بخصوص شراء الملابس من العاشر من رمضان

**Ahmed abdkarim** · 06-12-2014 08:47 PM

السلام عليكم ورحمه الله وبركاته

كنت عاوز اشترى هدوم : 2 بنطلون مثلا و جاكت و بلوفر و سويت شيرت و كوتشى وجزمه يعنى تشكيله

لو نزلت اشترى من المحلات اللى بشترى منها زى اكتيف مثلا حدفع مش اقل من 1500 او 2000
كنت سمعت ان فى فى العاشر من رمضان محلات ملابس و بتبيع ماركات بأسعار اقل كتير من بره ايه نصايحكم

وكنت تحديدا عاوز اشترى جزمة سيفتى كويسه ممكن اجيبها منين و بسعر رخيص خصوصا لما شفت اسعارها على النت فى امريكا لاقيتها ارخص كتير جدا من هنا وطبعا اصلى .

**dedi** · 06-12-2014 10:20 PM

جزمة سيفتى انزل شارع الجمهورية عند الناس البيبيعوا معدات الحريق هاتلاقى موديلات كتيييير

**Ahmed abdkarim** · 07-12-2014 12:27 AM

المشاركة الأصلية كتبت بواسطة dedi

جزمة سيفتى انزل شارع الجمهورية عند الناس البيبيعوا معدات الحريق هاتلاقى موديلات كتيييير

ودى بتكون فى مستوى الحاجات بتاعه الخروج زى الكات والتمبرلاند ؟؟؟

و معلش سؤال تانى شارع الجمهورية ده فين ؟؟؟

**dedi** · 07-12-2014 12:32 AM

من ناحية العتبة او من ناحية جامع الفتح
طبعا هى مسئلة ازواق بس سامحنى انا ماليش فيها بس باشوفها كتير هناك عند بتوع مستلزمات الامن الصناعى وكان فية حد فى محل بيقول لى انة محلات كتير للاحذية بتنزل نفس الموديلات بس باسعار مبالغة جدا
اتمنى انى اكون افدتك وماعلش انا موش بافهم فيها

**mastr_n** · 07-12-2014 01:18 AM

جزمة سيفتى لو مش فارق معاك فلوس يعنى يبقى Red wings طبعا صناعة امريكى وممكن تخلى عربية تطلع علسها وانت لابسها ولا الهوا سعرها بيبدأ من 700 جنية بس مش للخروج دية علشان الشغل فى المجالات اللى فيها خطورة زى البترول البناء ودية فى شارع الجمهورية بس المضروب منها كتير خلى بالك

اما بقى للسيفتى شوز الموديلات زى اكتف وكدة هاتلاقيها بحوالى 350 ل 400 ودية مناسبة للخروج لانها مش ضخمة زى التانية وفى الكاتربلر طبعا بس سعرها معدى بردة

بالنسبة للعاشر من رمضان لو نزلت هناك هاتروح السويسرية وكونكريت وكذا حاجة كدة جمب بعض بس لازم تكون عارف العناوين ويكون معاك عربية والحاجات هناك بتلاقيها فرز تانى

**Ahmed abdkarim** · 07-12-2014 06:43 PM

المشاركة الأصلية كتبت بواسطة mastr_n

جزمة سيفتى لو مش فارق معاك فلوس يعنى يبقى red wings طبعا صناعة امريكى وممكن تخلى عربية تطلع علسها وانت لابسها ولا الهوا سعرها بيبدأ من 700 جنية بس مش للخروج دية علشان الشغل فى المجالات اللى فيها خطورة زى البترول البناء ودية فى شارع الجمهورية بس المضروب منها كتير خلى بالك

اما بقى للسيفتى شوز الموديلات زى اكتف وكدة هاتلاقيها بحوالى 350 ل 400 ودية مناسبة للخروج لانها مش ضخمة زى التانية وفى الكاتربلر طبعا بس سعرها معدى بردة

بالنسبة للعاشر من رمضان لو نزلت هناك هاتروح السويسرية وكونكريت وكذا حاجة كدة جمب بعض بس لازم تكون عارف العناوين ويكون معاك عربية والحاجات هناك بتلاقيها فرز تانى

الف شكر ليك

بس اكيد برضه السعر حيفرق معايا انا عاوز حاجه جودتها معقولة و فى نفس الوقت سعرها حلو وانا مش محتاج السيفتى للشغل انا عاوزها للخروج .

اما بالنسبة للعاشر فالعربية عندى محتاجه اربع فرد كاوتش فمش حينفع اسافر بيها لغاية لما اغير الكاوتش لان الكاوتش قديم اوى انتاج 2008 فالمواصلات اخبارها ايه ؟؟

**engineer_Amr** · 07-12-2014 08:17 PM

بالنسبة لمواصلات العاشر من رمضان حضرتك ممكن تركب أى حاجة لموقف العاشر (السلام) وتركب من هناك العاشر من رمضان
فى هناك outlet كبير فى المنطقة الصناعية الثالثة اسمه عرفه
انزل الموقف وقول عايز اروح المنطقة الصناعية الثالثة هتركب ميكروباص تانى قولة عايز انزل عند عرفه
مواعيدة كل يوم لحد الساعة 7 ماعدا خميس وجمعة وسبت لحد 8:30 بالليل
فى كمان المنفذ الاوروبى ودة برضة فى المنطقة الصناعية الثالثة ونفس المواصلات بس هتمشى شوية بعد ما تنزل