لو حضرتك فى مشوار ووسط منطقه زحمه
وفى وقت مفيش فيه مساجد مفتوحه
واضطررت لقضاء الحاجه
تعمل ايه
وتتصرف ازاى
؟؟
عرض للطباعة
لو حضرتك فى مشوار ووسط منطقه زحمه
وفى وقت مفيش فيه مساجد مفتوحه
واضطررت لقضاء الحاجه
تعمل ايه
وتتصرف ازاى
؟؟
محدش يروى اشجار بلدنا الا ولادها
حاول توصل أي بنزينة قريبة و في الغالب معظم البنزينات دلوقتي فيها حمام أو حتي مكان فاضي
لو راجل يدخل اى قهوه او كافيه او احدى محلات
الوجبات السريعه اللى فيها حمام.
وممكن يسأل اى صاحب محل عن
اقرب مكان حمام.
اسهل طريقة هي انك تدخل مطعم او كافية كلهم فيهم حمامات
الموضوع مش مقلق اوي
الواحد بدأ يفكر جديا في ارتداء بامبرز في الجو السقعه ده :d :d :d
موضوع جميل جدا جدا لا غبار عليه
عادي حصلت معايا قبل كدا اكتر من مرة
بتروح اي مطعم او كافتيريا او بنزينة وبتدخل ..ومفيش حد بيقول لأ
وعلي فكرة المطاعم الكبيرة زي ماك وكنتاكي و بيتزا ..الخ ...عادي جدا جدا انك تدخل الحمام وتمشي ...وطبعا بيكون فيه اماكن لحمامات السيدات
مفيش احلي من حمام ماك :d
كما سمعت عن الشطاف المحمول سمعت أبضا على المرحاض المحمول الخاص بمرضى السكر و قد أحبرنى صديق أن لدى والده فى سيارته هذا النوع
و لكن إذا تأزم الحال فيمكنك إستعمال أى زجاجة مياه بلاسنيك كبيرة لتأدية الغرض و أنت جالس بالسيارة .
في اي بنزينة او مطعم او كفايه مش دي المشكلة
المشكلة لو طريق زي المحور او اكتوبر ويكون زحمة
ساعتها هيحصل ايه
جميلة فكرة المرحاض المحمول
بس فين المكان اللى هيتحط فيه ( الدروه يعنى يتدارى فين وهو لو اتدارى فى مكان يبقي مفيش مشكلة اصلا ههههههه )
فكرة القزازه البلاستيك جميله وكنت سمعتها من ابنى اصحابه بيقولوا عليها تنفع فى المدرسة لما المدرس يرفض خروح اى طالب من الحصة --- بس العربيه مش فصل مدرسي الا لو كانت مفيمه اسود *اسود سواد الليل
شوف الصور هتلاقيه ليه زي خيمة سريعة التثبيت
رأيي الشخصي لو في مكان يتشاف وده الطبيعي ادخل أي مطعم اطلب أي حاجة في حدود 10 أو 20 جنيه وعقبال ما تكون خلصت تفضية يكونوا هما حضرولك حاجة تحتفل بيها هههه :)
ولو في مكان متداري بقى صحرا ولا طريق سريع ومفيهوش استراحات يبقى على رأي الزميل الفاضل تروي أشجار بلدك وتسمدها كمان هههههههههههه
الحل الوقائي (خصوصا لمرضى السكر) : - دخول الحمام قبل أى مشوار حتى لو مش عايز
الحل فى الطريق :- أقرب قهوة (وما أكثرهم)
* الإزازة مش هتنفع ، فمتجربش :d
لو راجل ممكن يستعمل طريقة الإزازة (إسأل حد عاش فى السعودية يشرحها لك)
أما لو ست تستحمل بقى و ربنا معاها
هو فيه حاجة برضه احب اضيفها لوجه الله تعالى و غطاء قاعد التواليت البلاستيك زى ده
http://plasticmanners.files.wordpres...8634.jpg?w=490
علشان الامراض و عدم النظافة اللى الواحد بيشوفها فى المراحيض العامة و هى رخيصة كيس فيه 20 غطا ب 2.5 من محلات اللى ب 2.5 المنتشرة فى كل حته و لو تقدر تخللى غطا دائم فى جيبك تحسبا للظروف
بره بيحطوا فى الحمام بكرة غطا زى اللى فى الصورة
http://img.diytrade.com/cdimg/507309...eat_Covers.jpg
بس خللى بالك بعد ما تخلص بلاش ترمى الكيس فى القاعدة و ارميه فى الزبالة علشان ما يسدهاش
تحياتى
ههههههههههههههههههههه
أنا مش متخيل ازاى ازازه وانت قاعد فى العربية مش ممكن ... كده فرش عربية هيتوسخ ويتنجس
ولا اللى بيقول تنفع فى فصل مدرسه !!!!
واللى بيقول اسأل اللى راحوا السعودية
انا روحت السعوديه ومعرفش الكلام ده هههههههههههههههههه
ولو فرضنا انك مليت ازازه فى العربية وقابلك كمين وفكرها مشروبات كحوليه هيبقى ايه العمل ههههههههههههههه
فية بابمرز لكبار السن فى القصر العينى للناس اللى عندها سكر
و الله لو فى زنقة هتلاقي فكرة الازازة فكرة عبقريه
وعلى فكرة اللى بيعملوا عمليات جراحية بتستلزم البقاء فى الفراش او صعوبة الحركه -- فيبدوا لهم مبولة وفي منها رجالى وفى منها للاناث - بس حاجة من غير غطا
بالنسبة للازازة انا ما استخمتهاش لكن الفكرة نظرى مقبولة و ممكنه باستخدام علب عصير بفتحة واسعه
وان كان على النجاسة من النقط المتساقطه فعلبة مناديل الورق من اسفل كفيله بتلقي نقط وارميهم فى اقرب صندوق زبالة يقابلك - ربنا يعافينا من الاحراجات