الحرارة ترتفع عند توقف السيارة وتنخفض عند المشي .:.:.

**ahmedos2m2** · 07-12-2014 03:15 AM

السلام عليكم ورحمة الله

مشكلة مش عارف لشيها حل الى الان السيارة دايو لانوس موديل 99 من كام شهر شوفت عداد الحراره فوجئت بانه يرتفع اعلى من النصف بعد ماأمشى بيها اكتر من ساعه او ساعتين واتوقف فى الزحمة مثلا يرتفع المؤشر فوق النصف ويصل الى الاحمر واذا ضغط على دواسة البنزين ينخفض مره أخرى او اذا مشت بسرعه ينخفض ما الحل

روحت غيرت علبة الراتديير ونضفته كله وغير المياه كلها الى مياه خضره برضه المشكه مستمرة وغير كوعه بتاعت الموتور لانها كانت بتسرب ميه برضه المشكله زى ماهى مش عارف اعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟

**egyption2012** · 07-12-2014 04:15 AM

الطبيعي ان الحرارة تنخفض عند السير بسبب قوة الهواء المقابل للسيارة
حاول تتأكد ان المراوح الامامية تعمل بشكل جيد ان شاء الله
اذا كنت تمتلك مروحتين في مقدمة السيارة فتأكد بانهما يعملان عندما ترتفع درجة حرارة السيارة
وتزيد سرعتهم عند تشغيل التكييف
http://www.nilemotors.net/Nile/84608-a.html

**Mecha** · 07-12-2014 08:18 AM

طرمبة ميه وشيك ع المراوح

**dodo2000** · 07-12-2014 08:52 AM

المراوح - طرمبة المية - الرادياتير - ترموستات الكوعة - ملاحظة مستوى المية فى القربة

الخلل فى حاجة من دول

**a_arazik** · 07-12-2014 01:49 PM

ثرموستات الكوعة عندك بايظة ....

**tameem2010** · 07-12-2014 02:47 PM

لو المراوح سليمه يبقى ديه اكيد طلمبه المياه ضعيفه
عموما طلمبه المياه لما تبقى بايظة صوت العربيه بيكون عالي

**gabry832003** · 08-12-2014 06:09 AM

المفروض ان الحرارة تحت النص بحاجة بسيطة وبتكون ثابتة مهما اختلفت ظروف التشغيل وحرارة الهواء الخارجية..حضرتك تقصد ب بتسخن و بتبرد ان الحرارة اعلي و اقل من الطبيعي؟

**ahmedos2m2** · 08-12-2014 10:35 PM

أشكركم جميعا على الردود

ولكن انا عندى المرواح شغاله تمام وبتشتغل مع التكيف وبالنسبة لطرمبة المية شغاله تمام لانى بشوف الميه بتقلب داخل الطرمبة لما العربيه بتشتغل وبالنسبه للرادياتير عملتله صيانه كامله وغيرت الميه اللى فيه كلها وتمام ومستوى الميه مش بيقل نهائى ليها بتاع اسبوع مش بيقل عن الحد بتاعه

ممكن الحاجه الوحيده اللى معرفهاش هى ثرموستات الكوعة هشوف حد يغيرها انا غيرت قبل كده حاجه اسمها كوعه الميه اللى موصله للمتور لانها كانت بتسرب ميه بس الجديده مش بتسرب

والمشكله انى لقيت الفريون بتاع التكيف فضى مره واحده هل ده ليه علاقه بالموضوع وده بسبب ان التكيف اشتغل والعربيه لسه مسخنتش ومتحركتش من مكانها

استاذ
gabry832003

الحراره بتسخن بسرعه لما اقف بالعربيه مدة طويله المؤشر بيرتفع وبنخفض لما العربيه تمشى بسرعه او ادوس بنزين كتير الاقى المؤشر بينزل مش فاهم ليه

كده انا اغير ثرموستات الكوعة ولا اغير حساس الحراره ؟؟؟؟