موضوع للمناقشة: هل تبهرنا سامسونج فعلاً بمزايا حقيقية ؟

**أبو آسر** · 10-12-2014 08:11 PM

المشاركة الأصلية كتبت بواسطة M!SHO

دوس يا ابو اسر :)

وبالعكس نظام الماك سهل جداً ، وبعد ما تتعود عليه هتنسى حاجه اسمها ويندوز

انا بقالي سنتين بستخدمه وعايز اقولك اني لما بستخدم pc او لاب عليه ويندوز بتعب جداً

العيب الوحيد في ابل كهارد وير انها غاليه جداً وكذلك الاكسسوارات

الكيبورد بتاعة الماكبوك باظت مني وتكلفة تصلحها من 2000 : 3000 جنيه للأسف :(

دي مشكلة فعلا فلذلك محتار أوي بين إني أحاول أجمع جهاز مواصفات عالية بشرط تكون كلها متوافقة مع الهاكنتوش وبين إني أجيب iMac على أبوه بس بصراحة الأسعار تخض خاصة هنا يعني عشان تجيبلك حاجة محترمة ومتحسش إنك عملت downgrade للمواصفات اللي شغال بيها حاليا هتخشلك في ما لا يقل عن 15 باكو

فبقول لو جمعت جهاز محترم بنفس المواصفات ممكن ميزيدش عن 8 بواكي مع شاشة محترمة هتخشلها في 3 كمان يبقى كده 11 وأبقى وفرت 4 بواكي زائد إني مش هحمل هم أي قطعة تبوظ علشان هلاقيها في السوق بالأسعار المعتادة
حد يقدر يخلصني من الحيرة دي علشان مش عايز آخد خطوة وأندم عليها دي بواكي يابا مش هزار :D

**M!SHO** · 11-12-2014 12:25 AM

زي ما أستاذ عبدالخالق قالك

خصوصاً ان اقل امكانيات في الماك بتشغل البرامج دي بكفائه عاليه

محتاج تفكر كويس فعلاً لأن iMac غالي حتى لو مستعمل

**أبو آسر** · 11-12-2014 12:50 AM

أنا مليش في الألعاب وبرده مليش في برامج أبل (على الأقل حاليا)
أنا محتاج جهاز لبرامج التصميم والجرافيك المعروفة زي فوتوشوب ودريم ويفر وما شابه ، طبعا البرامج دي مش عايزة جهاز بمواصفات خرافية زي أجهزة المونتاج بس أنا محتاج جهاز برده يكون سريع يسعفني في شغلي وميكونش فيه أي lag في الاستجابة للأوامر ويشتغل بالأيام ميتعبش وعارف إن نظام الماك أكثر استقرارا وسرعة من الويندوز زي الفرق كده بين الأندرويد والـ ios بس قلقان من موضوع الهاكنتوش علشان جربته وتعبني جدا في تعريف القطع وقعدت أيام لحد ما اشتغل