كيف تمنع البخار من التكثف على زجاج سيارتك

كيف تمنع البخار من التكثف على زجاج سيارتك

[img3]http://nileup.com/up/uploads/nilemotors_14178086581.jpg[/img3]

يعاني جميع سائقي السيارات من تكثف بخار الماء على زجاج سياراتهم أثناء الأجواء الباردة، وتتواصل الإبداعات لحل هذه المشكلة.
حيث يعرض الفيديو طريقة مبتكرة للتخلص من ظاهرة البخار بواسطة استخدام مادة السيليكا كريستال"Silica Crystal" حيث يتم ملء جوارب قماشية بالمادة وتوضع تحت مقعد السائق، لتقوم بإزالة بخار الماء عن الزجاج سريعاً دون الحاجة لاستخدام نظام التكييف- التدفئة.

شاهد الطريقة من خلال الفيديو

http://www.youtube.com/watch?v=4t4mzMS-ZZ8

حد يعرف مادة السيليكا كريستال بتتباع فين وبكام ؟
وايه علاقتها بالقطط !!!

شكرا على الفيديو المادة ديه بتستخدم زى مادة بتمتص بول القطط و الارانب و بتتحط فى بوكس و القط بتقعد فيه و هى شبه المادة اللى فى البامبرز للتوضيح

اقتباس:

---

المشاركة الأصلية كتبت بواسطة aymanshebl

شكرا على الفيديو المادة ديه بتستخدم زى مادة بتمتص بول القطط و الارانب و بتتحط فى بوكس و القط بتقعد فيه و هى شبه المادة اللى فى البامبرز للتوضيح

---

شكرا على التوضيح
طيب الاسهل ان احنا نحط بامبرز فى العربية هههههههههههههه

اعتقد برضه لما الواحد بيشترى هارد كمبيوتر بيبقى حاطين الماده ديه فى كيس مع الهارد
بس ياريت بتتباع فين وهل فعلاً بيبقى مفيش الصبح اى اثر للندى ولا لاء

أخاف أعملها بصراحة يوقفوني في لجنة ويفتكروها مادة شديدة الانفجار ويقبضوا عليا بتهمة الاشتباه في القيام بعمليات تفجيرية !!

اقتباس:

---

المشاركة الأصلية كتبت بواسطة أبو آسر

أخاف أعملها بصراحة يوقفوني في لجنة ويفتكروها مادة شديدة الانفجار ويقبضوا عليا بتهمة الاشتباه في القيام بعمليات تفجيرية !!

---

وأنا أخاف اعملها حرامى يفكرها فلوس ولا حاجه ويكسر الزجاج علشان ياخدها !!!!

اقتباس:

---

المشاركة الأصلية كتبت بواسطة amr011111

اعتقد برضه لما الواحد بيشترى هارد كمبيوتر بيبقى حاطين الماده ديه فى كيس مع الهارد
بس ياريت بتتباع فين وهل فعلاً بيبقى مفيش الصبح اى اثر للندى ولا لاء

---

ايوه موجوده فى كراتين الاجهزة الكهربائية لمنع الرطوبة بس بيبقى كيس صغير قوى

لقينا الحل بس مش عارفين التنفيذ ازاي
نظرا للخطورة ههههه

طيب جميل جدا نشتريها من عند مين مادة السلكا دي

السيليكا جيل هى مادة تستخدم فى المعامل لامتصاص الرطوبة من العينات تحت الفحص وهى مادة شرهه لامتصاص الرطوبة
كما تستخدم خلال شحن بعض البضائع كالاجهزة الكهربائية والبضائع الحساسة
لامتصاص الرطوبة داخل الحاويات او الكراتين والصناديق حتى لاتتعرض للصدأ او التلف
ويمكن اعادة تنشيط هذه المادة بتسخينها لتبخير الرطوبة التى امتصتها واستخدامها مرات عديدة
وتباع هذه المادة لدى محلات بيع المواد والمحاليل الكيماوية
الخاصة بالمعامل

فيه مشكلة تانية لازم نحطها في الاعتبار، هل المادة دي مضرة بالصحة ولا لأ، يعني إحنا هنحطة في العربية ونقفل الإزاز ونتنفس نفس الهواء، اعتقده إنها ممكن تكون مضرة بصحة الإنسان،

اقتباس:

---

المشاركة الأصلية كتبت بواسطة mohamedbook

طيب جميل جدا نشتريها من عند مين مادة السلكا دي

---

أنا سألت واحد من اللى غاويين تربيه قطط بيقولى ديه ماده عامله زى الرمل
القطه بتقضى فيها حاجتها وبالمادة ديه بتمصها وبتمنع الروايح
وبتتباع عند اى حد من المحلات اللى بتبيع الحيوانات وطيور واسماك الزينة

اقتباس:

---

المشاركة الأصلية كتبت بواسطة almohaor

السيليكا جيل هى مادة تستخدم فى المعامل لامتصاص الرطوبة من العينات تحت الفحص وهى مادة شرهه لامتصاص الرطوبة
كما تستخدم خلال شحن بعض البضائع كالاجهزة الكهربائية والبضائع الحساسة
لامتصاص الرطوبة داخل الحاويات او الكراتين والصناديق حتى لاتتعرض للصدأ او التلف
ويمكن اعادة تنشيط هذه المادة بتسخينها لتبخير الرطوبة التى امتصتها واستخدامها مرات عديدة
وتباع هذه المادة لدى محلات بيع المواد والمحاليل الكيماوية
الخاصة بالمعامل

---

بس متهيألى اللى فى الفيديو مش جيل زى اللى فى البامبرز
ده حبيبيات كريستال زى الملح والرمل

اقتباس:

---

المشاركة الأصلية كتبت بواسطة man1974

فيه مشكلة تانية لازم نحطها في الاعتبار، هل المادة دي مضرة بالصحة ولا لأ، يعني إحنا هنحطة في العربية ونقفل الإزاز ونتنفس نفس الهواء، اعتقده إنها ممكن تكون مضرة بصحة الإنسان،

---

الله اعلم ... بس لا اعتقد انها مضرة
ديه مادة بتستخدم فى البيوت