عرض للطباعة
أنتشر على مواقع الفيس بوك صورتين لمالك هيونداى ix35 معلق عليها يافطة كبيرة مكتوب عليها انها فاشلة.
ياترى ما رأى ملاك العربية في الحكاية دى؟؟؟؟؟؟؟
http://nileup.com/up/uploads/nilemotors_14177132421.jpg
http://nileup.com/up/uploads/nilemotors_14177132422.jpg
اسمحولى ابدأ بأول رد.......
وهتكلم عن تجريتى الشخصية مع العربية.......
انا اشتريت العربية واستلمتها في مارس2013، استخدمتها حتى الان حوالى12000كم ، وخلال الفترة دى الحمد لله ما أحتجتش اروح التوكيل الا 3 مرات للصيانة الدورية(1000/ 5000/ 10000).
التوكيل ومركز خدمة أبو رواش (الأماكن ال اتعاملت معاها ) في قمة الاحترام والالتزام.
العربية الحمد لله لم تقابلنى اى مشاكل حتى الان ، والحمد لله موش ندمان انى اشتريتها وفضلتها عن الاسبورتيج والقشقاى (طبعاً مع كامل احترامى للعربيتن - المقصود موش تقليل شان اى واحدة منهم).
على المستوى العام ، مسمعتش اى شكوى من حد اشترها، بالعكس العربية انتشرت في الفترة الأخيرة انتشار غير عادى وحققت مبيعات اعلى من الاسبورتيج والقشقاى
(بكرر المقصود موش تقليل من شأنهم).
السؤال هل الصورة عادية وصاحب العربية واجهتة مشكلة مستعصية للدرجة دى ؟؟؟؟؟؟؟
ملاك العربية رأيهم اية؟؟؟؟؟؟؟
-لا تقلق مع أول مشكلة هتقابل عدم الالتزام و الاحترام ^_^
انا الى اعرفه ... ان لو العربيه مش عاجبه صاحبها لاى سبب كان يخصه ... يبيعها و يريح دماغه .. و يشوف الاحسن و الافضل من وجه نظره هو ...
حضرتك لو راضى عن العربيه ... استمتع بها و لا تلتفت لمثل هذه الافعال ...
تحياتى ...
نفس الوضع بالضبط ، حتي عدد الكيلومتراتاقتباس:
المشاركة الأصلية كتبت بواسطة said.d.y
السيارة فعلا مميزه وفي السعودية اسمها tuscan ولكن هنا 2000 سي سي
وبصراحة من استخدام سابق رائعة
ده لو قاصد انه ما يعرفش يبيعها مش هيعمل كده، يمكن قابلته معامله سيئه من التوكيل وعايز ياخد حقه والله اعلم بس كان يبيعها ويريح دماغه
مش عارف هوه عامل كده ليه!!!!
لو مش عاجباه يبيعها.
ومش عارف حيبيعها ازاى بعد اللى كتبه عليها
حيقول للشارى ايه!!!!
حيقوله انا بايعلك عربيه رايى فيها انها فاشله
عجبى!!!!!
من افضل السيارات على الاطلاق ... الهيونداى منتشر بكل فئاته فى السعوديه ودة سبب الجودة لهذة السيارات .. فى مصر لازم نتعود مش اى حد يكتب اى حاجه تعبرة .. اى حد يركب اى ماركه ويعمل يافطه زى دة دة مسخرة من الاخر
الحمد لله العربية معايا من حوالي 50 يوم و منذ الاستلام حتى اليوم يزداد الرضا للاختيار
عربية محترمة مش شايف فيها عيوب جوهريه
بس ايه هي حكاية الراجل ده وليه عامل كده يمكن يكون عند حقان العربية فيها عيوب صناعه
ياريت لو حد عنده فكرة عن الموضوع يقولنا
تحياتي للجميع
الحمد لله العربية معايا من حوالي 50 يوم و منذ الاستلام حتى اليوم يزداد الرضا للاختيار
عربية محترمة مش شايف فيها عيوب جوهريه
بس ايه هي حكاية الراجل ده وليه عامل كده يمكن يكون عند حقان العربية فيها عيوب صناعه
ياريت لو حد عنده فكرة عن الموضوع يقولنا
تحياتي للجميع
فيه حد كلم صاحب العربيه
بيشتكي من سوء الطنابير ومنظومه الفرامل
وان فيه رجه علي سرعه
وان غبور مش متعاون معاه
Sent from my SM-N900 using Forum Runner
كما هو متوقعاقتباس:
المشاركة الأصلية كتبت بواسطة abou-yahia
الراجل عنده مشكلة و التوكيل مطنش...و ده اللي خلاه يعمل كده
بلاش تريقة على المالك
حط نفسك مكانه و هتعمل اكتر من كده
و بيع العربية مش هيريح دماغ و لا يجيب حق
هتبيع بالخسارة و حقك طار مع التوكيل السئ
المشكلة مش فى العربية
المشكلة فى التوكيل كالعادة فى مصر أخبط رأسك فى أول حيطة تقابلك ودى سياسة توكيلات كتير وخصوصا العربيات اللى عليها إقبال واللى بتبيع بدون بياع زى الطيارة اللى بدون طيار ...انا استلمت عربيتى ix35 فى شهر يوليو اللى فات العربية لا غبار عليها بالنسبة لإستخدامى روحت اعمل صيانة ال 1000 ك الأولى فى اكبر مركز لغبور اللى فى العبور وانا يتابع أعمال الصيانة من خلال الزجاج اللى موجود فى استراحة العملاء لاحظت أن اللى شغال فى العربية مشغول بالبص على مكان تواجد العملاء لعل وعسى صاحب العربية يشوف. ..وشوية لقيت جاب خرطوم المية و رايح على الموتور قلت ها يعمل اية ...فتح قربة المية الزرقا بتاعة الموتور وزودها مية من الحنفية و بالمرة قربة المساحات وكل دا باصص فوق علشان صاحب العربية يشوف الشغل....الوضع سيئ جدا وأعتقد أن غبور لازم يعمل قسم خدمة عملاء أفضل من الموجود .....انا حاسس انى بتعامل مع مصلحة حكومية واذا كان عاجبك ...ودا اللى بيخلى الناس تفقد اعصابها وتعمل أى حاجة ...لعل وعسى حد يرد على شكوتهم
فين التريقه ديهاقتباس:
المشاركة الأصلية كتبت بواسطة abohend
Sent from my SM-N900 using Forum Runner
حاجه تانيه
انا شايف لنه استعجل
خصوصا انه لم ينتظر حمايه المستهلك تعمله حاجه
وممكن يلبس قضيه تشهير
Sent from my SM-N900 using Forum Runner
مش قصدي إنك بتتريقاقتباس:
المشاركة الأصلية كتبت بواسطة abou-yahia
لكن أقتبست كلامك لأنه بيشير أن المالك عنده مشكلة مع الوكيل
من الاخر ... مشكله التوكيلات فى مصر عليها تحميل عالى من جيش من العماله وتآجير معارض وووووو .وضرائب ..الخ ... سعادتك بيجى واحد تحت السلم بالكثير 20 موظف يوم مايقول انا شركه يستورد لحسابه الخليجى وياخد من التوكيلات ويبيع بزيادة من 3000 الى 4000 جنيه على حسب العربيه (( تحت مسمى تسليم فورى )) الموضوع كله معرض وحته فاضيه دة بيكسب احسن من ميه توكيل وبعدين مريح دماغه عندة كل الماركات مش عاجبك سوسو خليك فى حمادة .. وبعدين مكبر دماغه لا عندة خدمه ما بعد البيع ولا حاجه ولو السيارة فيها مشكله يلبسك فى الحيط يقولك روح التوكيل او التامين ... المواضيع دة وعدم انضباط السوق هو ال خرب الدنيا والحل منع استيراد السيارات الا من خلال الوكلاء والا من الصبح كله يقفل ويسرحوا العماله ونلبس فى الحيط كلنا علشان خاطر شويه تجار شغلتهم فقط مكسب بدون اى مسؤليه وبل بيساهم فى ارتفاع الدولار عشان بيروح يستورد ودة جزء من مشاكل ارتفاع سعر الدولار
بالرغم من ابتعاد سيادتك عن الموضوع الأصلياقتباس:
المشاركة الأصلية كتبت بواسطة raedegypt
الا انك لمست كبد الحقيقة و كلامك كله في صميم الحقيقة و مش عارف لغاية امتي حنعيش في اللا دوله لا عارفين الحق فين و لا عارفين حقنا مع مين
تحياتي
يعني ايه يا بهوات يبيعها
يعني انا شاري عربيه زيرو وابيعها علشان فيها عيب واخسر فيها قد كده
حطوا نفسكوا مكان الراجل
غبور لو عندك مشكله هيوديك علي الاقل ٤ او ٥ مرات علشان يحلها
وعن تجربه
اعتقد مش مشكلة عربية
شكل الموضوع عيب فالعربية والتوكيل محلش المشكلة
انا معايا العربيه ..والحمد لله العربيه جميله جدا ومافيش اى مشاكل ..انا قريت على الفيس ان هذا الشخص حظه سيء جدا ..كل ما يشترى عربيه يطلع فيها عيب صناعه ..ودى مش اول عربيه يعمل فيها كدة ....لكن طبعا التوكيل مفروض عليه انه يساعدة حتى لو غير العربيه لان دى سمعه شركه