الموضوع: بعد 20 سنه قررت الانفصال الفراق والوداع

المشاركة الأصلية كتبت بواسطة 4fun14

جيت ع الجرح..
بحاول اليومين دول بالذات ابطل تدخين لاول مره من جوالى 10 سنين..وقتها بطلت 3 شهور ورجعتلها تانى "معرفش ليه"
دلوقت حاسس ان معنديش اراده قوية بس بجد قرفت..مفيش مرض اقرا عنه الا لما الاقى التدخين سبب فيه او بيزوده,
وبجيب برفانات غاليه وتاثيرها بيروح بسبب ريحه السجاير
انا حاليا فاضل معايا 4 سجاير من النوع اللى بجبه,مش عارف بس بفكر اقلل اوى ولما يخلصوا اجيب سجاير من نوع مبحبهوش وتباه اخر عليه اشتريها
ممكن بعدها اخد بس لو اتعزم عليا
وبعدين اوقفها نهائيا
يارب يهون
بصراحه مش حاسس انى قد منع التدخين مره واحده
ومش عارف ايه نظام السيجارة الاليكترونية والعك ده

اسمحلى اقولك بعض الحاجات من تجربتى:
1-استبدل عادة السجاير بعادة مفيدة
2-خلى قدام عقلك دايماً اضرارها و افتكر دايما الامراض و الرائحة الكريهة و ضيق الناس من الدخان و بعد البعض عنك
3-كافىء نفسك عن كل مرة ابتعدت عنها و عاقب نفسك على الاستسلام لها
4- قوى ارادتك بالتمارين و الرياضة و الاصرار
5-ادعى من قلبك و اكثر الدعاء
6-غير اصحاب السوء مهما كانوا عزيزين عليك صحتك و حياتك اهم و ما ترجعلهومش غير لما تبقى بعدت عن السيجارة و كرهتها من قلبك
7-كل ما يجيلك رغبة فى الشرب اشغل نفسك بشىء بتحبه جدا بحيث ينسيهالك تماما .. بس لازم يكون شىء قوى و جذاب ليك .. و ان ما قدرتش روح اتكلم مع الناس و افتح موضوع شيق معاهم و حماسى
8-لو مش قادر استخدم موضوع التدريب يعنى كل يوم عشر سجاير لمدة شهر و الشهر اللى بعده 8 سجاير يوميا و كمان شهرين 6 سجاير يوميا و هكذا لغاية لما يبقوا سجارتين.. و مهما كسرت التمرين ارجعله تانى .. الطريقة دى هتخليك لو رجعت و استسلمت ترجع خطوة واحدة بس مش هترجع بشراهة يعنى و ما تيئسش صدقنى مافيش اجمل من انك تملك نفسك و تحس بالسيطرة على ذاتك و و تحس بشجاعتك
9-حاول كمان تبعد عن التدخين السلبى
10-اشرب عصاير كتير بدل تمن السيجارة يعنى كل اللى توفره من تمن السيجارة اشترى بيها حاجة حلوة- زى الطفل - ايوة
11- اخيرا حط فى عقلك ان تغلبك على العادة هو اعظم من اى عمل ممكن تعمله فى حياتك ما فيش اولوية قبله. لانك لو غلبت نفسك و عادتها هتحس بقوة و شجاعة و دفعة للنجاح فى الحياة

اخوك قضى سنين كتير بيحاول و الحمد لله بطل