رف سماعات خشب ما بين الواقع والخيال

**zakar0tta** · 07-12-2014 04:42 AM

الجواب بيبان من عنوانه
بعد ما غلب حماري في تركيب رف سماعات خشب ومافيش اي مواضيع بخصوص الموضوع ده في النتدي او علي النت قرت اني اعمل الموضوع ده
1- اشتريت حته خشب MDF سمك 18 مم
2- قصيتها علي مقاس الرف القديم وجيت اركبها لقيت مفصلات الشنطه عاليه ولازم يتفتحلها
3- فتحت فتحات للمفصلات
4- فتحت للسماعات (طريقه الفتح كانت منشار اركيت يدوي )واتذليت طبعا والسنان تتقطع
5- لقيت الصاج عالي قوي من عند الزجاج والرف ناطط لفوق كدهومابيدخلش للاخر
6- أعمل إيييييييييييييييييييييه !!!!!!!!؟؟؟؟؟؟؟

**ahmed_eng2001** · 07-12-2014 07:18 AM

ياريت صور علشان الفائدة و ممكن نلاقى حل ان شاء الله

**مداح القمر** · 07-12-2014 07:47 AM

طب و ليه عملت الموضوع لوحدك ... ادي العيش لخبازه .

**amr khater** · 07-12-2014 10:23 AM

متابع

**ahmad--ezzat** · 07-12-2014 10:29 AM

ليه عملت الحوار دة لوحدك؟
الموضوع كله بيتكلم 120 جنيه بالخشب

**zakar0tta** · 07-12-2014 05:34 PM

http://nileup.com/up/uploads/nilemotors_14179643131.jpg
في الاول كنت فاكر المشكله في المفصلات بس ففتحتلها زي الصوره الجايه
http://nileup.com/up/uploads/nilemotors_14179643133.jpg
بعد الفتح للسماعات والمفصلات
http://nileup.com/up/uploads/nilemotors_14179643132.jpg
المشكله الاخيره ان حته الصاج دي عاليه قوي وفي الرف الاصلي متشكله فيه اصلا

انا عملت الموضوع ده بنفسي لا طبعا زي ما كلنا بنعاني ان مافيش دقه ولا صبر عند الصنايعيه
انا رحت لواحد متخصص في الرف القديم علشان يفتحلي لسماعات بيضاوي بدل دائري وكانت النتيجه ان كل سماعه راكبه ب 3 مسامير بس داغير الشكل الوحش لان في حته فاضيه جمب كل سماعه

**ahmed_eng2001** · 07-12-2014 10:12 PM

الله ينور عليك .... تقطيع الخشب شكله كويس

حضرتك امامك احد الحلول .....

اما انك تاكل من سمك الخشب لغاية لما ارتفاعه زى ارتفاع الصاجة ... و نحط طبقة خشب تانية تغطى الاتنين مع بعض .. و و توصل من الزجاج حتى ظهر الكنبة

او انك تجيب خشبة تانية سمكها زى ارتفاع الصاجة ... و تقطعها اكبر من الغطاء القديم ... بحيث تغطىالمساحة من الزجاج حتى الكنبة .... و بعد كدة تحاول تاكل من مكان الصاجة دى علشان الخشبة تكون مستوية
ربنا يعينك

**zakar0tta** · 09-12-2014 02:34 AM

المشاركة الأصلية كتبت بواسطة ahmed_eng2001

الله ينور عليك .... تقطيع الخشب شكله كويس

حضرتك امامك احد الحلول .....

اما انك تاكل من سمك الخشب لغاية لما ارتفاعه زى ارتفاع الصاجة ... و نحط طبقة خشب تانية تغطى الاتنين مع بعض .. و و توصل من الزجاج حتى ظهر الكنبة

او انك تجيب خشبة تانية سمكها زى ارتفاع الصاجة ... و تقطعها اكبر من الغطاء القديم ... بحيث تغطىالمساحة من الزجاج حتى الكنبة .... و بعد كدة تحاول تاكل من مكان الصاجة دى علشان الخشبة تكون مستوية
ربنا يعينك

بصراحه الاختيارين صعبين قوي خصوصا ان انا اتذليت علي ما وصلت لنتيجه التقطيع دي
انا بفكر اقلل من سمك الخشب من الاخر من ناحيه الازاز لحد ما يطلع فوق الصاجه دي واشوف كده لو كان الارتفاع مقبول انا لسه هحط جلد عليه هيداري الفرق شويه ولا ايه ؟؟؟؟
انا مش قادر اصدق معقوله ماحدش فكر في الموضوع ده قبلي ولا حتي حد شافه مطبق في عربيه لانوس قبل كده

**ahmed_eng2001** · 10-12-2014 10:39 PM

المشاركة الأصلية كتبت بواسطة zakar0tta

بصراحه الاختيارين صعبين قوي خصوصا ان انا اتذليت علي ما وصلت لنتيجه التقطيع دي
انا بفكر اقلل من سمك الخشب من الاخر من ناحيه الازاز لحد ما يطلع فوق الصاجه دي واشوف كده لو كان الارتفاع مقبول انا لسه هحط جلد عليه هيداري الفرق شويه ولا ايه ؟؟؟؟
انا مش قادر اصدق معقوله ماحدش فكر في الموضوع ده قبلي ولا حتي حد شافه مطبق في عربيه لانوس قبل كده :o_stupid[1]:

اعذرنى على التأخير فى الرد .... النت كان بعافية شوية :)

جرب فكرتك الى انت قلت عليها ... و ربنا يكرم ... و ياريت حضرتك تبلغنا بالنتائج ....

انا بس احب الفت انتباه حضرتك لحاجات صغيرة كدة على الماشى ......

مش اى حد بشتغل و يعمل حاجات بايده ..... حضرتك بدأت و حققت نتيجة مقبولة جدا .... ياريت تكمل و لا تيأس

احسب المكاسب و الخسائر بصورة سريعة قبل البدأ فى التنفيذ ..... يعنى لو فشلت خالص ... و ده احتمال وارد دائما .... حتخسر ثمن الخشب و الخامات ... و حتخسر الوقت ... و المكاسب .... اتعلمت حاجة جديدة ... استمتعت ... اكتسبت خبرة فى الشغل .. حتنفعك بعد كدة ان شاء الله

متقولش انا تعبت و زهقت و مش حعرف اعملها تانى ..... خليك واثق فى نفسك .. و ان شاء الله حتعمل احسن منها فى المرة التانية

حضرتك تسأل و تستفسر على الفكرة العامة ..... علشان تفتح طريق للتفكير .... زى مثلا حضرتك تسأل على انسب نوع خشب ... سعره ... انما التنفيذ .... ده بتاعك انت لوحدك

فى انتظار افكار اخرى و تنفيذ من حضرتك

تقبل مرورى