عرض للطباعة
الاعضاء المحترمين،
حبيت اسال السؤال ده في معقل الاسكوداوية لاني ميال اكتر للاسكودا بس اللي محيرني بشكل اساسي هو الشكل اللي تقريبا متغيرش من فترة كبيرة فخايف اشتري a7 2015 وينزل شكل جديد في 2016.
المهم انا بقارن اساسا بين a7 فئة تانية وبين الفلوانس اعلى فئة وعايز نصايحكم وارائكم الثمينة.
شكرا مقدما ليكم،،
م/ أحمد فؤاد
ازاي شكل الاوكتافيا ما اتغيرش
الاوكتافيا شكلها اتغير في 2013 و لسه قدامها على الأقل كمان 4 سنين لما شكلها يتغير تاني
انا شايف تبعد عن الاسكودا ومشاكل الفتيس ووجع القلب والسحب الضعيف ، الفلوانس عربية عملية ممتازة او الكرولا عربية مفيهاش غلطة
لو غاوي ألماني خليك في الأسترا :)
لو مش فارق معاك الاوبشنز الكتير الى فى الفلونس ولا فرق الفلوس يبقى الاوكتافيا
الفلونس اعاده بيعها اقل من الاوكتافيا و قطع غيارها ارخص و العربيه اعتماديه جدا لان ماتورها و فتيسها يابانى
لو حضرتك مش ميال لحاجه فيهم والاثنين عندك سواء يبقي شوف الفلوانس اوبشن اعلي عربيه متورها وفتيسها ياباني ومحدد بيشتكي منها وأقل في السعر بفرق ملحوظ
لو فرق الفلوس مش هام يبقي الاوكتافيا
الاوكتافيا ال ١٦٠٠ مفيهاش اي مشكلة في الفتيس
الصراحة انا لو مكانك هفكر فحاجة موتور تربو ، عشان احس بفرق فالسحب بيني وبين عربية تانية ، الاوبل انسيجنيا الاختيار الافضل فالتربو حاليا فالفئة دي