موقع ياهو - الأهرامات في مصر سياحه مخيبه للأمال

أثناء تفقدي للبريد الإلكتروني " بصبح عالميل يعني "
لقيت في صفحة ياهو الرئيسيه صورة الأهرامات وعنوان مقال اسمه
" أكثر الأماكن السياحيه مخيبه للأمال "

أتكلم عن عدة أماكن بالعالم .. من ضمنها الأهرامات في الجيزه

http://im69.gulfup.com/0XWp8H.jpg

قال أن سياحة الأهرامات غير مرغوب فيها بسبب مضايقات الباعه وغيرهم
وكذلك التلوث السمعي والبصري المتمثل في الضوضاء والقمامه في الشوارع بكل مكان

وبينصح الي عايز يروح مصر سياحه انه يفكر مرتين قبل إتخاذ القرار

المقال هنا

https://www.yahoo.com/travel/the-mos...331798812.html


كان عندنا الأهرامات احد عجائب الدنيا السبعه
والحمد لله أتطورنا وبقيت مصر كلها أحد عجائب الكرة الأرضيه .

حاجه تزعل .

كان عندنا سياحة وراحت
الناس دلوقتي بتتجه لتركيا الارهابية الخائنة العميلة :d

حتى السياحة الى تركيا تتطلب تصريح من مباحث امن الدولة
وتم تنفيذ القرار ابتداءا من الشهر الجاري

كله بسبب سلوكيات الشعب

لو كان الفراعنه عرفوا اننا هنعمل كده في تاريخهم

كانوا قعدوا في اي غرزه شدوا حجرين :d

بلا بني اهرامات بلا نيله :d

اقتباس:

---

المشاركة الأصلية كتبت بواسطة باسم يوسف

كله بسبب سلوكيات الشعب

لو كان الفراعنه عرفوا اننا هنعمل كده في تاريخهم

كانوا قعدوا في اي غرزه شدوا حجرين :d

بلا بني اهرامات بلا نيله :d

---

أو كانوا راحوا تنزانيا ولا كينيا بنوا الأهرامات هناك :Copy of m-s5:

اقتباس:

---

المشاركة الأصلية كتبت بواسطة أبو آسر

أو كانوا راحوا تنزانيا ولا كينيا بنوا الأهرامات هناك :copy of m-s5:

---

:36_2_33: جيت ع الجرح

اقتباس:

---

المشاركة الأصلية كتبت بواسطة أبو آسر

أو كانوا راحوا تنزانيا ولا كينيا بنوا الأهرامات هناك :copy of m-s5:

---

ههههههههههههههههه تصدق ممكن بس الدول دي مش محتاجه تنشيط للسياحه اكتر من كده :))

شعب بيقدر قيمه بلده و تراثها صح

اقتباس:

---

المشاركة الأصلية كتبت بواسطة prof2013

:36_2_33: جيت ع الجرح

---

جرح ليه يا بروف ؟

من خلال تعاملي مع الجنسيات المختلفه عن طريق عملي السابق بالسياحه

احب اقولك ان الشعوب الافريقيه اكثر احتراما و تدينا من الشعوب العربيه

و خصوصا الشعب الظريف اللي احنا عايشين في وسطه هنا

طول ما الناس بتاعة جيف مى باكشيش لسه موجودة هيفضل ده الانطباع

الاهرامات دى لو كانت موجودة ف المانيا و لا فرنسا ,,
كانوا زمانهم عملوا من وراها فلوس اكتر من الدخل القومى لمصر

لكن للاسف مفيش اهتمام و الزبالة ماليه المكان و المعاملة زفت
و مفيش رقابه و سعر التذكرة اهبل و مفيش عروض و حفلات على مستوى

حاجة %$#@

مفيش اي تطوير او اهتمام
فدي النتيجة قاعدين نقول كلام حصل من اللاف السنين
ولو سألنا نفسنا عملنا ايه فال 300 سنة الي فاتت
هنقول عملنا المترو ومقدمين علي كهرباء وميه للخط الرابع
معلش بس زي ما حضرتك قولت حاجة تزعل فعلا
وعفوا علي رأي بس ده لاني كان نفسي نبقي افضل من كده
تحياتي ..

http://www.youtube.com/watch?v=-pS-YYcpxW4

ده انا اللى عايش فى مصر قريت وسمعت وشوفت عن البلطجة والوساخه اللى بتحصل عند الهرم
وأخاف اروح علشان معكننش على نفسى
ما بالك بالسائح اللى جاى من بره
عليه العوض ومنه العوض

http://www.youtube.com/watch?v=83i7BmBEBvQ

موقع ياهو مش فاهم أصلاً :)

حلو قوى خلاص خلصنا شتيمه فى الاهرامات
كام واحد بقى دخل على المقال وقراء اللى فيه وبعد كدة حكم
مصر فيها موبيقات الدنيا والاخرة وفيها عبر ومناظر تستحى تقول انك من مصر بسببها بس مش هى البلد الوحيدة الى كدة بل غالبيه الدول فيها اوسخ من الى ممكن نشوفه من الاعلام

مصر وبلدى وطنى فى القلب
مصر الدوله ونظمها الادارى والحاكم بنت ستين كل..........

المقال مخلص على مدن كامله باريس ولوس انجلوس ودبى وفينسيا وجايبهم الارض

1. Los Angeles: ‘The whole city is a lie’
2. The Pyramids: ‘Stayed 15 minutes’
3. Stonehenge: ‘Very anticlimactic’
4. Paris: ‘Worst city on earth’
5. Venice: ‘A gigantic tourist trap’
6. Dubai: ‘Smoke and mirrors’
7. Jamaica: ‘I will never go back’

عندهم حق..يا راجل أنا روحت أنا وخطيبتي هناك من سنة تقريبا كرهت نفسي واليوم اللى روحت فيه هناك!

الصراحة احنا شعب سلوكه غريب بنتفنن نتحايل على القانون ونخلى السائح اللى يغلط ويجى مرة يحرم يعملها تانى وبجد العيب فينا احنا ولازم تكون هناك قوانين رادعة

المقال فعلاً مخلص على أماكن كتير في العالم غير الأهرامات ومصر، طيب الواحد يروح فيين بقى!!!!؟؟