عرض للطباعة
ربنا يسترها معانا جميعاً، بس انا لاحظت ان فيه حوادث متكررة والنتيجة واحدة،
حادثة علي طريق السندباد العربية تتقلب ةالفتييس يخرج برة العربية !!!
حادثة علي المحور تقريباً برضه العربية تتقلب لكن المرة دي الموتور يطير بره العربية !!!
انا مش فاهم حاجة
هو موضوع الفتيس أو الموتور انه يخرج بره العربية ده عادي ولا Safety ولا صدفة ولا عيب في العربية ولا ايه انا مبقتش فاهم بصراحة
بس انا كنت فاكر ان العربية دي عوامل الامان فيها عالية جداً
ياريت حد يفهمني الموضوع ده وربنا يسترها علينا ويستر طريقنا كلنا
شكراً
مش عارف هي بتتقلب لية في المنطقة عندي بردوا اتقلبت لما خدت مطب مش جامد اوي
يا ساتر يا رب، ربنا يسترها علينا وحمد الله علي سلامتك يا محمداقتباس:
المشاركة الأصلية كتبت بواسطة mohamed hussei
متابع
folo
في العربيات اللي مستوي الأمان فيها عالي الموتور و الفتيس بتكون قواعده مصممة انها تنفصل و تنزلق أسفل العربيه في الحوادث القوية علشان متخلش علي الكابينة و قده تققل احتمالات الصابه اللي ممكن تحصل عن طريق انه بيخلي الكابية زي الكبسولة المؤمنه
اقتباس:
المشاركة الأصلية كتبت بواسطة memoz
الموضوع ده جديد انا اول مرة اسمعه
طيب ممكن فيديوهات توضح الموضوع ده
ربنا يستر
الشاسيه ضعيف بيكسر تحت المكنة والفتيس
مش انا الي عملتتها دة عربية في شارعاقتباس:
المشاركة الأصلية كتبت بواسطة internalspirit
الوضوع دا موجود يا باشمهندس احمد ودا حمايه لركاب السياره علشان الموتور ما يخشش علي الكابينهاقتباس:
المشاركة الأصلية كتبت بواسطة engahmedsayed
أنا كبير فى السن عندى 55 سنه كان عندى زمان مرسيدس 190 دخلت بيها فى عامود نور و كان الاكصدام من الصلب الفولاذ يشيليه فردين بصعوبة ....عامود النور وقع على الارض محدثا دويا عاليا و الحمد لله نزل على الارض بدون اذي لاى حد ....طب اسألنى المرسيدس جره لها ايه ....ولا اى شئ كأن شيئا لم يكن.... لو عربية من عربيات النهاردة تخيل المشهد و ربنا يسترهااقتباس:
المشاركة الأصلية كتبت بواسطة moratoz
لو حصل دلوقتى السواق هياخد العامود بالحضناقتباس:
المشاركة الأصلية كتبت بواسطة ali ashraf
و يبقى فعل فاضح فى الطريق العام :)
بالمناسبة واحد زميل اخويا فى الشغل دخل فى جزيرة فى شارع نتيجة السرعة الزيادة بa7 بردوا
أنا اللي فهمته دلوقتي - وياريت حد يصحح لي لو كنت غلطان - إن المشكلة مركّبة :اقتباس:
المشاركة الأصلية كتبت بواسطة internalspirit
الجزء الأول منها يكمن في كون العربية بتتقلب في حالات كتيرة وبسهولة!
الجز التاني من المشكلة عبارة عن إن الموتور والفتيس - أو أحدهما - بيتنطر خارج العربية تماما ربما من غير مبرر!
يا ريت حد من التوكيل أو عنده خبرة كافية يشرح لنا الموضوع ببساطة واختصار وإلا فأنا عن نفسي بدأت " أتعقّد " من العربية دي ونفسي تقف منها تماما !
والله أعلم.
موضوع الامان وحمايه كبينه الركاب
مش داخله دماغى !!! وايه علاقتها
بالماتور اللى بيطير بره العربيه !!!
امان ازاي يعني
المكنه والفتيس يطلعو بره العربيه وتقولولي امان
كلام مش مقنع بصراحه
وبعدين لما المكنه والفتبس يطلعو بره العربيه ويتكسرو
العربيه هيفضل فيها ايه سليم
والاير باج كلو يفتح والصاج من بره اتكسر يعني رسمي توتال لوست
بخصوص موضوع الحادثة الاستاذ\احمد محرز مدير عام ارتوك اوتو بتقديم الرد التالى لتوضيح الموضوع
http://im57.gulfup.com/2YW7PP.jpg
http://im57.gulfup.com/EgdnXf.jpg
http://im57.gulfup.com/QiCLzU.jpg
وده رابط مباشر لخصائص الامان بسيارة سكودا اوكتافيا موضح فيه الخاصية
ŠKODA Octavia - Safety - ŠKODA
و دى سكودا ياتى فى انجلترا نفس النظام بالظبط والى باقى من العربيه نفس الهيكل الصلب الى فى الصوره بتاعت استاذ احمد محرز
Engine ripped from Skoda in crash escape | Western Daily Press
صورة العضو الاستاذ محمد
http://im85.gulfup.com/oZ8TYO.jpg
يا ريت نراجع الرد بتاعى و cosmic one اكيد الموضوع واضح ان ده خاصية امان
موضوع ان الماتور يحل اتوماتيك ويسقط ، طبيعي ومفيش فيه كلام
موجود في عربيات كتير من زمان ويعتبر من ضمن عوامل الامان
لكن اللي اعرفه ان يسقط في حالة التصادم الامامي فقط ويسقط مكانه مش يطير بعيد عن العربيه ويتسبب في بلاوي تانيه !!
اما موضوع سقوط عجلة القياده وعلبه الدركسيون و و و ، ده كلام اول مره اسمعه
كان أسهل يعملوا كرسي قاذف ببراشوت ويبقى زي الفل :d
المنطق والعقل بيقولوا كده
حضرتك قريت اللينك هو مين قال انه بيطيراقتباس:
المشاركة الأصلية كتبت بواسطة m!sho
كلاكيت تانى مرة رابط مباشر لصفحة اسكودا
ŠKODA Octavia - Safety - ŠKODA
يا ريت لو حد حابب يعدل على عوامل الامان عند فولكس او معترض عليها ممكن يبعتلهم على الميل بتاعهم
يا فندم لا حد بيعدل ولا حد معترضاقتباس:
المشاركة الأصلية كتبت بواسطة amgomaa
احنا بنحاول نفهم
اقولك على حاجه سكودا أأمن عربيه في العالم
والامان بتاعها اعلى من الفولفو كمان بس انت متزعلش نفسك
ودي كلها اشاعات العربيه لا اتقلبت ولا متورها طلع بره
تتقلب ازاي دي زي الصخره على الارض
انا حاطط اللينك علشان اللى مشارك فى الموضوع يفهم و اعتقد مكتوب فيه بوضوح ان المكنه ليها قواعد خاصه علشان الموتور يتفك (مش يطير) وكمان الدواسات و عمود الدركسيون بدل م يخشوا جوا الكابينة و يبهدلوا الركاب و ياريت الموضوع مش محتاج هجوم انا حاطط البوستات بتاعتى للرد والتوضيح فقط ان الموضوع من عوامل الامان لا بشكر فى اسكودا ولا غيرة تقبل مرورىاقتباس:
المشاركة الأصلية كتبت بواسطة amr_8800
يا فندم انا كمان مش بهاجم اسكودااقتباس:
المشاركة الأصلية كتبت بواسطة amgomaa
واكيد استفدت كتير من ردودك
وانا مقلتش ان في حاجه غلط في كلامك
الواحد بيتعلم وبيستفيد
شكرا لمجهودك
تقبل مروري
الموتور لا طار ولا حاجه ..
كل ما فى الامر ان فى الصدمه الاولى ماتور العربيه سقط طبقا لتصميم العربيه نتيجه شدى الصدمه و العربيه انقلبت او طارت فى الهواء عدة مرات .
يبقى الموتور طااااااااااار فين ..
الاخوة اللى مش مصدقين ان النظام فى فولفو موجود كمان ادى اللينك
What is a Volvo breakaway engine mount
متهيالى فولفو اامن سيارة فى العالم و فيها نفس النظام
لينك ايه يا فندم ؟اقتباس:
المشاركة الأصلية كتبت بواسطة amgomaa
انا بتكلم على صور الفيس وردود استاذ احمد على الموضوع ده
اما طار مش مقصود طار بالمعنى الحرفي يعني ، بس الماتور او الفتيس من الصور بعيد عن العربيه وده في حد ذاته كارثه
على العموم لغاية دلوقتي كل الكلام والتبرير ملوش اصل وكل ده تكهنات مننا احنا
في الاخر الله يكون في عون صاحب العربيه بصراحه متهيألي توتال لوس كده
ŠKODA Octavia - Safety - ŠKODAاقتباس:
المشاركة الأصلية كتبت بواسطة M!SHO
ماختلفناش على فكره
انا معنديش شك في موضوع الماتور وانه من عوامل الامان وكده ولو اني مستغرب سقوط الدركسيون وعلبة الدركسيون بصراحه
موضوع الماتور ده موجود في عربيات كتير ، افتكر في 2010 كنت بتفرج على الفيات اللينيا وكان موجود فيها
المفروض دة في حالات الاصطدام الامامي ان القواعد بناعت الموتور بتنكسر عشان يسقط اسفل السيارة وميدخلش الكابينة
الفتيس دي جديدة وممكن يكونوا عملوها
لكن العربية مفيهاش اي اصطدام امامي بالذات ان طريقة سرد القصة العجلة اليمين ورا تخبط في الرصيف والعجلة الامامي يمين تخبط برضوا في الرصيف المقابل و بعدين الفتيس ينزل من مكانة وهي بتتقلب
مش عارف الله يكون في عون صاحبها و يعوضة خير
أولاً : ربنا يعين صاحبها على الحادثة .. وأهم حاجة سلامته .
ثانياً : بفرض جدلي موضوع أن الموتور يفك كعامل من عوامل الأمان علشان ميخشش على الكابينة ويأذي الركاب .
أنا الموضوع مش داخل دماغي للأسباب الآتية :
- اسكودا من العربيات المحترمة اللي بتصمم البودي بتاعها بحيث يبقى فيه مناطق قوة لحماية الركاب في المقصورة .. ومناطق ضعف (نقط انهيار) لامتصاص الصدمة وتقليل قوتها .. فأيه الحاجة للجوء لهذه الخاصية .. لأني شايف من وجهة نظري أنها بتضر أكتر ما بتفيد .
- دلوقتي أنا خبطت وعملت حادثة .. الموتور حيفك من القواعد بتاعته في لحظتها .. طب أيه اللي حيحصل والعربية متأثرة بالقصور الذاتي من جراء الاصطدام ؟!! .. في تصوري الشخصي (وقد يكون كلامي خاطئ) أن الموتور حينزل تحت العربية وحيرفعها لفوق وقد يؤدي لإنقلابها حتى إن لم تتوافر ظروف الحادث لجعل السيارة تتقلب .
- خروج الموتور عن جسم السيارة قد يؤذي السيارات الأخرى أو المشاة المتواجدين في الطريق .
في اعتقادي ومن واقع الصور اللي شوفتها على الفيس .. أن العربية أخدت صدمة قوية اسفل السيارة من المطب وعلى سرعة مش أقل من 60 أو 80 .. وبالتالي حدث كسر في قواعد الفتيس والموتور أدى لانفصالهم وخروجهم برة جسم العربية .
وعلى فكرة ده شيء وارد جداً في أي عربية من أقدم الموديلات حتى أحدث الموديلات أماناً .. ومش عيب في سكودا كماركة عريقة .
من الواضح ان حالات خروج الماتور و الفتيس من مكانه فى a7 مش مقتصرة على الاصطدام الامامى بس.
ممكن يكون تصميم القواعد الجديدة البتحقق ده بيخليها تفك حتى لو الصطدام من زوايا تانية.
ممكن يكون الموضوع ده عن قصد و ممكن عن عيب تصميم للقواعد صعب الترجيح بالنظر ,اعتقد لازم تقرير صادق من الشركة الام بعد معاينة الحالات دى.
كان فيه فيديو عن الفئه السابعه BMW وان هى بتخرج الموتور بره العربيه لما العربيه بتيجى تتقلب
عشان حاجه إسمها القصور الذاتى أو عزم الدوران
ياعنى بدل الوزن الزياده إلى هيخلى العربيه تتقلب 5 مرات هى بتتخلص من الموتور بحيث تتقلب أقل
وفى نفس الوقت ميأثرش على الركاب داخل مقصوره السياره لو هيتسبب فى أزيتهم.
وطبعاً فى حساسات وكمبيوتر السياره بيحسب أمتى يكسر و يتخلص من الموتور بحيث يكون مواجه للأرض بحيث ما يتسببش فى مشاكل تانيه.
الكلام ده أنا شايفه من أكتر من 5 سنين وبحاول أدور على الفيديوا تانى ولكن مش لاقيه الصراحة.
لكن الكلام فى الفيديوا كان عن الموتور فقط محدش جاب سيره الفتيس
ومهما كانت التكلفه الماديه (Total Lose) فده يهون قدام حياة ركاب السياره لأن التأمين (بره ) هيعوضك و لو معوضكش العربيه تمنها رخيص
اقتباس:
المشاركة الأصلية كتبت بواسطة memoz
اعذرني على فهمي لان أول مرة اسمع بالتقنية دي ...يعني علشان احمي الكابينة يوقع الماتور أو الفتيس ... كلام مش منطقي ..... ووعلى فكرة الاخوة هنا منزلين صور لبورش باناميرا مقلوبة في الكويت مشفناش فتيس سقط والا ماتور اتفشخ من العربية والبورش ابو التكنولوجي كلها