فين فسح في القاهرة غير الكافيهات و المطاعم و الجو ده؟
و غير الحسين و الاهرامات :36_2_33:
عرض للطباعة
فين فسح في القاهرة غير الكافيهات و المطاعم و الجو ده؟
و غير الحسين و الاهرامات :36_2_33:
في البرج والمتحف المصري قريبن من بعض
في رحلات فالنيل او تركب باخرة رحلة بالاكل
ده بخلاف المطاعم والكفيهات والباقي الي انت عرفه
انت بس تجي تنور وهتلاقي الامور بتمشي لوحدها
إختصاراً للكلام
القاهره محافظه كئيبه
مفهاش فسح .
سيتي ستارز ملوش حل
لو قعدت فيه يوم كامل من أول لآخره مش هتعرف تخلصه
بس اعمل حسابك على مبلغ وقدره لو انت من هواة الشوبينج علشان المغريات كتير أوي
أنا بروح هناك وبلاقي قلبي بيهفهف على Tradeline مبقدرش أمسك نفسي إلا أما أشوف الأسعار ههههههههههه
ومليان طبعا كافيهات ومطاعم أشكال وألوان تقدر تاكل وتشرب ولو معاك أطفال تفسحهم في Magic Galaxy لسة راجع أنا والأولاد من هناك من شوية
مدينة ملاهي متكاملة فيها ألعاب تناسب كل الأعمار
https://www.youtube.com/watch?v=NUi38HMqUH0
بتشتري بطاقة مرة واحدة صالحة لمدة سنة وبتشحنها فلوس وكل لعبة فيها جهاز كريديت بيخصم من البطاقة والألعاب تتراوح ما بين 10 إلى 15 جنيه للفرد
وده موقعهم
Magic Galaxy
وعندك مول العرب برضو وفيه بيلي بيز
والقرية الكونية حلوة للاطفال
يعنى برضو فهمنا دماغك اكتر ..هل المقصود فسح للاطفال ولا ايه بالظبط وتفضل تكون متواجد فى اى منطقة
مفيش اسوء من فسح المولات حاجه ممله وكئيبه
بتختلف من شخص للتاني
في ناس تسيبها في مول تقعد تلف على المحلات وتنساها وبتبقى آخر حلاوة وناس تانية بتعتبرها زهق وملل وبتفضل أماكن زي الحدائق أو النوادي وما شابه وفي ناس برده بتحب فسحة البيت يقعد يفتح النت أو يتفرج على فيلم ودي عنده متعة الدنيا زي حالاتي كده هههههههههههه
أنا شخصيا بكره الخروج في أي مكان بس ببقى مضطر أخرج علشان أفسح الأولاد مش أكتر