مشكلة فى Kingstone SD Card 16gb

**Hacker5** · 06-12-2014 06:36 PM

السلام عليكم ورحمة الله وبركاته
مشكلة ظهرت النهاردة فى تليفونى جلاكسى جراند 2
بتظهر ايكونة من فوق شكلها كارت ميمورى بدوس عليها يجيبلى رسالة sd card blank or has unsupported filesystem
و يطلب يعمل فورمات للكارت
قولت مش مشكلة كدة كدة مش عليه داتا مهمة
عملت فورمات و كله تمام و نقلت داتا عليه
لو عملت shutdown او restart للموبايل المشكلة ترجع تانى لو لو شيلت الكارت و رجعتى تانى !!!!
فكيته و ركبته فى اللاب و بما انى IT قولت اجرب اعمل عليه امر chkdsk
عملت فحص و قالى الكارت تمام و مافيش مشاكل و لازالت المشكلة موجودة
مش عارف اعمل ايه تانى
العيب من الكارت ولا من الموبايل نفسه ؟

**Karim Alaa** · 06-12-2014 07:05 PM

اولا حدد المشكله هات كارت تانى و جربه على الفون ثانيا اتاكد ان مفيش اى مشاكل فى مساحه الكارت مع الفون يكون الفون مش مستحمل المساحه لان كل class و ليه supported software كل ده تمام و مفيش مشكله شوف الكارت هيتقرى فى ال recovery mode ولا لا لو اتقرا و عليا داتا عادى يبقى المشكله عندك فى الاندرويد و هيبقى اسرع حل فاكتورى ريسيت او فاكتورى روم من اول و جديد

**Hacker5** · 06-12-2014 07:40 PM

جربت كارت تانى و اشتغل تمام
الكارت اللى فيه المشكلة كلاس 10 و لسة ماكلمش شهرين
بعد البحث فى جوجل كل الناس بتقول مافيش حل غير استبدال الكارت و دة مشكلة هاردوير
لانى حتى لما بركبه على اللاب بيحتاج فورمات و يشتغل و اشيله و اركبه تانى يحتاج فورمات برضو فكدة فعلا المشكلة فى الكارت نفسه مش مشكلة سوفت
بكره هاروح الوكيل استبدله ان شاء الله

**ahmad--ezzat** · 06-12-2014 08:06 PM

كينجستون مركة زباله
ودة اللي اكتشفته بعد ماتحرق 3 كروت 32 جيجا معايا
والسبب مجهول..مرة واحده يصبح غير مقروء ولا اكني حاطط كارت..وكل مرة اروح اغيره ف الضمان لما يتحرق
واتعودت...حاجه مقرفه يعني...

**Hacker5** · 07-12-2014 12:05 PM

فعلا كينج ستون اسم على الفاضى
سان ديسك و ترانسيند احسن منه الف مرة

**Elawany13** · 07-12-2014 12:30 PM

أنا جبت فلاشة كنج ستون 16 جيجا
فوجئت انها بطيئة جدااااااااااااااااااااااا اااااااا
قولت جايز بيتهيألى نقلت عليها فيلم مساحتها 2 جيجا
وشغلت الاستوب ووتش وقارنتها بفلاشة قديمة 8 جيجا ماركة سكان ديسك
فوجئت ان زمن النسخ على الفلاشة الكنج ستون الجديده يتخطى ضعف الزمن
مع العلم انى قمت بتثبيت كل المتغيرات الأخرى اثناء عمل المقارنة

جربت اغير نظام الفورمات الى ntfs ومفيش اى تحسن يذكر

واضح ان الماركة ديه انضربت بالنار