اخرالشهر ده اكون يكون بقالى سنة لم اضع سيجارة فى فمى بعد تدخين مستمر من سنة 1990 حتى 2013 يعنى 23 سنة نسبت فيهم طعم الاكل
اقسم بالله أنى دقت اللبن ندهت لزوجتى اسالها طعم اللبن متغير ليه
قالتى عادى طعمه زى ما هو
دوقته للاولاد
كان ليهم نفس الرد
اتارنى نسبت طعم اللبن الجميل نتيجة فقد نسبة كبيرة من حاسة التذوق
فكر فى مميزات ترك الدخين وعيدها كل يوم كام مرة
افتكر رضا ربنا عليك
ونومك بالليل بدون ارق
افتكر شهيتك الى هترجعلك بعد سدة نفس السجاير وفقدك لحاسة التذوق
افتكر طلوعك السلم بدون نهجان
افتكر أنك ممكن تلعب كورة تانى
افترك أنك ممكن تركب مواصلة طويلة دون الاحساس أنك هتجنن على اى استراحة عشان التدخين
افتركر أنك ممكن تصلى الجمعة وتقعد فى المسجد شوية مش هتطلع بسرعة عشان السجاير
احلى ما سمعت عن التدخين
أن متعته مثل متعة من يخلع شراب ضيق كان يلسبه ويحس بالتعب من ضيقه
يعنى مفيش متعة حقيقية
الموضوع أنك مع التدخين الجسم اصبح متعود على النيكوتين
كل ما نسبته فى الجسم تقل تبدأ تتوتر
تشرب سيجارة ترتاح ( يعنى تقلع الشراب ترتاح )
التوتر الناتج عن الادمان هو السبب الى بيخليك ترتاح لما تاخذ السيجارة لأنها بتقضى على التوتر ده
يعنى السيجارة بترجعلك لحالة الاستقرار الاولى الى كنت قبها ( زمان قوى ) غير مدخن
مش اكتر
تذكر الكلام ده كويس وعيده عن نفسك
فى دوا ممتاز اسمه
شامبيكس
ممكن تجرب منه علبه
سعره 270 جنيه
بيضيع شعورك أنك خرمان خالص
بالتوفيق
المفضلات