هل الناس بتحكم عليك من خلال نوع عربيتك؟

**MohaMed_Refaat** · 01-11-2008 05:31 PM

اكيد طبعا الناس بتتعامل على حسب نوع عربيتها ومش الناس بس دة كمان العلوج بتوع المرور بيتعاملوا مع الناس على حسب عربياتهم يعنى العسكرى لو عربية قليلة شوية علشان محدش يزعل واقفة فى الممنوع تلاقى العسكرى بكل عنطزة وكانة مثلا فى كارثة حصلت وتلاقية بيتعامل
بكل وقاحة ويزعق بصوت عالى ويقول كلمة باشا بقرف

لكن مثلا لو عربية عاليا اللى واقفة فى الممنوع تلاقية خايف يجى ناحية العربية اصلا ولو اضطر يكلمة تلاقية كل كلامة معلشى واصل الوقف هنا بعد اذنك ممنوع وحضرتك ممكن تروح توقفها مش عارف فين بكل ادب وتلاقية يقول معاليك وجناب الباشا طبعا ثمن العربية اشتغل بقى

**thegreatnileman** · 01-11-2008 06:44 PM

هل نوع عربيتك بيخلي الناس تحكم عليك بشكل مختلف؟ --- احيانا

وهل ماركة السيارة بيمثل نوع من الوجاهه الإجتماعية؟ --- في اوقات كتيره جدا اه

وهل حكم الناس بيخليك تشتري عربيه عن عربيه تانيه؟ --- لأ

**شريف** · 02-11-2008 11:28 AM

هل نوع عربيتك بيخلي الناس تحكم عليك بشكل مختلف؟ --- اول انطباع فقط

وهل ماركة السيارة بيمثل نوع من الوجاهه الإجتماعية؟ --- طبعا

وهل حكم الناس بيخليك تشتري عربيه عن عربيه تانيه؟ --- لو فى امكانية طبعا

**Osama_soliman** · 02-11-2008 11:33 AM

للاسف ايوه

العربية بتغير نظرة الناس ليك

بس.......... بعد التعامل الفعلى والحقيقى النظر بتغير برضه

يعنى العربية مظاهر بيحكم بها الناس السطحيين

**El Prince** · 02-11-2008 01:05 PM

مش لازم كل انسان راكب عربية غالية يكون ضرورى محترم
و مش لازم كل انسان راكب عربية على قدها ضرورى يكون غلبان

**ahmedgoldberg** · 02-11-2008 01:23 PM

للاسف ايوه الناس بتحكم عليك من عربيتك والشعب المصرى بقى سطحى اوى
والنسبه متقلش عن 97 % من الشعب سطحى وتافهه وميستاهلش انك تبصله
بالنسبه لماركه العربيه بنتكلم عن العموم اى عربيه جديده والسلام بتفرق فى نظره الناس ليك

بالنسبه هيغيره حكمى معتقدش انا كان معايا سيات 133 وكنت بسمع تريقتهم بودنى بس بقول يغوروا فى ستين داهيه الحمد لله انا احسن من ناس كتير

**tamohsen** · 02-11-2008 01:25 PM

هل نوع عربيتك بيخلي الناس تحكم عليك بشكل مختلف؟ --- طبعا
وهل ماركة السيارة بيمثل نوع من الوجاهه الإجتماعية؟ --- طبعا , منبقاش في مصر لو ده مش تفكير الناس
وهل حكم الناس بيخليك تشتري عربيه عن عربيه تانيه؟ --- لأ طبعا , ده تخلف وجهل

**EslaM_NagY** · 04-11-2008 11:40 AM

من حوالى شهرين رحت فندق موفنبيك المطار بال128
حوار الامن على البوابه كالتالى:-
هو : رخصة العربية.
انا : اتفضل.
هو : رخصة السواقة.
انا اتفضل.
هو : بطل العربية.
انا : حاضر. (عشان الكلب يشم لو فى ممنوعات اصل صوت الموتور بيوتر سعادة الكلب).
هو : انت داخل تعمل ايه ؟
انا : داخل العب تنس.
راح سايبنى وادانى وصل بالرخص وفتح البوابة وراح قاعد.
تااااااااااااااانى يوم داخل على نفس البوابة ونفس الموظف بس بفولكس جيتا
الحوال كالتالى:
هو خبط على الازاز بمنتهى الرقة
هو : لو سمحت رخصة العربية.
انا : يعتبر رمتهالو فى الارض راح جايبها.
هو : اتفضلللل يا بااااااااااشا.

سبحان الله

الموضوع: هل الناس بتحكم عليك من خلال نوع عربيتك؟

LinkBack

أدوات الموضوع

عرض

-

المواضيع المتشابهه

بأمانة و من غير مبالغة أو كدب _ تعمل أية لو أنت مكان الناس دى و عربيتك على حافة جبل !

عايز كل الناس تتفرج علي عربيتك

عربيتك وقيادتك ومشاكلها اشترك معانا وعرف الناس على الجين 2

الكلمات الدلالية لهذا الموضوع

المفضلات

المفضلات

ضوابط المشاركة