموتور القديم .. الفتيس هو اللي اتغير بقى cvt

رأيي التلاتة بما انهم كلهم توب لاين فنتفق على أول حاجة

كلهم غاليين جدا و مبالغ في سعرها جدا

و كل واحدة زي ما حضرتك قلت مميزة في حاجة

عموما .. ان شاري سيراتو من حوالي 3 شهور

وهي عربية ممتازة في فئتها .. و كنت بقارن بينها و بين المازدا 3 و الكورولا

بس لو يرجع بيا الزمن .. هشتري مازدا 3 .. اللي بيجرب سواقة المازدا بيبقى صعب يرضى بعربية أقل منها في الثبات و متعة القيادة

ده ما يقللش من الكورولا و السيراتو .. بس لو عايز تدلع نفسك و تبقى مختلف و تركب عربية تحب سواقتها اشتري مازدا 3

و في النهاية .. اي عربية هتختارها هتتبسط بيها و هتبقى اختيار موفق ان شاء الله

فعلاً المازدا ٣ افضل واحدة فيهم لأنها تقفيل يابانى ولكن التويوتا يابانى صح بس تقفيل تركى .... والكيا السيراتو كورى .... التويوتا والسيراتو فى اعادة البيع احسن من المازدا بس انت مش فارق معاك اعادة البيع .... يبقى تطمن على المازدا من حيث توافر قطع الغيار وتوكيلها وكمان بنزينها مايكونش ٩٥ .

بحس كركوبة مختلفة المازدا
بيع قدام وعربية كويسة الكورولا

شكرا جزيلا لكل الردود
كنت عاوز اعرف هيا قطع غيار المازدا متوفرة ولا لا واسعارها ايه مقارنة بالكورولا
بالنسبة لموضوع ان العربيات دي غالية بزيادة انا بحاول اشوف حاجة كويسة بكماليات حلوة وسعر قليل مفيش خالص العربيات كلها غالية وتحس انها فاضية
فكرت في الريو بس كتير خوفوني منها

تدفع كام ف ال esp ?
و خلى بالك ان الكورولا فتيسها cvt و موفر جداااااا ف البنزين

لو مكانك كرولا
ولو من بره الاختيارات امبريزا او كروز

لو عايز تبقى مميز ومش فارق معاك ال resal
اتكل على اللة فى الماذا 3

أعتقد متعة القيادة هتيبقوا قريبين أوي من بعض!
لو عايز تشتري حاجة متحسش إن سعرها مبالغ فيه وكمان هتوفر مبلغ محترم: فلوينس أو شارك.. والله أعلم.