ايه يارجالة محدش يعرف حاجة عن التلفون
فينك يا ابو اسر
من ساعة ما جبت الأيفون مبقتش أبص ولا أنبهر بأي تليفون تاني..ده في حد ذاته يقولك قد ايه هما ناجحين.
استاذ ابو آسر محب الأي فون رقم 1
بعد التحيه
رأيي المتواضع في أبل عموما وآي فون خصيصا
فكرة تسويقيه 10/10 انا هقنعك انك مافيش زيك
وهجبرك تشتري من عندي
بأسعار أعلى من الكل
اكسسوارات اغلى من الكل, ومش اي حاجه تمشي مع منتجاتي الا من منتجاتي برضه
هجبرك على شاشه صغيره وريزوليوشن مش قد كده تحت حجة انه كده احسنلك, بس اما الاقي ان في حصه تسويقيه (الاحجام الكبيره) ممكن اخد منها حته ساعتها هخشها
وهل الأمان موجود ؟ (بعد الغاء البلوتوث مثلا) لأ مش موجود وبتحصل تسريبات عادي جدا
طيب هل الشركه بتنتج كل القطع زي ماكانو بيقولو؟ لأ كانو بيجيبو بروسيسور او تشيبس مش فاكر من سامسونج وبعدين وقفوها فتره ورجعولها تاني عشان مايضربوش في بعض في السوق
ده غير اتفاقيه تانيه بين الشركتين مش فاكر كانت حاجه كده زي اي كلاود بس بتسمح بتبادل الملفات بين مستخدمي الاندرويد وابل
طيب النظام المستقر اللي مافيش زيه هل نفعهم في انتاج منتجاتهم الشخصيه؟؟؟
لأ ابل بتستخدم (ويندوز) في تجميع جهاز ماك بوك ميني تقريبا او مش فاكر اسمه ايه, يعني لو كان نظامهم بالقوه دي كانو استخدموه
المطورين عموما بيوجهو برمجياتهم ناحية اي نظام الاول قبل ابل
كل السابق ده مش عيب في الهاردوير الهاردوير كويس طبعا لكن من وجهة نظري انا ادفع الفلوس دي كلها لو محتاج سوفت وير ومضطر ليه (زي الفاينل كت مثلا)
فأبل بصراحه ابداع تسويقي مش ابداع صناعي (ومش معنى كده انه كيس جوافه يعني)
لكن اذا كانت الميزه فعلا استقرار النظام
فأجهزة الاندرويد الخام موجوده
وبنص السعر تقريبا
أخي عبد الخالق محب أندرويد رقم 1 :)
سامسونج متفوقة على أبل في مسألة الدعاية والترويج والتسويق بمراحل ، أبل فاشلة في الموضوع ده للأسف ولو اهتمت بالدعاية والتسويق شوية أنا متأكد إنها هتاكل نص حصة سامسونج على الأقل
موضوع الماك والويندوز دي قصة تانية ومع احترامي لحضرتك أنا معرفش لحد دلوقتي حد بيشتغل في مجالات السوفتوير التقيلة سواء تصميم جرافيك أو مواقع ويب احترافية أو مونتاج وما شابه بيستخدم ويندوز ! الماك سمعته معروفة في الموضوع ده مش محتاجة إني أوضحها أو أثبتها ، أي بروفيشنال في مجالات الكمبيوتر معروف إنه بيستخدم ماك ، لكن الماك حصته ضئيلة مقابل الويندوز لأن برده مش أي حد بيفهم فيه أو بمعنى أصح مش نظام شعبي لكل الناس زي الويندوز كده
أخيرا كلا الشركتين لها مميزات وعيوب بلا شك لكن رأيي الشخصي إن أبل حتى الآن نجحت في الحفاظ على سمعتها ومكانتها ومتفوقة على كافة المنافسين وواقفة لوحدها في مكان وباقي الشركات واقفة في مكان تاني خالص
فكروني بالإعلان ده :D
https://www.youtube.com/watch?v=Ei52GH76w84
ههههههه
لا والله مش رقم 1 ولا حاجه
ده انا حتى لسه مافكرتش ابرمج ابليكيشن ولا لعبه
كل الفكره انه انا شايف ابل زي ماقلتلك
وبالعكس كلامك صح جدا عالماك بوك وكده, وده اللي يخلليني اشتري لاب توب ب 20 الف ولا حاجه عشان سوفتوير معين هيتعمل بيه شغل
انما في حالة الموبايل مش لاقي الميزه دي بصراحه, عشان كده فصلت الموبايل عن اجهزة الكمبيوتر بتاعتهم عشان مابقاش بشتمهم وخلاص :)
من مستخدم قديم للاندوريد
للاسف كل كلامك صح
ضيعت اربع سنين من عمري مع الاندرويد وهبل سامسونج من ايام الاس وان للنوت وان
لكن من شهر اكتشفت لو بتدور علي سمارت فون بنظام مستقر ببعض الخنقه لكن مقابل الاستقرار اذن هو ابل
للعلم فشلت تماما اني اتعايش مع نظام ابل في اللابتوب مع ماكبوك اير حتي وهو عليه ويندوز وبعته من خنقتي منه :-)
مرحبا بك في نادي أبل يا بو بيدو :D
أنا برده حاولت أشتغل هاكنتوش بس للأسف مكملتش بس على فكرة العيب مش فيهم ! العيب فينا احنا لأننا بقالنا عشرات السنين أقلمنا نفسنا على ويندوز بس وبرامجه فهتحس بغربة شديدة لو اشتغلت ماك زي واحد طول عمره عايش في قرية من القرى وأول مرة ينزل القاهرة مثلا هههههههههه بس الموضوع مع شوية صبر وطول بال هتلاقيه لذيذ وأنا ناويها إن شاء الله بس ناويها صح مش هستب هاكنتوش على جهاز PC بقى والكلام ده لأن قرفه أكتر من قرف التأقلم على نظام الماك نفسه ، ربنا يكرم بس وأشوفلي حتة iMac مستعملة كده أدوس فيها وهيبقى معايا PC برده احتياطا بشكل مؤقت لحد ما ألاقي نفسي قدرت أستغنى عن الويندوز تدريجيا
دوس يا ابو اسر :)
وبالعكس نظام الماك سهل جداً ، وبعد ما تتعود عليه هتنسى حاجه اسمها ويندوز
انا بقالي سنتين بستخدمه وعايز اقولك اني لما بستخدم pc او لاب عليه ويندوز بتعب جداً
العيب الوحيد في ابل كهارد وير انها غاليه جداً وكذلك الاكسسوارات
الكيبورد بتاعة الماكبوك باظت مني وتكلفة تصلحها من 2000 : 3000 جنيه للأسف :(